२ तिमोथी 3:11 - थुलुङ राई

¹¹ एन्‍टिओखिया शहर, आइकोनियन नुङ लुस्‍त्रा शहरमिमडा गोलाई छो़म मेजो़पा बेङ्‌डिमी। मेम्‍मा मेसिन्‍डाम मु़चु़मिमका ग्‍वाङ्‌डिमिम दु़खा इम्‍तो, लावो ङाचो़ येशूका मेर्मिम खोत्‍लेलामका गोलाई बोट्‌ङिडी-थार्ङिडिमी।

२ तिमोथी 3:11 Referans Kwoze

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

२ पत्रुस 2:9

आरेसाका उनी लाम्‍दीडा लाम्‍दिपा मु़चु़मिमलाई दु़खालामका हेसाका फ्‍वामु नुङ मेजो़पा खारी बेपामिमलाई निया दु़म्मिम नेमसम्‍म हेसाका जु़ल्‍थामुमि र्‍वाक्‍पा ङाचो़का चमी।

२ तिमोथी 4:7

गो जो़पा क्‍वाल्‍बा बेउतोम बु, मा ओराम खारीकु ओन्‍सी ओन्‍सोमु दु़म्‍तोम बु, आमा थो़र जो़होमका जु़ल्‍तोम बु।

थु़र्मा 26:22

लावो गो ल्‍वाउतोम ल्‍वाकु दुथाम डोक्‍पु याक्‍के खोत्‍ले मु़चु़मिमनुङ सो़मु माम्‍चु़नीका गोलाई ओम्‍लोसम्‍म ख्‍लो़ङ्‌डिमिम बु। मोशा नुङ माम्‍चु़नीलाम-जेपामिमका र्‍वाम्‍डिम ल्‍वा कोङङा सो़त्तो ङा लेट्‌पु,

थु़र्मा 26:17

गो गानालाई यहूदीमिम नुङ वाङसामामिमलामका सेल्‍नी, मा मेर्मिमकाडा ङा थु़र्नी,

थु़र्मा 23:10

मेसिन्‍डा सदुकीमिम नुङ फरिसीमिमगोडा छो़म डोक्‍पु रिबुसी गस्‍ता, मा मेर्मिमका पावललाई रोबोमिलो सेन्‍मी र्‍वाक्‍साका मे कमाण्‍डर छो़म ङिस्‍ता। मेकोतिमा मेरामका सिपाहीमिमलाई मेर्मिमकु थेतेलामका रो़न्‍थु़ट्‌निमा पावललाई ब्‍यारेकडा रेट्‌नी बु़सोड्‌डु़मी।

थु़र्मा 20:19

यहूदीमिमका आमा दुथाम मेजो़पा मुलु़ बेम्‍डिम थारीका वो गो याक्‍के दु़म्‍साका ख्राप्‍तो माम्‍चु़नीकु खारी ङा बेउतोम बाङडो।

थु़र्मा 13:14

पावल नुङ बारनाबास ने पर्गा शहरलामका लुक्‍चिमा पिसिदियाकु एन्‍टिओखिया शहरडा रोक्‍ची। मेम्‍मा ङेम्‍सिमुनेम घ्रो़म्‍दीनेमगोनो सो़रलोले बोमु लागि लक्‍चिमा बाच्‍ची।

थु़र्मा 9:16

आमा नङकाम लागि मेरामका हाङको दु़खा इम्मु बासी, मे गो मेरामलाई रेम्‍बेट्‌पु।”

थु़र्मा 14:8

लुस्‍त्रा शहरडा गस्‍तालोम ङा उ खेल ब्‍लेट्‌पा कोले मु़चु़ बाइडा। मेरामका हेल्‍लो वो लाम्‍दिमु चाप्‍स्‍तु़म मेबायावा।

रोमी 15:31

यहूदियाडा बाट्‍पा थो़रमेलु़पा मु़चु़मिमडाम माम्‍चु़नीका गोलाई गेङिमिनु़ मा यरूशलेमडाम थो़रलु़पामिम लागि फक्‍मा खउलुङ मेर्मिमका रमिनु़ र्‍वाक्‍साका सो़म्‍दी बेङ्‍साङनी।

२ कोरिन्‍थी 1:5

हेङालोने ख्रीष्‍टकाम लागि गुइ हाङको हापा दु़खा ल्‍वासी, मेकोतिङा माम्‍चु़नीका ख्रीष्‍टलामका इकीमा न बसाक्‍सामी।

२ कोरिन्‍थी 1:7

गुकु दु़खा ल्‍वात्तोकोम होङङा गानी वो दु़खा ल्‍वानी माला, माम्‍चु़नीका आकीमा न बसाक्‍तिकिमिम होङङा इनीमा वो न-बन्‍सानिमी। गुकुलाई ओराम ल्‍वाडा आच्‍छाङा थो़र लु़डाम बु।

२ कोरिन्‍थी 12:10

मेम्‍मिमका मेचाप्‍सीमिमडा, डसिसिमिमडा, दु़खामिमडा, थो़मतेर्सीमिमडा, इम्‍मु मेझापा ल्‍वामिमडा ख्रीष्‍टकाम लागि गो गेर्सी द्‌वाङु। हेङालोने मेचापा दु़म्‍ङुलो गो सो नुङमा दु़म्‍ङु।