२ पत्रुस 3:17 - थुलुङ राई

¹⁷ मेम्‍मिमका द्‌वादीबुङ ङोप्‍सो़नी, ङादोङा ओराम ल्‍वा चक्‍निम लोवो चङचङया बानी। मेम्‍साका गानी डु़म्‍ला होम्‍साका मेदोपा मु़चु़मिमकु उनी ख्‍लो़सीका ताङताहेरथो़ मेलनिमा इनी येम्‍सिखोपलाम मेवाम्‍नी।

२ पत्रुस 3:17 Referans Kwoze

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

कलस्‍सी 2:8

मामासो़, सु़का वो गानीलाई हाम ना हामकाम नुङ वायम डक्‍पा मु़चु़कु नेप्‍चीका मेर्मिमकु सीसि होम्‍साका लाम्‍दिमु मेर्‍वामिनु़। मेराम सीसि ने ख्रीष्‍टलाममिम मेएँ, मु़चु़का बेम्‍खेम्‍डिम डु़म्‍ला नुङ सु़म्‍दिसेरकु दुथाममिम ल्‍वा सो़।

एफिसी 4:14

आरेसाका गुइ चो़च्‍चो़ होप्‍माम मेदु़म्‍सी। कुकु बाबारिमका होनो आथो़ बेपा मु़चु़ होप्‍माम मेदु़म्सी मा गुइलाई लु-फेले बेपा सीसिथो़ नुङ लिमालाम ख्‍लक्‍पा मु़चु़ होप्‍माम मेदु़म्‍सी।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

१ कोरिन्थी 10:12

गानी जो़होमका येम्‍सिक्‍पा बुङु र्‍वाक्‍पा मिम्‍नी माला चङचङया बानी, मेएँ माला ने तामु वो चाम्‍नी।

मत्ती 7:15

“उडलाम भेन्‍दा होङङा बेपा लावो ङिमलु़पा बडिमिम होप्‍माम माम्‍चु़नीलाम-जेपा लिसिक्‍पामिमडाम चङचङया बानी वो!

रोमी 16:18

हेङालोने मेर्मिमका ने ङाचो़कु खारी बेपा मेएँ लावो त्‍वाकु ख्‍वाचेपकाम लागि कोङङा बोमी सो़। मेर्मिम ने ड-ड जो़पा लिसीमिमा भ्रपा जेमी मा जो़पा न-गोकाम मु़चु़मिमलाई गोलामका वायम डमी।

२ तिमोथी 4:15

गाना वो मेराम मु़चु़डाम चङचङया बाया, हेङालोने गुइ थो़बेड्‌डिम जो़पा-सेलाकु कोर्थो़लाम मेरामका छो़म मेजो़पा बु़डु़म बु।

२ कोरिन्‍थी 11:3

ब्‍लोका उमा मेजो़पा नका हव्‍बालाई वायम डस्‍तु़म होङङा ख्रीष्‍टडलाम सेपा नुङ आच्‍छाङाकाम रिखाम बेपा इनीमा न ताङताहेरथो़ ल डे र्‍वाक्‍साका गोलाई ङिमलु़डाम बु।

मत्ती 16:6

येशूका मेर्मिमलाई र्‍वाम्‍डी, “मामासो़! फरिसी नुङ सदुकीमिमकु लङखामडाम चङचङया बानी वो।”

थु़र्मा 2:42

मे थो़रलु़पामिम थु़र्मामिमकु सीसिडा, सामा घ्रो़म्‍सीडा, येशूकु ग्रुलाडा नुङ सो़म्‍दी बेप्‍डा कोयो दु़म्‍थाल्‍मिडी।

मत्ती 16:11

गानीलाई गो सो़बेमकु दुथाम र्‍वाङडोम मेएँ र्‍वाक्‍साका गानी हेङा थेसिमेथेनिमिम? मेम्‍मिमका गो आथावो र्‍वाङु, फरिसीमिम नुङ सदुकीमिमकु लङखामडाम वाङ बानी।”

रेम्‍बेट्‌मिडिम ल्‍वा 2:5

मेम्‍मिमका गाना बालामका धाली आल्‍सिट्‍नाम बु मेराम मिम्‍डा, मा माम्‍चु़नीथो़ ख्‍लोसा, मा ङादो बेन्‍नाम होङङा बे। गाना मेमका मेख्‍लोन्‍सिट्‌नावा माला गो इमाडा रोङुमा इमा धिप्‍री चाखोपलाई उ खोमलामका होनोवा बेउ।

१ पत्रुस 5:9

छो़म थो़रलु़पा दु़म्‍निम बानिमा शैतानकु कोर्थो़लाम बक्‍नी, हेङालोने खोत्‍ले सु़म्‍दिसेरडा बाट्‌पा थो़रलु़पा वा-ल्‍वाकमिमका वो आरेप्‍मामङा दु़खा ल्‍वामिम बुमी।

कलस्‍सी 2:5

गानीडाम गो होनोवा बुङु लोवो गानीनुङ बाट्‌पा होङङा लु़ङु। मेम्‍मा इनीमा खोत्ले ल्वा जो़होमका घ्रो़म्पा नुङ ख्रीष्‍टडा छो़म थो़र लु़साका बुनिमिम ल्‍वानिनिलो गेर्सिक्‍पा बुङु।

फिलिप्‍पी 3:2

मेजो़पा खारी बेपामिम, मा सेल्सिमु लागि मिरो़मडा कोक्‍ते क्रिम्मु बासी र्‍वाक्‍पा ख्‍लेबामिमडाम चङचङया बानी वो!

यूहन्‍ना 16:4

थारी रो, मा गो गानीलाई चङचङया बाबेट्‌निनिम ल्‍वा इनीमा नडा रो र्‍वाक्‍साका ओराम ल्‍वा गो गानीलाई र्‍वाङडोम बु। गो गानीनुङ बाङडोमका गानीनुङ ङादो गो ओराम ल्‍वा मेर्‍वाङुवा।

गलाती 5:4

गानी डु़म्‍लालाम जो़पा न-गोकाम दु़म्‍मु न बोनी माला येशू ख्रीष्‍टलाम वाङ दु़म्‍निम बु। माम्‍चु़नीकु दिदामडाम वाङ दु़म्‍निम बु।

२ पत्रुस 2:7

माम्‍चु़नीका उनी न होप्‍माम लोतलाई फ्‍वाक्‍मिडी। डु़म्‍ला होम्‍साका मेदोपा मु़चु़मिमकु घ्राम्‍लु़पा बेसी-दोसीडाम गु उ न नो़पा बाइडा।

२ पत्रुस 3:1

द्‌वादीबुङ ङोप्‍सो़नी, गानीलाई र्‍याक्‍तोम ओराम आमा ननोम सेलाखाजेम सो़। गानी जो़पा मिम्‍नी र्‍वाक्‍साका मिम्‍बेन्‍मु लागि सो हन्‍बेन्‍सामु निफिङा सेलाखाजेम गो गानीलाई र्‍याक्‍तोम।