३ यूहन्‍ना 1:9 - थुलुङ राई

⁹ मण्‍डलीलाई गो कोङनिम ल्‍वा र्‍याक्‍तोम बाइडा। लावो ङाउ दु़म्‍मु माल्‍पा डियोत्रिफसका गुकुनुङ हाम वो बोमु मेद्‌वाकु़।

३ यूहन्‍ना 1:9 Referans Kwoze

लूका 9:48

मेम्‍मा मे सीसिपामिमलाई र्‍वाम्‍डी, “उहेमका गोडला थो़रलु़डामका ओराम चो़च्‍चो़लाई हुनाखाना बु़, मेरामका गोलाई हुनाखाना बोङि, मा मेराम मु़चु़का गोलाई थु़र्पा माम्‍चु़नीलाई वो हुनाखाना बु़। गानीगोडाम खोत्‍लेडाम याक्‍के सु़ बु, मेराम मु़चु़ङा खोत्‍लेडाम डोक्‍पु दु़म।”

मर्कूस 9:34

लावो मेर्मिम मेजेसाका ङा बाम्‍डी, हेङालोने लाम्‍दीडा मेर्मिमका, “उनी त्‍वाप गोडा खोत्‍लेडाम डोक्‍पु सु़?” र्‍वाक्‍साका हिलाहिसी बेबेम्‍डिम बाइडा।

३ यूहन्‍ना 1:8

मेम्‍मिमका आच्‍छाङाकाम ल्‍वाकु खारीडा गुइ वो बाम्‍सिमु लागि आरेप्‍माम मु़चु़मिमलाई गुइ ख्‍लो़मुमि बासी।

रोमी 12:10

त्‍वाकु वा-ल्‍वाक होम्‍साका रिखाम बेबेनी, त्‍वापडाम वो वाङमिमलाई हापा डोक्‍पु मिम्‍नी।

मर्कूस 9:37

“उहेमका आमा नङडा आरेप्‍माम याक्‍के चो़च्‍चो़मिमडाम कोले रङु़, मेरामका गोलाई ङा रङी। उहेमका गोलाई रङी, मेरामका गोलाई कोङङा मेएँ, गो थु़र्पालाई ङा रङु़।”

मत्ती 7:8

हेङालोने उहेमका बियु़, मेरामका ल्‍वासु़। उहेमका मालु़, मेरामका डारु़। उहेमका नेमगोनो हुमु लागि हेला बु़, मेरामकाम लागि लाम्‍चोको होल्‍सी।

कलस्‍सी 1:18

ख्रीष्‍ट मण्‍डली थो़पा बुइ बुमी, मे मण्‍डली उनीमा रो़म सो़। ख्रीष्‍टका लाले नु़सी ग्‍वाक्‍सामी। सिमुलाम बग्‍गेट्‌पा मा आथावो मेसिपा गुमीङा ङादोम सो़। मेम्‍मिमका खोत्‍लेकु डलाम गुमी ङा सो़।

२ यूहन्‍ना 1:9

ख्रीष्‍टकु सीसिडा हेल्‍लो लोवो मेबाट्‌पा मा ओरामडाम हेम्‍साका लक्‍पा मु़चु़नुङ माम्‍चु़नी मेदु़म्‍मी। ख्रीष्‍टकु सीसिडा बाट्‌पाम बाट्‌पा मु़चु़काडा पाप नुङ तारापाचो़ निफिङा दु़म्‍मी।