थु़र्मा 1:11 - थुलुङ राई

¹¹ मेकोतिमा मेर्चिपका मेर्मिमनुङ र्‍वाक्‍ची, “ए गालीलडाम मु़चु़नी, गानी हेङा येम्‍तासिनिमा धामुथो़ रेम्‍थानिमिम? गुमी गानीगोलामका पाह्रीथो़ कोम्‍सिम्‍डी, ओम्‍लो गानी येशू हेसाका ओलामका पाह्रीथो़ कोम्‍सिम्‍डिम ल्‍वान्‍नी मेम्‍साका ङा आथावो गुमी योमी।”

थु़र्मा 1:11 Referans Kwoze

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

१ थेसलोनिकी 4:16

डोक्‍पु-पाह्रीचो़कु लो़लाम नुङ पाह्रीचो़मिमका माम्‍चु़नीकु भुम डु़प्‍मिमिमकु लो़लामका ङाचो़ येशू उनी त्‍वापङा डोक्‍पु लो़लामका साखामनुङ येत्तो पाह्रीलामका योमी। मेम्‍मा ख्रीष्‍टडला थो़रलु़साका सिपामिम ङादोङा बम्‍गेमी।

मर्कूस 13:26

मेकोतिलो मु़चु़मिमका मिनीचो़ खासेडा यु़म नुङ यु़म-झ्‍वाक्‍सीडा योक्‍तोङा बेपा ल्‍वामी।

यूहन्‍ना 14:3

गो लङुमा इनीमा लागि बाखोप झो़म्‍सिबेट्‌जो़लुमा योङु। मेम्‍मा गानीलाई लनिनी, मा गो बान्‍ते बुङु मेसिन्‍डा गानी वो दु़म्‍नी।

मत्ती 25:31

“मिनीचो़ खोत्‍ले पाह्रीचो़मिमनुङ उ यु़म-झ्‍वाक्‍सीडा यो, मा हप दु़ममा डोक्‍पु उ गन्‍खोपडा गन।

मत्ती 24:30

“मेकोतिमा मिनीचो़ योक्‍तोङा बेपा छेखोप धामुला रेम्‍बेसी, मा खोत्‍ले मु़चु़मिम ख्राम्‍मी-दुमी। मेम्‍मा धामुलाम खासेडलामका यु़म नुङ यु़म-झ्‍वाक्‍सीडा मिनीचो़ योक्‍तोङा बेपा मेर्मिमका ल्‍वामी।

मत्ती 16:27

हेङालोने मिनीचो़ उ त्‍वाकु पापका ग्‍वामिमिम यु़म-झ्‍वाक्‍सीडा उ पाह्रीचो़मिमनुङ यो। मेराम थारीका गुका खोत्‍ले मु़चु़मिमलाई मेर्मिमका बेम्‍डिम खारी होम्‍साका पुरस्‍कार लोवो देन्‍दे लोवो ग्‍वाकु़मी।

१ थेसलोनिकी 1:10

मेर्मिमका आरे वो र्‍वामी, माम्‍चु़नीका सिमुलाम फम्‍डिम पाह्रीलाम योक्‍पा उनीमा तारापाचो़ येशूलाई गानी लन्‍थानिमिम बु ए। रोमुखापा ङिमलु़पा माम्‍चु़नीकु नियाडाम येशूका गुइलाई वाङ बेसामी।

लूका 21:27

मेराम थारीका मिनीचो़ यु़म नुङ यु़म-झ्‍वाक्‍सीडा खासेडला योक्‍तोङा बेपा मेर्मिमका ल्‍वामी।

थु़र्मा 13:31

मेकोतिमा गालीललामका यरूशलेमसम्‍म येशूनुङ कोयोङा लाम्‍दिपामिमनुङ हापा खेप गुमी रेम्‍बेम्‍सिम्‍डी। ओम्‍लो वो येशूकु दुथाम सो़पा मेर्मिम मु़चु़मिम इस्राएलीमिमगोडा बुमी।

लूका 24:5

मे मेसेममिम छो़म ङिम्‍डिमा कुम्‍सिम्‍डी, लावो मेर्चिपका र्‍वाक्‍ची, “नु़पा मु़चु़लाई हेङा गानी सिपामिमगोडा माल्‍निमिम?

