थु़र्मा 1:15 - थुलुङ राई

¹⁵ मेकोतिमा पत्रुस को सङ न धु़म (१२०) थो़रलु़पामिमकु थेतेडा येम्‍स्‍तामा र्‍वाक्‍ता,

थु़र्मा 1:15 Referans Kwoze

१ कोरिन्थी 15:6

मेकोतिमा गुमी कोखेपकाङा ङो सङडाम वो हापा उनी सीसिपामिमकाडा रेम्‍बेम्‍सिम्‍डी। मेर्मिमगोडाम हापा मु़चु़मिम ओम्‍लो वो बुमी। लावो याङ-याङ ने सिमुदु़म्‍मडिम बु।

रेम्‍बेट्‌मिडिम ल्‍वा 11:13

मेराम थारीकाङा डोक्‍पु सुबु रुक्‍सी लस्‍ता मा को धु़म फ्‍वाकु को फ्‍वा शहर झार्स्‍ता। मेम्‍मा येत धु़मसङ (७,०००) मु़चु़मिम सुबु रुक्‍सीडा सिम्‍डी। मेसिपा वाङमिम मु़चु़मिम ङिम्‍डी मा मु़चु़मिमका पाह्रीलाम माम्‍चु़नी यु़मनुङमा बुमी र्‍वाम्‍डी।

थु़र्मा 21:20

ओराम थो़म्‍डिमा मेर्मिमका माम्‍चु़नीकु नङ कोम्‍डी। मेकोतिमा मेर्मिमका पावलनुङ र्‍वाम्‍डी, “रेप्‍नी छारी, यहूदीमिमगोडा थो़रलु़पामिम छो़म सेर्पा बुमी, मा मोशाकु डु़म्‍ला होम्‍साका खारी बोमु मेर्मिम चङको-चङको बुमी।

यूहन्‍ना 21:23

मेम्‍मिमका मेराम सीसिपा मेसि र्‍वाक्‍पा ल्‍वा सीसिपामिमगोडा फोन्‍सिड्‌डा। लावो गु मेसि र्‍वाक्‍साका येशूका र्‍वाम्‍डिम मेबायावा। गुमीका ने आरे र्‍वाम्‍डिम बाइडा, “गो मेख्‍लोसिक्‍थु़मसम्‍म गु सामनुङमा बुनु़म बुनु़ र्‍वाक्‍पा आमा न बु गानालाई हाम दु़स्‍ता?”

रेम्‍बेट्‌मिडिम ल्‍वा 3:4

लावो सार्डिसडा बाट्‌पा गानीगोडाम कोले-नले मु़चु़का उनीमा ये-सेम घ्रामलु़पा बेम्‍डिम मिबु। मेर्मिम मु़चु़ बुबुयाम ये-सेम फसिक्‍साका गोनुङ लाम्‍दिमी, हेङालोने मेर्मिम गोनुङ लाम्‍दिमुका घ्रेट्‌पा बुमी।

यूहन्‍ना 14:12

“आच्‍छाङा गो गानीलाई र्‍वाङु, उहेमका गोडला थो़र बु़, मेरामका गो बेउतोम होप्‍माम खारी बु़। मेम्‍मा मेरामडाम वो डोक्‍पु खारी बु़, हेङालोने गो पापकाडा लक्‍तोङा बेउ।

लूका 22:32

लावो गाना गोडला थो़रलु़मुम बुमु मेडिडा र्‍वाक्‍साका गो इमा लागि सो़म्‍दी बेउतोम बु। गाना आमाडा रोकामा गानानुङ लाम्‍दिपा सीसिपामिमका गोडला थो़रलु़मु लागि उनी सो हन्‍बेसाडामी।”

मत्ती 13:31

येशूका मेर्मिमलाई कोङमी सीसि-सो़म्‍दी र्‍वाम्‍डी, “पाह्री-किब्‍दी कोले मु़चु़का उ येडा फोड्‌डु़म रायाकु भ्रल होप्‍मामङा सो़।

