२ थेसलोनिकी 2:15 - थुलुङ राई

¹⁵ मेम्‍मिमका वा-ल्‍वाकनी, गुकु गानीलाई आकी सिजेमका लोवो सेलाखाजेमका लोवो सीत्तोकोम सीसि होम्‍साका बेनिम बानी, मा थो़र लु़निम बानी।

२ थेसलोनिकी 2:15 Referans Kwoze

१ कोरिन्थी 11:2

खोत्‍ले ल्‍वाडा गानी गोलाई मिम्‍ङिनी, मा गो गानीलाई ग्‍वानिनिम सीसि झेन्‍थानिमिमका, गो गानीलाई कोनिनी।

२ थेसलोनिकी 3:6

वा-ल्‍वाकनी येशू ख्रीष्‍टकु नङडा गानीलाई र्‍वाकु, गुकु सीत्तोकोम सीसि होम्‍साका मेदोसाका भ्रेपा खोत्‍ले वा-ल्‍वाकमिमडाम वाङ बानी।

२ थेसलोनिकी 2:2

कोङनिमका ओराम ल्‍वा र्‍वामु चाम्‍मी, माम्‍चु़नी-पेललाम लोवो कोङनिमलाम लोवो आकीमा कोङनिम सेलाखाजेममिमलाम लोवो थो़त्तोकोम ङाचो़ येशू ङादोङा योमु डु़म्‍मिडिम बु। मेर्मिमका आरे र्‍वामिलो इनीमा नडा मेभ्रल्‍यासिड्‌पा मेदु़म्‍नी मा इनीमा लो़ मेदाम्‍नु़।

१ कोरिन्थी 16:13

चङचङया बानी, छो़म थो़रनुङमा दु़म्‍नी, डोक्‍पु थो़म्‍बोकनुङमा दु़म्‍नी मा छो़म सोनुङमा दु़म्‍नी।

फिलिप्‍पी 4:1

मेम्‍मिमका वा-ल्‍वाकनी, ङाचो़डा थो़र बेनिम बानी। द्‌वादीबुङ ङोप्‍सो़नी, गो गानीलाई रिखाम बोनिनी मा क्रो़म्‍मु न बु। गानी ने आमा भ्रसी नुङ आमा मुकुट सो़।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

रोमी 16:17

द्‍वादीबुङ वा-ल्‍वाकनी, गानीगोडा गो-फ दु़म्‍पा मा रिबुसी किन्‍बेट्‍पा मु़चु़मिमडाम चङचङया बानी र्‍वाक्‍साका गो गानीलाई छो़म र्‍वाङु। मेर्मिमका इनीमा सीसिकु कोर्थो़लाम जेमी। मेप्‍माम मु़चु़मिमडाम वाङ बानी।

यहूदा 1:3

द्‌वादीबुङ ङोप्‍सो़नी, गुइ खोत्‍लेकाम सेल्‍सिसीकु दुथाम छो़म आ र्‍यार्‍या द्‌वाक्‍पा बाङडो। लावो थो़रलु़पालाई कोखेप ग्‍वाक्‍साड्‌डामिलो हेल्‍लो लोवो दु़म्पा थो़र गेनी र्‍वाक्‍साका गानीलाई छो़म र्‍वामुमा र्‍यामु आमा नड्‌डा रोक्‍ता।

२ थेसलोनिकी 3:14

ओराम सेलाखाजेमडा र्‍याक्‍तोकोम सिजेम कोङनिमका मेथो़सु़ माला मेराम मु़चु़लाई जो़होमका छेन्‍जो़ल्‍नी, मा मेरामलाई उ क्रो़म लु़नु़ र्‍वाक्‍साका मेरामडाम वाङ बानी।

तीतस 1:9

गुलाई सीट्‌मा थो़रलु़इमिम सिजेमडा गु छो़म थो़र लु़मुम बुमु बासी। मेम बेसाका गुका आच्‍छाङाकु सीसिका वाङमिमकाम उनी सो हन्‍बेन्‍सामु मा आच्‍चाङाकाम सीसिकु कोर्थो़लाम बक्‍पा मु़चु़मिम लिमा बुमी र्‍वाक्‍साका रेम्‍बोमु चापा दु़म्‍बेट्‌नु़।