थु़र्मा 3:12

मेराम ल्‍वास्‍तु़मा पत्रुसका मेर्मिमनुङ र्‍वाक्‍ता, “ए इस्राएलडाम मु़चु़नी, ओराम लाम्‍दिइडाम ल्‍वान्‍निमा हेङा गानी ङाङाया दु़म्‍निमा गुचुकुथो़ रेम्‍थानिमिम? गुचुकु आचीमा यु़मका नुङ माम्‍चु़नीकु सो़रलोले जो़होमका बेच्‍चोकोमका ओराम मु़चु़ लाम्‍दिइडाम र्‍वाक्‍पा मिम्‍थानिमिम?

थु़र्मा 2:7

मेर्मिम छो़म ङाङाया दु़म्‍तो र्‍वाम्‍डी, “हाम, ओ जेपामिम खोत्‍ले गालीलडा बाट्‌पामिम ङा मेएँ मा?

मर्कूस 14:70

लावो पत्रुसका आथावो मेएँ ङा र्‍वाक्‍ता। मेकोतिमा मेसिन्‍डा ङा येम्‍तासिट्‌पामिमका आथावो ङा पत्रुसलाई र्‍वाम्‍डी, “आच्‍छाङा गाना वो मेर्मिमगोडाम ङा कोले दु़म्‍मु बासी, हेङालोने गाना वो गालीलडाम मु़चु़ ङा रेछा।”

मत्ती 16:28

आच्‍छाङा गो गानीलाई र्‍वाङु, आसिन्‍डा येम्‍तासिक्‍पामिमगोडाम कोङ-कोङका मिनीचो़लाई हपकु साखाम थो़ड्‌डा योक्‍तोङा बेपा मेल्‍वाथु़मसम्‍म उनी साम मेल।”

मर्कूस 16:19

मेर्मिमनुङ जेमु डु़म्‍मिडिमा येशू पाह्रीथो़ कोम्‍सिम्‍डी, मा माम्‍चु़नीकु जो़पलामका गन्‍मिडी।

थु़र्मा 1:2

नुङ गुमी उनी त्‍वाका ङा थुट्‌मिडिम थु़र्मामिमनुङ गुमीका माम्‍चु़नी-पेललाम र्‍वाम्‍डिम, मा पाह्रीथो़ कोम्‍सिम्‍डिम थारीसम्‍मकाम खोत्‍ले ल्‍वा गो गानीलाई ङादोम खाजेमडा र्‍याक्‍तोम बु।

थु़र्मा 1:9

येशूका ओराम ल्‍वा र्‍वामु डु़म्‍मिडिमा मेर्मिमका रेप्‍मिडी होङ्‍ङा गुमी धामुथो़ कोम्‍सिम्‍डी, मा खासेडा मेर्मिमकु मिक्‍सीलामडा दाम्‍मिडी।

थु़र्मा 1:22

यूहन्‍नाका कु-रु़दु़म ग्‍वाक्‍तु़म थारीका मा येशू गुइलाम पाह्रीथो़ कोम्‍सिम्‍डिम थारीसम्‍म गुइनुङ बाट्‌पा दु़म्‍मु बासी। मेम्‍मा येशू सिमुलाम बम्‍गेम्‍डिम ल्‍वापा दु़म्‍मु बासी।”

थु़र्मा 3:21

माम्‍चु़नीका माके आथामङा उनी नङका साट्‌मा गुमीलाम-जेपामिमकु सिलामका जेम्‍डिम खोत्‍ले ल्‍वा होम्‍साका दु़म्‍मुथारी मेरोक्‍थु़म ख्रीष्‍ट पाह्रीला बुमु ङा बासी।

हिब्रू 9:28

मेम्‍साका ङा येशू ख्रीष्‍टका हापा मु़चु़मिमकु छु़ल हेम्मु लागि कोखेप सासेन्‍ला सो़सिम्‍डी। गुमी आथावो योमी मेम्‍लो गुमी छु़ल हेप्‍डा मेएँ, लावो गुमीलाई लथाक्‍पा मु़चु़मिमलाई सेल्‍ला योमी।