थु़र्मा 1:24 - थुलुङ राई

²⁴ मेकोतिमा मेर्मिमका आरे र्‍वाम्‍डिमा सो़म्‍दी बेम्‍डी, “खोत्‍ले मु़चु़मिमकु न-गो ल्‍वापा माम्‍चु़नी, ओर्चिपगोडा गानी उहेमलाई छेट्‌निम बु, मेराम गुकुनुङ रेम्‍बेनी।

थु़र्मा 1:24 Referans Kwoze

थु़र्मा 15:8

न-गोडाम ल्‍वा चक्‍पा माम्‍चु़नीका मेर्मिमलाई वो गुइलाई होम्‍साका ङा उनी पेलका लु़ट्‌मिडी, मा गुमीका मेर्मिमलाई रम्‍डिम ल्‍वा रेम्‍बेम्‍डी।

रेम्‍बेट्‌मिडिम ल्‍वा 2:23

मेराम मेसेमकु चङचङ लाम्‍दिपामिमलाई गो सेट्‌पुमी। मेम्‍मा खोत्‍ले मु़चु़मिमकु न-गोडाम ल्‍वा चक्‍पा गोङा सो़ र्‍वाक्‍साका खोत्‍ले मण्‍डलीका ओराम ल्‍वा चमी। मेम्‍मा इनीमा बासी-दोसीलाम हाम ल्‍वामु घ्रेट्‌पा बुनी मेराम होम्‍साका गो गानी खोत्‍लेलाई ग्‍वानिनी।

हिब्रू 4:13

सु़म्‍दिडा बाट्‌पा हाम वो गुमीलामका थमु मेझाम। उनीमा मिक्‍सीलामडा खोत्‍लेमथोक छ्‍याङलो-छ्‍याङलो बु। मेम्‍मा गुइ बिइडिम खोत्‍ले ल्‍वा गुमीनुङ सो़मु बासी।

रोमी 8:27

माम्‍चु़नीका मु़चु़कु नगोडा हाम बु मेराम ल्वा चमी मा माम्‍चु़नी-पेलका हाम र्‍वामु माल्‍लु़म बु मेराम वो गुमीका चमी। हेङालोने माम्‍चु़नी-पेलका थो़रलु़पामिमकाम लागि माम्‍चु़नीकु न होम्‍साका सो़म्‍दी बेसाक्‍सामी।

थु़र्मा 14:23

मेर्चिपका मेर्मिमकु मण्‍डली-मण्‍डलीडा एल्‍डरमिम थुच्‍चिमी। मेकोतिमा सो़म्‍दी नुङ उपास बात्तो मेर्मिमका थो़र लु़म्‍डिम माम्‍चु़नीकु ल्‍वाडा मेर्मिमलाई पार्जो़ल्‍चिमी।

थु़र्मा 6:6

मेकोतिमा मेर्मिमका ओर्मिम मु़चु़ थु़र्मामिमकाडा रेट्‌मिडी, मा थु़र्मामिमका मेर्मिमडला ल्‍वा जु़ल्‍मिडिमा सो़म्‍दी बेम्‍डी।

यूहन्‍ना 21:17

गुमीका सु खेपडा र्‍वाम्‍डी, “यूहन्‍नाकु तारापाचो़ सिमोन, हाम गाना गोलाई रिखाम बोङी?” पत्रुसकाम छो़म उमा गो नो़डा, हेङालोने गुमीका सु खेप “हाम गाना गोलाई रिखाम बोङी?” र्‍वाक्‍साका हिलाबेम्‍डी। गुका गुमीलाई र्‍वाक्‍ता, “ङाचो़, गानी खोत्‍ले चनी, गो गानीलाई रिखाम बोनिनी र्‍वाक्‍पा चनी।” येशूका र्‍वाम्‍डी, “आमा भेन्‍दामिमलाई पोमु-डुमु ग्‍वाकामी।

लूका 16:15

मेकोतिमा गुमीका मेर्मिमलाई र्‍वाम्‍डी, “गानी मु़चु़मिमकु ङादोडा माम्‍चु़नीकु न-गो होप्‍माम दु़म्‍साका रेम्‍बेपा लिन्‍सिनी, लावो माम्‍चु़नीका इनी न-गोडाम ल्‍वा चमी। मु़चु़मिमका डोक्‍पु मिम्‍मिमिम ने माम्‍चु़नीकु ङादोडा हाम ना हामकाम दु़म।