थु़र्मा 1:25 - थुलुङ राई

²⁵ मेराम लाले-पाङकेडा नुङ थु़र्मामिमकु खारीडा रोमु चाप्‍सु़नु़, उहेम लाले-पाङकेलामका यहूदा ख्‍लोस्‍तामा उ त्‍वाकु खोमडा सिडा।”

थु़र्मा 1:25 Referans Kwoze

१ कोरिन्थी 9:2

गो वाङमिमकाम लागि थु़र्मा मेएँ लोवो इनीमा लागि ने आच्‍छाङा थु़र्मा ङा, हेङालोने ङाचो़ येशूडा गो थु़र्मा दु़म्‍ङोडोमकु छेखोप गानीङा सो़।

रोमी 1:5

इकीमा ङाचो़ येशू ख्रीष्‍टलामका माम्‍चु़नीका गोलाई दिदाम ग्‍वाक्‍साका उनीमा थु़र्मा दु़म्‍बेट्‌ङिडिमी। खोत्‍ले सामाडाम मु़चु़मिमका थो़रलु़मिनु़ मा गुमीका र्‍वामिमिम ल्‍वा थो़मिनु़ र्‍वाक्‍साका उनीमा नङडा खारी बेप्‍डा गोलाई थु़र्ङिडिमी।

यूहन्‍ना 17:12

गो आसिन्‍डा बाङडोम थारीका गानी ग्‍वाङ्‌डिनिम नङकु यु़मका मेर्मिमलाई बोत्तोमी-थार्तोमी, मा इनीमा सिजेम होङङा मेर्मिमगोडाम कोले कोङङा पुयु़लुस्‍ता।

गलाती 2:8

पत्रुसलाई यहूदीमिमगोडाम थु़र्मा दु़म्‍साका जो़पा-सेला दो़पा खारी बेबेट्‌मिडिम माम्‍चु़नीकाङा गोलाई वो वाङसामामिमगोडा जो़पा-सेला दो़बेट्‌ङिडिमी।

यूहन्‍ना 13:27

यहूदाका सो़बेम रङडु़ मेडे उमा न-गोडा शैतान हुङल्‍याड्‌डा। मेम्‍मा येशूका मेरामलाई र्‍वाम्‍डी, “गाना हाम बोमु खाम्‍नामिम, मेराम दाला बे।”

मत्ती 26:24

मिनीचो़ ने माम्‍चु़नीकु सिजेमका र्‍वाक्‍ताम होम्‍साका सिमुङा बासी। लावो मिनीचो़लाई भ्रेट्‌पा ने हाउरेमा! मेराम मु़चु़ ने मेगक्‍सावामङा उमा लागि जो़पा दु़प्‍सावा।”

मत्ती 25:46

“मेर्मिम मु़चु़ हेल्‍लो लोवो देन्‍दे ल्‍वापाम बाट्‌पाडा लमी, लावो माम्‍चु़नीकु लाम्‍दीडा लाम्‍दिपा मु़चु़मिमका ने हेलो वो मेसिपा त्‍वारो़म ल्‍वामी।”

मत्ती 25:41

“मेकोतिमा हपका उ पेलाममिम मु़चु़मिमलाई र्‍वा, ‘माम्‍चु़नीलाम वाइतो ल्‍वापा मु़चु़नी, गोडाम होनो लक्‍नी। शैतान नुङ उ सेलाचो़मिमकाम लागि बनेदु़म्‍पा हेल्‍लो वो मेसिपा मुगोडा हुनी।