२ थेसलोनिकी 3:15 - थुलुङ राई

¹⁵ मेमङा लोवो मेरामलाई इनी स्‍वाक्‍चिमो मु़चु़ होङङा मेबेनी, लावो इनी त्‍वाकु वा-ल्‍वाक होङङा ङिमसाट्‌नी।

२ थेसलोनिकी 3:15 Referans Kwoze

तीतस 3:10

मेदु़बेट्‌पा मु़चु़लाई कोखेप-नकखेप ङिम्‍साडा। मेम्‍मा हाम वो मेबे।

१ थेसलोनिकी 5:14

वा-ल्‍वाकनी, भ्रेपा मु़चु़लाई ङिमसाट्‌नी, ङिपामिमकाम उनी न बन्‍साट्‌नी। ख्‍लो़मु बासिक्‍पामिमलाई ख्‍लो़नी। खोत्‍लेनुङ इम्‍सिक्‍साका बानी।

१ कोरिन्थी 5:5

मेराम मु़चु़लाई शैतानकु ल्‍वाड्‌डा ग्‍वाक्‍नी। मेम्‍मा मेरामकु छु़ल बेपा मिरो़म ने पुयु़लुनु़ मा ङाचो़का निया बोमिमिमनेम उमा पेल सेल्‍सिनु़।

१ कोरिन्थी 4:14

गानीलाई इनी क्रो़म लु़बेन्‍मु र्‍वाक्‍साका गो ओराम र्‍याक्‍तो बेउमिम मेएँ, लावो आमा द्‌वादीबुङ चो़च्‍चो़लाई होम्‍साका लु़म्‍ला बेन्‍मु लागि सो़।

गलाती 6:1

वा-ल्‍वाकनी, गानीगोडाम कोङनिम मु़चु़ माम्‍चु़नीकु लाम्‍दीडा मेलाम्‍दियावाम डार्नी माला गानी माम्‍चु़नी-पेललाम नु़पा दु़म्‍पामिमका याक्‍के दु़म्‍साका मेरामलाई उनीमा लाम्‍दीथो़ ख्‍लोक्‍नी। इनी त्‍वाप चङचङया बानी वो, मेएँ माला ने गानी वो इनी न छाम्‍ला सो़सिसाका मेजो़पा खारी बोनी।

मत्ती 18:15

“थो़रलु़पा इमा वा-ल्‍वाकका इमा कोर्थो़लाम छु़ल बु़डु़ माला लक्‍सामा गाची कोङङा बुचिलो गुका ख्‍लो़ड्‌डु़म ल्‍वा गुनुङ सो़या। गाना र्‍वाक्‍नाम ल्‍वा मेरामका थो़स्‍तु़ माला मेरामलाई थो़रलु़पा वा-ल्‍वाक दु़म्‍बेन्‍मु चाम्‍ना।

२ कोरिन्‍थी 13:10

इनीमाडा रोमु ङादो गो ओराम ल्‍वा र्‍याक्‍तोङा लेट्‌पु। गो इनीमाडा रोङुमिम चङडा गानीलाई इम्‍मु मेझापा देन्‍दे ग्‍वामु मेबासिनु़। गानीलाई फाल्‍मु लागि मेएँ, लावो सोनुङमा दु़म्‍बेन्‍मु लागि ङाचो़का गोलाई ग्‍वाङडिमिम साखाम थो़मु न बेउ।

२ कोरिन्‍थी 10:8

ङाचो़का गुकुलाई ग्‍वाक्‍तिकिमिम ओराम साखाम गानीलाई पुयु़लुबेन्‍मु मेएँ, लावो जो़पा बोमु लागि सो़। ओराम साखामकु दुथाम गो छो़म डोक्‍पु लिसिङडो लोवो आमा क्रो़म मेलु़।

२ थेसलोनिकी 3:6

वा-ल्‍वाकनी येशू ख्रीष्‍टकु नङडा गानीलाई र्‍वाकु, गुकु सीत्तोकोम सीसि होम्‍साका मेदोसाका भ्रेपा खोत्‍ले वा-ल्‍वाकमिमडाम वाङ बानी।

२ थेसलोनिकी 3:13

वा-ल्‍वाकनी, गानी ने आरेप्‍माम जो़पा खारी बोमुडा मेघ्रु़म्‍नी।