थु़र्मा 10:23

मेकोतिमा पत्रुसका मेर्मिमलाई मेराम नेम्‍था बुमु नेमगोनो येड्‌डु़मी। उ दिकाम नेम पत्रुस झो़म्‍सिड्‌डामा मेर्मिमनुङ लस्‍ता। योप्‍पाडाम कोले नले थो़रलु़पामिम वो पत्रुसनुङ लम्‍डी।

थु़र्मा 11:1

यहूदियाडा बाट्‌पा थु़र्मामिम नुङ थो़रलु़पामिमका वाङसामामिमका वो माम्‍चु़नीकु सिजेमडा थो़र लु़म्‍डी र्‍वाक्‍पा थो़म्‍डी।

थु़र्मा 11:12

माम्‍चु़नी-पेलका गोलाई इमा नड्‌डा हाम वो मेमुर्सिक्‍साका मेर्मिमनुङ लक्‍सा र्‍वाम्‍डी। मेकोतिलो ओर्मिम रुले थो़रलु़पामिम वो गोनुङ ङा लम्‍डी, मा गुकु वाङसामा कर्नेलियसकु नेमडा हुत्तोको।

थु़र्मा 11:26

बारनाबासका शाऊल डार्स्‍तु़मा एन्‍टिओखिया शहरडा रेड्‌डु़। मेकोतिमा बारनाबास नुङ शाऊल मे एन्‍टिओखिया मण्‍डलीडाम मु़चु़मिमनुङ को थसम्‍म घ्रो़म्‍मिडिम बाम्‍डी, मा छो़म सेर्पा मु़चु़मिमलाई सीट्‌चिमी। खोत्‍लेडाम ङादो एन्‍टिओखिया शहरडा ङा सीसिपामिमलाई ‘ख्रीष्‍टियन’ र्‍वाम्‍डी।

थु़र्मा 11:29

एन्‍टिओखिया शहरडाम सीसिपामिम खोत्‍लेका यहूदियाडा बाट्‌पा थो़रलु़पामिमलाई ग्‍वामु झापा खउलुङ ग्‍वाक्‍साका ख्‍लो़मु मुलु़ बेम्‍डी।

थु़र्मा 12:17

पत्रुसका मेर्मिमलाई उ ल्‍वा थो़साका लिबा बाबेड्‌डु़मी, मा माम्‍चु़नीका हेसाका गुलाई झ्‍यालखानलामका पाखा ख्‍लुम्‍डी र्‍वाक्‍पा ल्‍वा मेर्मिमनुङ सो़यु़डु़। “याकूब नुङ थो़रलु़पा वाङमिमलाई वो ओराम ल्‍वा थो़बेट्‌निमी” र्‍वाक्‍तामा पत्रुस मेलामका वाङथो़ ङा लस्‍ल्‍याड्‌डा।

थु़र्मा 14:2

लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

थु़र्मा 15:1

यहूदियालामका कोङनिम मु़चु़मिम एन्‍टिओखियाडा रोम्‍डी, मा वाङसामा थो़रलु़पामिमलाई आरे र्‍वाम्‍डिमा सीट्‌मिडी, “मोशाकु डु़म्‍लाका र्‍वाक्‍ताम होम्‍साका गानी खिरिरि-क्रिप्‍सी मेबेनिवा माला सेल्‍सिमु मेचाम्‍नी।”

थु़र्मा 15:3

एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।

थु़र्मा 16:2

लुस्‍त्रा नुङ आइकोनियन शहरडाम थो़रलु़पामिमका तिमोथीलाई जो़पा मु़चु़ मिम्‍थाल्‍मिडी।

थु़र्मा 16:40

पावल नुङ सिलास झ्‍यालखानलामका लुक्‍चिम चङडा लिडियाकु नेमडा ख्‍लोसिक्‍ची। मेसिन्‍डा मेर्चिपका थो़रलु़पामिमलाई क्रो़म्‍चिमी, मा आथावो मेर्मिमकु सो हन्‍बेसाच्‍चिमी। मेकोतिमा मेर्चिप शहरलामका वाङथो़ ङा लक्‍ची।

