२ यूहन्‍ना 1:9 - थुलुङ राई

⁹ ख्रीष्‍टकु सीसिडा हेल्‍लो लोवो मेबाट्‌पा मा ओरामडाम हेम्‍साका लक्‍पा मु़चु़नुङ माम्‍चु़नी मेदु़म्‍मी। ख्रीष्‍टकु सीसिडा बाट्‌पाम बाट्‌पा मु़चु़काडा पाप नुङ तारापाचो़ निफिङा दु़म्‍मी।

२ यूहन्‍ना 1:9 Referans Kwoze

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

१ यूहन्‍ना 1:3

गुकु हाम ल्‍वात्तोको थो़त्तोको मेराम गानीनुङ सो़कु, मेम्‍साका गुकुनुङ इनीमा हेमकेम दु़म्‍नु़। आकीमा वो हेमकेम माम्‍चु़नी पाप नुङ उनीमा तारापाचो़ येशू ख्रीष्‍टडा बु।

थु़र्मा 2:42

मे थो़रलु़पामिम थु़र्मामिमकु सीसिडा, सामा घ्रो़म्‍सीडा, येशूकु ग्रुलाडा नुङ सो़म्‍दी बेप्‍डा कोयो दु़म्‍थाल्‍मिडी।

तीतस 2:10

डु़ल्‍चो़मिमका मेखुम्‍सामिनु़, लावो छो़म थो़रलु़इमिम दु़म्‍मु चाम्‍मिनु़। आरे बेसाका गुइलाई सेल्‍पा माम्‍चु़नीकु सीसि जो़पा बु र्‍वाक्‍पा मेर्मिमका खोत्‍ले ल्‍वाडा रेम्‍बोमिनु़।

यूहन्‍ना 15:6

गोगोडा मेदु़म्‍पा मु़चु़ घ्रोला सो़सिक्‍पामा साट्‌पा ग्रेममिम होप्‍माम दु़म। आरेप्‍माम ग्रेममिम मु़चु़मिमका खोम्‍मिमा मुगोडा घ्रोम्‍सोमी, मा मेराम घ्रु़।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

लूका 10:22

“आमा माम्‍चु़नीका खोत्‍ले गोलाई आमा ल्‍वाडा ग्‍वाङ्‌डिमिम बु। माम्‍चु़नीकु तारापाचो़ सु़ र्‍वाक्‍साका माम्‍चु़नीडाम वाङमिम सु़का वो मेछेङिमी। माम्‍चु़नी सु़ र्‍वाक्‍साका माम्‍चु़नीकु तारापाचो़डाम सु़का मेछेडु़। माम्‍चु़नीकु तारापाचो़का गुमीलाई उहेमकाडा रेम्‍बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”

हिब्रू 6:1

मेम्‍मिमका ख्रीष्‍टकु दुथाममिम ङादो सीसिट्‍मा याक्‍केतो ल्‍वामिम डिसाका उनीमा दुथाममिम ल्‍वा थेट्‌पा नुङ बोमु चापा दु़म्‍नी। सिमुथो़ लक्‍पा खारीलाम ख्‍लोसिक्‍पा ल्‍वा,

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

यूहन्‍ना 8:31

येशूका गुमीडा थो़र लु़पा यहूदीमिमलाई र्‍वाम्‍डी, “आमा सिजेम होम्‍साका गानी दोन्‍नी माला गानी आमा आच्‍छाङा सीसिपामिम सो़।

३ यूहन्‍ना 1:9

मण्‍डलीलाई गो कोङनिम ल्‍वा र्‍याक्‍तोम बाइडा। लावो ङाउ दु़म्‍मु माल्‍पा डियोत्रिफसका गुकुनुङ हाम वो बोमु मेद्‌वाकु़।