थु़र्मा 1:8 - थुलुङ राई

⁸ लावो माम्‍चु़नी-पेल गानीगोडा योमिमा यु़म ल्‍वानी। मेकोतिमा यरूशलेमडा, खोत्‍ले यहूदियाडा, सामरियाडा, मा सुबु बिर्खोपसम्‍म गानी आमा दुथाम सो़पा दु़म्‍नी।”

थु़र्मा 1:8 Referans Kwoze

मत्ती 28:19

मेम्‍मिमका लक्‍निमा खोत्‍ले सामाडाम मु़चु़मिमलाई आमा सीसिपा दु़म्‍बेट्‌नी, मा पाप, तारापाचो़ नुङ सेपा पेलकु नङडा मेर्मिमलाई कु-रु़दु़म ग्‍वाक्‍निमी,

मर्कूस 16:15

मेकोतिमा येशूका मेर्मिमनुङ र्‍वाम्‍डी, “सु़म्‍दिसेर खोत्‍लेथो़ लक्‍निमा खोत्‍ले मु़चु़मिमलाई जो़पा-सेला थो़बेट्‌नी।

रोमी 15:19

छेखोपमिम, हेल्‍लो वो मेल्‍वाम्‍मा यु़म खारीमिम मा माम्‍चु़नी-पेलकु यु़मलामका गो यरुशलेमडाम्‍मा इल्‍लुरिकन र्‍वाक्‍मा नेब्‍दीसम्‍म येशू ख्रीष्‍टकु दुथाम जो़पा-सेला जो़होमका दो़उतोम बु।

थु़र्मा 5:32

गुकु ओर्मिम खोत्‍ले ल्‍वा आकी मिक्‍सीका ङा ल्‍वात्तोकोम बु, मा गुमीका र्‍वामिमिम थो़पामिमलाई माम्‍चु़नीका ग्‍वाम्‍डिम उनी पेलका वो मेराम सो़मी।”

थु़र्मा 4:33

थु़र्मामिम छो़म सोनुङमा दु़म्‍तो येशू सिमुलाम आच्‍छाङा बम्‍गेम्‍डिम ङा र्‍वाक्‍साका हेल्‍लो लोवो सो़मु चो़म्‍मिडी, मा मेर्मिमडला माम्‍चु़नीकु दिदाम छो़म डोक्‍पु बाइडा।

थु़र्मा 6:8

स्‍तिफनसकाडा माम्‍चु़नीकु दिदाम नुङ यु़म छो़म बाइडामका मु़चु़मिमगोडा छो़म डोक्‍पु-डोक्‍पु छेखोपमिम नुङ यु़मखारीमिम बु़डु़।

रोमी 10:18

मेम माला हाम मेर्मिमका थो़म्डिम मिबु? मेएँ मेर्मिमका थो़म्‍डी। “मेर्मिमकु लो़लाम खोत्‍ले सु़म्‍दिसेरडा फोन्‍सिड्‍डा मा मेर्मिमका र्‍वाम्‍डिम ल्‍वा सुबु बिर्खोपसम्‍म रोक्‍थिड्‍डा।”

यूहन्‍ना 15:27

ङादो आथामङा गानी गोनुङ बुनिमिमका गानी वो आमा दुथाम सो़पा दु़म्‍नी।”

लूका 10:19

ब्‍लोमिम नुङ दावाखाममिम फेमखेलगोयु़ बेपा साखाम नुङ खोत्‍ले स्‍वाक्‍चिमो शैतानकु यु़मलाई वो घ्‍ल्‍वापा यु़म गो गानीलाई ग्‍वाक्‍निमिम बु। ओर्मिम उहेम ल्‍वाका वो गानीलाई मेजो़पा मेबोनी।

थु़र्मा 1:5

यूहन्‍नाका ने कु-रु़दु़म ग्‍वाक्‍तु़मी, लावो आनेपकु कोलेम-नलेमका गानी माम्‍चु़नी-पेलकु रु़दु़म रनी।”

मत्ती 24:14

मेम्‍मा माम्‍चु़नीका साखाम थो़मिमिमकु दुथाममिम ओराम जो़पा-सेला सु़म्‍दिसेरडा मु़चु़मिमका थो़बेन्‍मी, मा खोत्‍ले मु़चु़का ओराम थो़मी। मेम्‍मा हुक्‍पा थारी रो।

थु़र्मा 2:32

ओराम येशूलाई ङा माम्‍चु़नीका सिमुलाम फम्‍डी, मेराम गुकु खोत्‍लेका ल्‍वात्तोकोम बु।

थु़र्मा 22:15

हेङालोने उनीमा दुथाम गाना हाम ल्‍वान्‍नाम, थो़न्‍नाम बु, मेर्मिम खोत्‍ले मु़चु़मिमकु ङादोडा गाना सो़पा दु़म्‍ना।

थु़र्मा 13:31

मेकोतिमा गालीललामका यरूशलेमसम्‍म येशूनुङ कोयोङा लाम्‍दिपामिमनुङ हापा खेप गुमी रेम्‍बेम्‍सिम्‍डी। ओम्‍लो वो येशूकु दुथाम सो़पा मेर्मिम मु़चु़मिम इस्राएलीमिमगोडा बुमी।

लूका 1:35

पाह्रीचो़का गुनुङ र्‍वाक्‍ता, “माम्‍चु़नी-पेल गानाडला योमी, मा खोत्‍लेडाम घ्‍ल्‍वापा माम्‍चु़नीकु यु़म गानागोडा दु़म। मेम्‍मिमका मे गक्‍पा चो़च्‍चो़ सेपा दु़म्‍मी, मा गुमीलाई माम्‍चु़नीकु तारापाचो़ र्‍वामी।

थु़र्मा 3:15

मा त्‍वारो़म ग्‍वाक्‍पा ङाचो़लाई गानी सेट्‌नी, लावो गुमीलाई माम्‍चु़नीका सिमुलाम फम्‍डी, मा गुकु मेराम आकी मिक्‍सीका ङा ल्‍वात्तोकोम बु।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

थु़र्मा 1:22

यूहन्‍नाका कु-रु़दु़म ग्‍वाक्‍तु़म थारीका मा येशू गुइलाम पाह्रीथो़ कोम्‍सिम्‍डिम थारीसम्‍म गुइनुङ बाट्‌पा दु़म्‍मु बासी। मेम्‍मा येशू सिमुलाम बम्‍गेम्‍डिम ल्‍वापा दु़म्‍मु बासी।”

थु़र्मा 8:1

मु़चु़मिमका स्‍तिफनसलाई आरेसाका लुङका ओम्‍मुमा सेन्‍मु शाऊल वो बिस्‍ताम बाइडा। मेनेम आथामङा यरूशलेमडाम मण्‍डलीडा छो़म डोक्‍पु दु़खा दु़म्‍मु चो़म्‍डु़। मेकोतिमा थु़र्मामिमडाम वाङमिम थो़रलु़पामिम खोत्‍लेङा स्‍वाम्‍डी, मा यहूदिया नुङ सामरियाथो़ फोन्‍सिम्‍डी।

लूका 24:29

लावो मेर्चिपका गुमीलाई “गुचुकुनुङङा बुइ हेङालोने दुङमा र्‍यामु खाप्‍डु़म बु” र्‍वाक्‍चिम-र्‍वाक्‍चिमङा बेच्‍ची। मेकोतिमा गुमी मेर्चिपनुङङा बुमु लागि नेमगोनो हुम्‍डी।