२ थेसलोनिकी 3:9 - थुलुङ राई

⁹ गुकुलाई पोमु-डुमु ग्‍वाक्‍की र्‍वाक्‍साका गानीनुङ बिमु ल्‍वाकुवा, लावो गानी वो आकीमा बेसी बेनिमा गुकु होप्‍मामङा खारी बेपा दु़म्‍नी र्‍वाक्‍साका मेम बेत्तोकोम सो़।

२ थेसलोनिकी 3:9 Referans Kwoze

२ थेसलोनिकी 3:7

हेङालोने गुकु बेत्तोकोम होम्‍साकाङा गानी वो खारी बोमु बासी र्‍वाक्‍पा ने चनिम ङा बु। गुकु गानीनुङ बात्तोकोम थारीका हेल्‍लो वो मेभ्रेकुवा।

१ थेसलोनिकी 2:6

मु़चु़मिमलाम गुकु कोला मेसो़सिट्‌कुवा मा गानीलाम वो मेएँ, वाङमिमलाम वो मेएँ।

गलाती 6:6

माम्‍चु़नीकाम सिजेमकु सीसि रपामिमका उनीमा सीपा मु़चु़मिमनुङ खोत्‍ले जो़पा थोकमिम दो़मु बासी।

१ पत्रुस 2:21

आरेप्‍मामङा दु़खा इम्‍मुकाम लागि माम्‍चु़नीका गानीलाई येट्‌निमिम सो़। हेङालोने गानी उनी सु़ल-सु़ल लाम्‍दिनी र्‍वाक्‍साका ख्रीष्‍टका वो इनीमा लागि इम्‍मिडिमा रेम्‍बेट्‌निमी।

यूहन्‍ना 13:15

गो इनीमा लागि बेउतोम होम्‍साकाङा गानी वो बेनी र्‍वाक्‍साका गानीलाई रेम्‍बेट्‌निनिम सो़।

मत्ती 10:10

गानी लाम्‍दिनिलो फाजी, अन्‍सिक्‍पा माक्‍ते, सो़लो़प नुङ डु़लु़म्‍चो़ मेकुर्नी। हेङालोने खारीचो़ उमा पोमु-डुमुकाम लागि घ्रेट्‌पा दु़म।

१ कोरिन्थी 4:16

मेम्‍मिमका गानी आमा बेसिबेनी र्‍वाक्‍साका गो गानीलाई छो़म र्‍वाङु।

१ पत्रुस 5:3

गानीलाई रेम्‍बेबेट्‌मा मु़चु़मिमडला साखाम थो़साका मेएँ लावो मेर्मिमकाम लागि कोले रेम्‍बेपा मु़चु़ दु़म्‍साका रेप्‍नी।