२ पत्रुस 1:5 - थुलुङ राई

⁵ मेम्‍मिमका इनी थो़रडला इनी जो़पा दु़म्‍सी काप्‍तो लक्‍नी, जो़पा दु़म्‍सीडला न छेबेसी,

२ पत्रुस 1:5 Referans Kwoze

फिलिप्‍पी 4:8

हुम-दडा, वा-ल्‍वाकनी, जो़पा नुङ कोमुका घ्रेट्‌पा ल्‍वामिम इनीमा नडा मिम्‍नी। मेर्मिम ल्‍वा: आच्‍छाङाकाम, डोक्‍पु मिम्‍मुका घ्रेट्‌पा, माम्चु़नीकु मिक्‍सीलामडा जो़पा, सेपा, द्‌वादीबुङ, सो़मुका घ्रेट्‌पा।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।

२ पत्रुस 1:10

मेम्‍मिमका वा-ल्‍वाकनी, माम्‍चु़नीका गानीलाई येट्‌निम नुङ छेट्‌निम र्‍वाक्‍पा रेम्‍बोमु छो़म सो हन्‍पा दु़म्‍नी। गानी आरे बोनी माला इनी थो़रडाम हेल्‍लो वो ताङताहेरथो़ मेलनी।

हिब्रू 6:11

आरेप्‍माम इनीमा जो़पा खारी नुङ रिखाम इनीमा सिमु थारीसम्‍मङा बेनिम बानी मा गानी हाम ल्‍वामु न बेन्‍निम बु मेराम डार्नी र्‍वाक्‍पा आकीमा न बु।

फिलिप्‍पी 1:9

गो इनीमा लागि ओराम सो़म्‍दी बेउ: इनीमा रिखाम, नेप्‍ची, नुङ थेसिथेसी छो़म बर्तो-बर्तो लनु़,

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।

हिब्रू 11:6

थो़र मान्‍थि माम्‍चु़नीलाई गर्सी बेन्‍मु मेझाम। हेङालोने सु़ माम्‍चु़नीकाडा रो मेरामका माम्‍चु़नी बुमी र्‍वाक्‍पा मा उहेमका गुमीलाई मालु़म बु गुमीका मेरामलाई पुरस्‍कार ग्‍वामी र्‍वाक्‍पा थो़र लु़मु बासी।

एफिसी 5:17

मेम्‍मिमका नेप्‍ची मान्‍थिम मेदु़म्‍नी, लावो माम्‍चु़नीका गानी हाम बोमिनु़ र्‍वाक्‍पा न बोमी मेराम थेसिथेन्‍मु माल्‍नी।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

कलस्‍सी 2:3

ख्रीष्‍टङा माम्‍चु़नीकु न नुङ नेप्‍ची थेसिथेन्‍बेट्‌पा बुमी। मे न नुङ नेप्‍ची ने थक्‍मा खाप्‍ची होप्‍माम बु।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

लूका 24:21

इस्राएलीमिमलाई बोपा-थार्पा ख्रीष्‍ट गुमीङा बाम्‍डी र्‍वाक्‍पा गुकु लु़त्तोकोम बाइडा। ओर्मिम खोत्‍ले ल्‍वा दु़स्‍ताम सुलेम दु़म्‍मु दु़म्‍स्‍तु़।

कलस्‍सी 1:9

मेम्‍मिमका इनीमा दुथाम थो़त्तोकोलो आथाम इनीमा लागि सो़म्‍दी बोकुमिमङा बुकु। गानी माम्‍चु़नीकु नलाई थेसिथेन्मुकाम लागि उनीमा पेललामका खोत्‍ले नेप्‍ची नुङ थेसिथेट्‌पा न लिट्‌पा बेसाका माम्‍चु़नीका ग्‍वानिमिनु़ र्‍वाक्‍साका गुमीनुङ सो़म्‍दी बोकुम बुकु।

१ पत्रुस 3:7

वोचु़नी, मेम्‍साकाङा गानी इनीमा नाइमेनुङ दु़साका मा ख्‍लो़या-बाया बेबेसाका बानी। गानी इनी नाइमेलाई डोक्‍पु मिम्‍मु बासी। गानीडाम मेर्मिम मेचापा बुमी। लावो माम्‍चु़नीका गानीलाई निफिलाई कोलेङा आच्‍छाङाकाम त्‍वारो़म ग्‍वाक्‍निम बु। आरे बोनिमा गानी सो़म्‍दी बोनिलो भोपा हाम वो मेदु़म।

हिब्रू 12:15

कोलेका कोले रेम्‍बेनी, मेम्‍साका सु़ वो माम्‍चु़नीकु दिदाम ल्‍वामुडाम वाङ मेदु़म्‍नु़। न-गो खेम्‍ल्‍यामुकु सक्‍फार बर्साका दु़खा ग्‍वाक्‍पा होप्‍माम मेदु़म्‍नी, मेएँ माला ने ओरामका हापा मु़चु़मिमलाई मेसेपा दु़म्‍बेडु़मी।

१ कोरिन्थी 14:20

वा-ल्‍वाकनी, चो़च्‍चो़ होङङा मिम्‍मु डिट्‌नी। मेजो़पा ल्‍वाडा न मेछेपा चो़च्‍चो़ होप्‍माम दु़म्‍नी, लावो इनी मिम्‍सीडा ने न छेपा ङाचो़ होप्‍माम दु़म्‍नी।

लूका 16:26

मेम कोङङा मेएँ, इनीमा नुङ आकीमा थेतेडा छो़म डोक्‍पु छेन्‍द्रुङमा बु। मेम्‍मिमका ओलामका पोलु़म ख्‍वाक्‍साका सु़ वो इनीमायु़ योमु मेचाम्‍मी, मा मेलामका वो सु़ वो छेन्‍द्रुङमा ख्‍वाक्‍साका आकीमाडा गेमु मेचाम्‍मी।’

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।