थु़र्मा 1:5 - थुलुङ राई

⁵ यूहन्‍नाका ने कु-रु़दु़म ग्‍वाक्‍तु़मी, लावो आनेपकु कोलेम-नलेमका गानी माम्‍चु़नी-पेलकु रु़दु़म रनी।”

थु़र्मा 1:5 Referans Kwoze

मत्ती 3:11

“गो ने गानीलाई इनी छु़लमिमलाम माम्‍चु़नीडा ख्‍लोसिबेट्‌पा कु-रु़दु़म ग्‍वानिनी, लावो गोडाम चङडा रोक्‍पा मु़चु़ ने गोडाम वो डोक्‍पु यु़मनुङमा बुमी। गो ने उनीमा डु़ल्‍चो़ दु़म्‍साका उनीमा सो़लो़प कुर्मु वो मेघ्रेटपा बुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

लूका 3:16

मेकोतिमा यूहन्‍नाका मेर्मिमलाई सि ख्‍लोक्‍साक्‍तो आरे बु़डु़मी, “गो गानीलाई कु-रु़दु़म ग्‍वानिनी। लावो गोडाम घ्‍ल्‍वापा कोले रोक्‍तोङा बोमी। उनीमा सो़लो़पकु साले फ्रोमु घ्रेट्‌पा वो गो ने मेबुङु। गुमीका गानीलाई माम्‍चु़नी-पेल नुङ मुकाम रु़दु़म ग्‍वानिमी।

१ कोरिन्थी 12:13

गुइ यहूदी लोवो ग्रीक लोवो, डु़ल्‍चो़ लोवो त्‍वाकु साखाम गोडा बाट्‍पा लोवो गुइ कोलेङा माम्‍चु़नी पेललामका कोले मिरो़मडा कु-रु़दु़म रङ्‌डिम बु। मेम्‍मा गुइ खोत्‍लेका कोलेङा माम्‍चु़नी-पेल ल्‍वास्‍तिम बु।

तीतस 3:5

मा गुइ बिइडिम जो़पा खारीका ने मेएँ, माम्‍चु़नीकु न-थो़मका सेल्‍साड्‌डामी। गुमीका इकीमा छु़लमिम हेप्‍साड्‌डामी, मेम्‍मा उनीमा पेलका लाले त्‍वारो़म ग्‍वाक्‍साका लाले मु़चु़ दु़म्‍बेसाड्‌डामी।

मर्कूस 1:8

गो कु-रु़दु़म ग्‍वानिनिम बु, गुमीका ने माम्‍चु़नी-पेल-रु़दु़म ग्‍वानिमी।”

थु़र्मा 19:4

पावलका र्‍वाक्‍ता, “यूहन्‍नाका ग्‍वाक्‍तु़मिम कु-रु़दु़म ने छु़लमिम न-गोलाम मिम्‍सिक्‍साका माम्‍चु़नीडा ख्‍लोक्‍पा रु़दु़म बाइडा। यूहन्‍नाका मु़चु़मिमलाई उ त्‍वापडाम चङडा रोक्‍पाडा थो़र लु़नी बु़डु़मिम येशूडा सो़।”

थु़र्मा 10:45

माम्‍चु़नीका उनी पेलकु राप्लावा वाङसामामिमडला अम्‍डिमका पत्रुसनुङ रोक्‍पा यहूदी थो़रलु़पामिम छो़म ङा ङाङाया दु़म्‍मिडी।

यूहन्‍ना 1:31

गो आ त्‍वाकाङा वो गुमीलाई छेत्तोमिम मेबायावा, लावो गुमी इस्राएलडाम मु़चु़मिम गोडा रेम्‍बेम्‍सिमिनु़ र्‍वाक्‍साका कु-रु़दु़म ग्‍वाक्‍तो रोङडो।”

मत्ती 3:6

मा मेर्मिमका बेम्‍डिम छु़लमिम सो़साका यर्दन ब्‍लोकुडा यूहन्‍नालामका कु-रु़दु़म रम्‍डी।

यूहन्‍ना 1:26

यूहन्‍नाका मेर्मिमलाई र्‍वाक्‍ता, “गो ने कु-रु़दु़म ग्‍वाक्‍पुमी, लावो गानीगोडा कोले मु़चु़ बुमी गुमीलाई गानी मेछेनी।

यूहन्‍ना 1:33

गुमीलाई आथावो गो छेत्तोमिम मेबायावा, लावो कु-रु़दु़म ग्‍वाका र्‍वाक्‍साका थु़र्पा माम्‍चु़नीका गोलाई आरे र्‍वाम्‍डी, ‘पेल उहेम मु़चु़डला योमिमा गन्‍मिमिम ल्‍वाना, गुमीकाङा माम्‍चु़नी-पेल-रु़दु़म ग्‍वाकु़मी।’