थु़र्मा 10:11 - थुलुङ राई

¹¹ गुका पाह्री ह्‌वासिक्‍पा मा मेडलामका ब्‍ल सुरडा बन्‍थाट्‌मा प्‍लानबेखोप होप्‍माम ये सुबुडा योक्‍तोङा बेपा ल्‍वास्‍तु़।

थु़र्मा 10:11 Referans Kwoze

एफिसी 3:6

मेराम सु़का वो मेचक्‍मिवाम ल्‍वा ने ओराम सो़: जो़पा-सेलालामका वाङ सामामिमका वो ख्रीष्‍ट येशूडा यहूदीमिमनुङ कोयोङा जि-वाकु खुन्‍चु़म ल्‍वामी, मा कोले मिरो़मडा कोयोङा दु़म्‍मी, मा माम्‍चु़नीका याचे जेम्‍डिम ल्‍वा कोयोङा ल्‍वामी।

यूहन्‍ना 1:51

गुमीका मेरामलाई र्‍वाम्‍डी, “आच्‍छाङा गो गानालाई र्‍वाङु, पाह्री ह्‌वासिमिम, मा माम्‍चु़नीकु पाह्रीचो़मिम मिनीचो़डला योक्‍तो लक्‍तो बोमिमिम गाना ल्‍वाना।”

रेम्‍बेट्‌मिडिम ल्‍वा 19:11

मेम्‍मा पाह्री ह्‌वासिट्‌पा गो ल्‍वाउतो मा मेसिन्‍डा आमा ङादोडा कोले बुबुयाम घोडा बाइडा, मे घोडाडला हुपाकु नङ “थो़रलु़इमिम” नुङ “आच्‍छाङा” बाइडा। गुमीका जो़पा निया नुङ क्‍वाल्‍बा बोमी।

रेम्‍बेट्‌मिडिम ल्‍वा 11:19

मेम्‍मा पाह्रीला माम्‍चु़नीकु सो़रनेम कोङनिमका होल्‍लु़ मा उनीमा सो़रनेम गोनो उनीमा सो़रख्रेप्‍सीकु बाकस दो़स्‍ता। ब्‍ल्‍याक्‍ची बु़डु़, बुलु़लु़ बु़डु़, गुडुमाक्‍सी जेस्‍ता। सुबु रुड्‌डु़ मा डोक्‍पुतो लोसु़ योक्‍ता।

रेम्‍बेट्‌मिडिम ल्‍वा 4:1

आकोतिमा, गो रेप्‍तो मा पाह्रीला कोले लाम्‍चोको होल्‍तासिट्‌पा ल्‍वाउतो। मेम्‍मा ङादो गोनुङ जेपा मेराम लो़लामकाङा भुमकु लो़लामका होङङा गोनुङ आरे र्‍वाम्‍डी, “आला गेले गेडा, मा दिफु हाम दु़म, गो रेम्‍बेनी।”

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

एफिसी 1:10

माम्चु़नीकु नका र्‍वामिम ने थारी हुसोमिम चङडा पाह्री नुङ सु़म्‍दिसेरडा बाट्‌पा खोत्‍ले ख्रीष्‍टकु साखाम गोडा दु़म्बेन्‍मिम सो़।

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

गलाती 2:15

गुकु ने गक्‍तोकोलोङा यहूदी बात्तोको मा वाङसामा होप्‍माम छु़लचो़ गुकु मेएँ।

रोमी 9:4

मेर्मिम इस्राएलीमिम सो़, मा माम्‍चु़नीका मेर्मिमलाई उनीमा त्‍वाकु चो़-चु़सु़ दु़म्‍बेट्‌मिडी मा उनी त्‍वाकु यु़म-झ्‍वाक्‍सी मेर्मिमडला रेम्‍बेम्‍डी। मेम्‍मा मेर्मिमनुङ सो़रख्रेप्‍मिडी, मा डु़म्‍ला ग्‍वाम्‍डी, उनीमा लाले-पाङके बोमु वो सीट्‌मिडी, गुमीका याचे जेम्‍डिम ल्‍वा मेर्मिमका डार्मिडी।

रोमी 1:16

जो़पा-सेला थो़बेन्‍मु गोलाई क्रो़म मेलु़, हेङालोने थो़र बेपा खोत्‍लेकाम लागि सेल्‍सिमु ल्‍वापा माम्‍चु़नीकु यु़म सो़, ङादो यहूदीमिमकाम लागि मा वाङ सामाकाम लागि वो सो़।

थु़र्मा 7:56

मेकोतिमा गुका र्‍वाक्‍ता, “रेप्‍नी, पाह्री ह्‌वासिट्‌पा मा मिनीचो़ माम्‍चु़नीकु जो़पलाम येम्‍तासिन्‍मिमिम गो ल्‍वाउ।”

यूहन्‍ना 12:32

लावो गो सुबुलामका कोङसिङुमा खोत्‍ले मु़चु़लाई आमाडा रेट्‌पुमी।”

यूहन्‍ना 11:52

नेब्‍दीकाम लागि कोङङा मेएँ, खोत्‍लेथो़ फोन्‍सिक्‍साका बाट्‌पा माम्‍चु़नीकु चो़मिमलाई कोदेप बोमु लागि र्‍वाक्‍मा बाइडा।

लूका 3:21

खोत्‍ले मु़चु़का कु-रु़दु़म रम्‍डी, मा येशूका वो कु-रु़दु़म रसाका सो़म्‍दी बेम्‍डिम बाम्‍डी, मेकोतिलो पाह्री ह्‌वासिड्‌डा,

मत्ती 8:11

गो गानीलाई र्‍वाङु, नेप्सुङ ओपाथो़ नुङ नेप्सुङ गाम्पाथो़म सु़म्‍दिसेर खोत्‍लेलामका वाङसामा मु़चु़मिम हापा रोमी। मेम्‍मा अब्राहाम, इसाहक, याकूबनुङ पाह्री-किब्‍दीडा ग्रुला पेप्‍डा मेर्मिम गन्‍मी।

थु़र्मा 10:12

मेरामगोडा सुबुडाम खोत्‍ले हादी-बारामिम, सुसिसाका लाम्‍दिपा फुचु़-रोक्‍चु़मिम नुङ हुट्‌पा सिकेवा-माङ्‍केवा बाम्‍डी।

थु़र्मा 11:5

गुका र्‍वाक्‍ता, “कोलेम योप्‍पाडा सो़म्‍दी बेउतोम बाङडोलो, आ न ना थो़म होप्‍माम दु़म्‍ङोडो, मा मिक्‍सीलाम ल्‍वाउतो। ब्‍ल-सुरडा बन्‍थाट्‌मा प्‍लान बेखोप होप्‍माम कोले ये पाह्रीलामका आमाथो़ योक्‍तोङा बु़डु़।