२ पत्रुस 1:12 - थुलुङ राई

¹² मेम्‍मिमका ओर्मिम गानी चक्‍निम बु मा गानीनुङ बाट्‌पा आच्‍छाङाकाम ल्‍वाडा गानी छो़म थो़रलु़निम बुनी लोवो ओर्मिम ल्‍वा गो गानीलाई हेल्‍लो लोवो मिम्‍बेनिनी।

२ पत्रुस 1:12 Referans Kwoze

१ यूहन्‍ना 2:21

आच्‍छाङाकाम ल्‍वा गानी थेसिमेथेनी र्‍वाक्‍साका गानीलाई ओराम ल्‍वा र्‍याक्‍पुमिम मेएँ, लावो आच्‍छाङाकाम थेसिथेनिमिमका र्‍याक्‍पुमिम। आच्‍छाङालामका ल्‍वा लिमा मेरो र्‍वाक्‍पा गानी चनी।

फिलिप्‍पी 3:1

हुम-दडा, आमा वा-ल्‍वाकनी, ङाचो़ येशूडा गेर्सी द्‌वाक्‍नी। गो ङादो र्‍याक्‍तोम ल्‍वा आथावो गानीलाई र्‍यामु गो मेघ्रु़म्‍ङु, मा मेराम ल्‍वा ने गानीलाई बोपा-थार्पा सो़।

कलस्‍सी 2:7

धु़प्‍पा फ्रु़प क्रोक्‍पा धक्‍सा होप्‍माम नुङ गुमीडला बनेबेम्‍मा नेम होप्‍माम गुमीडलाम इनीमा थो़र आनो मेनो मेदु़म्साका सीपा मु़चु़मिमका गानीलाई सीट्‌निमिम होङङा छो़म आच्‍छाङा लु़त्तो लमु बासी। मेम्‍मा आला-तोमानुङमा दु़म्‍मुम बुमु बासी।

यहूदा 1:5

गानी ओर्मिम खोत्‍ले ल्‍वा चक्‍निमङा बु लोवो गो गानीलाई मिम्‍बेनिनी। येशूका उनी मु़चु़मिमलाई मिश्र नेब्‍दीलामका फ्‍वाक्‍मिडिमा फिट्‌मिडी, लावो थो़रमेलु़पामिमलाई पुयु़लुबेट्‌मिडी।

२ यूहन्‍ना 1:2

आच्‍छाङाकाम ल्‍वा गुइनुङ दु़म मा हेल्‍लो लोवो गुइनुङ दु़महोम बु मेम्‍मिमका गानीलाई गुकु रिखाम बोकु।

२ पत्रुस 1:13

ओ सुबुडा आमा मिरो़मडा बुङुमिमसम्‍म गानीलाई मिम्‍बेन्‍मु लागि फमु जो़पा लु़ङडोम बु।

यहूदा 1:17

लावो द्‌वादीबुङ ङोप्‍सो़नी, इकी ङाचो़ येशू ख्रीष्‍टकु थु़र्मामिमका ङादोङा र्‍वाम्‍डिम ल्‍वामिम गानी मिम्‍नी।

यहूदा 1:3

द्‌वादीबुङ ङोप्‍सो़नी, गुइ खोत्‍लेकाम सेल्‍सिसीकु दुथाम छो़म आ र्‍यार्‍या द्‌वाक्‍पा बाङडो। लावो थो़रलु़पालाई कोखेप ग्‍वाक्‍साड्‌डामिलो हेल्‍लो लोवो दु़म्पा थो़र गेनी र्‍वाक्‍साका गानीलाई छो़म र्‍वामुमा र्‍यामु आमा नड्‌डा रोक्‍ता।

२ पत्रुस 3:17

मेम्‍मिमका द्‌वादीबुङ ङोप्‍सो़नी, ङादोङा ओराम ल्‍वा चक्‍निम लोवो चङचङया बानी। मेम्‍साका गानी डु़म्‍ला होम्‍साका मेदोपा मु़चु़मिमकु उनी ख्‍लो़सीका ताङताहेरथो़ मेलनिमा इनी येम्‍सिखोपलाम मेवाम्‍नी।

२ पत्रुस 3:1

द्‌वादीबुङ ङोप्‍सो़नी, गानीलाई र्‍याक्‍तोम ओराम आमा ननोम सेलाखाजेम सो़। गानी जो़पा मिम्‍नी र्‍वाक्‍साका मिम्‍बेन्‍मु लागि सो हन्‍बेन्‍सामु निफिङा सेलाखाजेम गो गानीलाई र्‍याक्‍तोम।

२ पत्रुस 1:15

गो सिङुमिम चङडा वो ओराम ल्‍वा इनी नडा हेल्‍लो लोवो गानी मिम्‍थाट्नी र्‍वाक्‍साका आ चाप्‍सी बेउ।

१ पत्रुस 5:12

थो़रलु़इमिम लु़ङडोम ल्‍वाक सिलासलामका ओराम कति दु़पा सेलाखाजेम गानीलाई र्‍याक्‍तोङा लेट्‌पु। इनीमा सो हन्‍बेन्‍मु नुङ ओराम माम्‍चु़नीकु आच्‍छाङाम दिदाम सो़ र्‍वाक्‍पा गानीनुङ सो़मु र्‍याक्‍तोङा बेउ। ओरामडा गानी दु़म्‍निम बानी।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

हिब्रू 13:9

खाल-खालकाम हेल्‍लो वो मेथो़म्‍मा सीसिडा मेब्‍लो़म्‍सिट्‌नी। हेङालोने पोमु-डुमुकु दुथाममिम डु़म्‍लाका मेएँ, लावो माम्‍चु़नीकु दिदामका इनीमा न-गो बन्‍सिमिम जो़पा दु़म। मेप्‍माम डु़म्‍लाका सु़लाई वो जो़पा दु़स्‍ताम मिबु।

हिब्रू 10:32

आच्‍छाङाकाम सिजेमलामका गानीडा ओल दो़स्‍ताम मे ङादोम नेममिम मिम्‍नी, मेकोतिलो गानी हापा दु़खा ल्‍वान्‍नी लोवो थो़रलु़न्‍निमङा बान्‍नी।

२ तिमोथी 1:6

मेम्‍मिमका गो गानालाई मिम्‍बेनी, गो गानाडला ल्‍वा जु़ल्‍साका सो़म्‍दी बेउतोलो माम्‍चु़नीका गानालाई राप्‍लावा ग्‍वाक्‍नामिम बाइडा। मु हुर्साका हापा वाक्‍तो लक्‍पा बोमु होङ्‍ङा मेराम राप्‍लावा बर्बेत्तो लडा।

१ तिमोथी 4:6

थो़र लु़पामिमलाई ओर्मिम ल्‍वा सीनामी माला गाना ख्रीष्‍ट येशूकु कोले जो़पा डु़ल्‍चो़ दु़म्‍ना। मेम्‍मा गाना लाम्‍दित्तोङा बोनामिम इकीमा थो़रकु दुथाममिम सीसिडा नुङ जो़पा सीसिडा गाना बर्नाम रेम्‍बोना।

थु़र्मा 16:5

मेम्‍मिमका मण्‍डलीमिमकु थो़र बर्तो लस्‍ता, मा येशूडा थो़रलु़पामिम हेल्‍लो लोवो बर्तो लम्‍डी।

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,