थु़र्मा 17:6

पावल नुङ सिलासलाई मेसिन्‍डा मेडार्मिवामका मेर्मिमका यासोन नुङ कोङ-कोङ थो़रलु़पामिमलाई शहरडाम साखामचो़मिमकाडा येत्तो रो़-रो़न्‍थु़त्तो रेट्‌मिडी, “सु़म्‍दिसेरडा खोत्‍लेथो़ ब्‍लो़ब्‍बाल्‍पा पावल नुङ सिलास आसिन्‍डा वो रोक्‍फाम्‍चिम बु।

थु़र्मा 17:10

थो़रलु़पामिमका पावल नुङ सिलासलाई सिन्‍थाङा बेरिया शहरथो़ थु़र्थाम्‍डिची, मा मेर्चिप मेसिन्‍डा लुक्‍चिमा यहूदीमिमकु घ्रो़म्‍दीनेमगोडा लक्‍ची।

थु़र्मा 17:14

मेम्‍मिमका थो़रलु़पामिमका पावललाई दिरिदिनकु सो़पथो़ थु़र्थाम्‍डी, लावो सिलास नुङ तिमोथी ने मेसिङा बाच्‍ची।

थु़र्मा 18:18

मेकोतिमा पावल कोरिन्‍थ शहरडा थो़रलु़पामिमनुङ हापा ङा बाइडा। थो़रलु़पामिमनुङ ब्‍र्‍वासिड्‌डामा अकिलास, प्रिस्‍किलानुङ गु डोक्‍पु कुबी-बोक्‍साडा हुङडामा सिरियाथो़ लस्‍ता। लावो लमु ङादो पावलका माम्‍चु़नीनुङ कोङनिम ल्वाडा याचे जेस्‍ताम बाइडा, मेम्मिमका गुका किंक्रियाडा उ सेम खुर्रु़।

थु़र्मा 18:27

मेकोतिमा अपोल्‍लोस अखैयाडा लमु न बु़डु़। एफिससडा बाट्‌पा थो़रलु़पामिमका गुलाई लमु उ सो हन्‍बेन्‍साम्‍डी, मा अपोल्‍लोसलाई रनी र्‍वाक्‍साका मेसिन्‍डाम सीसिपामिमलाई कोले सेलाखाजेम वो र्‍याम्‍सोम्‍डी। अखैयाडा रोक्‍थिड्‌डामा गुका माम्‍चु़नीकु दिदामका येशूडा थो़रलु़पामिमलाई छो़म ख्‍लो़यु़डु़मी।

थु़र्मा 21:7

टुरोसलामका डोक्‍पु कुबी-बोक्‍साडा गुकु टोलेमाइस शहरडा रोक्‍फात्तोको। मेसिन्‍डा थो़रलु़पामिमलाई क्रो़म्‍तोकोमा मेर्मिमनुङ कोलेम बात्तोको।

थु़र्मा 21:17

गुकु यरूशलेमडा रोक्‍थित्तोकोमा खोत्‍ले थो़रलु़पामिमका गुकुलाई छो़म गेर्सिक्‍तो क्रो़म्‍तिकिमी।

थु़र्मा 22:5

डोक्‍पु ङाउ डु़म्‍लाचो़ नुङ डोक्‍पु घ्रो़म्‍दीडाम खोत्‍ले मु़चु़मिमका गानीलाई ओराम आच्‍छाङा र्‍वाक्‍साका र्‍वामु चाम्‍मी। दमस्‍कस शहरडाम थो़रलु़पामिमलाई चु़म्‍मुमा देन्‍दे ग्‍वाप्‍डा यरूशलेमडा रेन्‍मु लागि मेर्मिमका दमस्‍कसडाम यहूदी ङाचो़मिमलाई सेलाखाजेम र्‍याम्‍डी, मा ग्‍वाङ्‌सोङ्‌डिमिम बाइडा।

थु़र्मा 28:14

मेसिन्‍डा गुकु येशूडा थो़रलु़पामिमलाई डार्तोको, मा मेर्मिमका येतलेमसम्‍म गुकुलाई बुइ र्‍वाम्‍डी। आरेसाका गुकु रोम शहरडा रोक्‍फात्तोको।