३ यूहन्‍ना 1:6 - थुलुङ राई

⁶ मेर्मिमका इमा रिखामकु दुथाम मण्‍डलीडा सो़म्‍डिम बु। माम्‍चु़नीका न बोमिमिम होम्‍साका हेल्‍लो लोवो मेर्मिमलाई ख्‍लो़यामिमा थु़र्सोकामी।

३ यूहन्‍ना 1:6 Referans Kwoze

१ थेसलोनिकी 2:12

हेङालोने माम्‍चु़नीका घ्रेट्‌पा मिम्‍मिमिम लाम्‍दीडा गानी बानी-दोनी। गुमीका उनीमा किब्‍दी नुङ यु़म-झ्‍वाक्‍सी ग्‍वामु लागि गानीलाई येनिमी।

तीतस 3:13

वकील जेनास नुङ अपोल्‍लोस लाम्‍दिचिलो खोत्‍ले ल्‍वाडा इमा चाप्‍सी ख्‍लो़याची। मेम्‍मा मेर्चिपलाई हामकाम वो खेरेला मेदु़म्‍नु़।

थु़र्मा 15:3

एन्‍टिओखिया मण्‍डलीडाम मु़चु़मिमका मेर्मिमलाई मेलामका थु़र्सोम्‍डी। मेकोतिमा मेर्मिम फोनिके नुङ सामरियालामका लम्‍डिलो वाङसामामिमका येशूडा थो़र लु़म्‍डिम ल्‍वा खोत्‍ले थो़रलु़पामिमनुङ सो़म्‍डी। ओराम थो़म्‍डिमा मेसिन्‍डाम थो़रलु़पामिम छो़म गेर्सिम्‍डी।

१ पत्रुस 2:20

गानी मेजो़पा खारी बेसाका डेम्‍ला सो़न्‍सिनिमा इम्‍नी माला गानी हाम ल्‍वानिमा? लावो गानी जो़पा खारी बेसाका वो दु़खा ल्‍वानिमा इम्‍नी माला माम्‍चु़नी गानीडाम गेर्सिप्‍मी।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

फिलिप्‍पी 4:14

मेम्‍मा वो गानी गोलाई आमा दु़खाडा ख्‍लो़ङ्‌डिनी, मेराम जो़पा दु़स्‍ता।

२ कोरिन्‍थी 1:16

माकेडोनिया लङुलो ङादो इनीमाडा लुङु मा माकेडोनियालामका ख्‍लोसिङुलो वो इनीमाडा लुङु। मेम्‍मा गानी गोलाई यहूदियाथो़ थु़र्सोङिनी र्‍वाक्‍पा आमा नडा मिम्‍सिङ्‌डोम बाइडा।

रोमी 15:24

गो मेराम लाम्‍दी दु़म्‍तो स्‍पेन लङुलो गानीनुङ घ्रो़म्‍डा रोक्‍पा न बु, मा कोलेम नलेम गानीनुङ बाट्‍पा न वो बेउतोम बु। मेम्‍लो स्‍पेनसम्‍म लमु लागि गानी गोलाई ख्‍लो़ङिनी डे र्‍वाक्‍पा आमा नडा मिम्‍तोम बु।

थु़र्मा 21:5

मेलामका आकी लाम्‍दिमु थारीका मेर्मिम उनी नाइमे नुङ चो़मिम खोत्‍लेका गुकुलाई शहरकु पाखानो दिरिदिन फार्डा सोक्‍थिक्‍तिकिमी। मेम्‍मा गुकु मेसिन्‍डा क्रचु़खुम बेसाका सो़म्‍दी बेत्तोको, मा मेर्मिमनुङ ब्‍र्‍वासिक्‍तोको।

३ यूहन्‍ना 1:12

खोत्‍ले मु़चु़का डेमेत्रियस छो़म जो़पा मु़चु़ र्‍वामी। मेम्‍मा गुका जो़पा खारी बु़मिमका आच्‍छाङाकाम सीसिडा गु लाम्‍दी र्‍वाक्‍पा ल्‍वासी। गुकु आकी त्‍वाका वो उमा दुथाम मेमङा र्‍वाकु, मा गुकु र्‍वाकुमिम ल्‍वा आच्‍छाङा र्‍वाक्‍पा गाना चना।

थु़र्मा 15:29

ङाटालाई सासेट्‌मा पोमु-डुमु, लक्‍चा रिम्‍साका सेट्‌मा नेब्‍दीपोमिमकु सो़ नुङ सिसि गानी मेपेनी, मा नाम्‍सु़रु़ मेबेनी। ओर्मिम खोत्‍ले ल्‍वामिमडाम वाङ बान्‍नी माला छो़म ङा जो़पा दु़म, लौ आकोति ङा।”