२ यूहन्‍ना 1:1 - थुलुङ राई

¹ माम्‍चु़नीका छेट्‌नामिम द्‌वादीबुङ रिचो़ नुङ इमा चो़मिमलाई मण्‍डली रेपा गो ङाउ यूहन्‍नाका ओराम सेलाखाजेम र्‍याक्‍तोङा बेउ। गो गानीलाई न-गोलामका रिखाम बोनिनी। गो कोङङा गानीलाई रिखाम बोनिनिमिम मेएँ लावो आच्‍छाङाकाम सीसि चक्‍पा खोत्‍लेका गानीलाई रिखाम बोनिमी।

२ यूहन्‍ना 1:1 Referans Kwoze

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

१ तिमोथी 2:4

माम्‍चु़नीका खोत्‍ले मु़चु़मिम सेल्‍सिमिनु़, मा आच्‍छाङाकाम ल्‍वा थेसिथेन्‍मिनु़ र्‍वाक्‍पा न बोमी।

यूहन्‍ना 8:32

मेम्‍मा गानी माम्‍चु़नीकु दुथाममिम आच्‍छाङाकाम ल्‍वा थेसिथेनी, मा मे आच्‍छाङाकाम ल्‍वाका गानीलाई फ्‍वानी।”

२ यूहन्‍ना 1:5

द्‌वादीबुङ रिचो़, गानी बोमु बासी र्‍वाक्‍साका र्‍याक्‍तोङा बेउमिम ओराम लाले सीसि ने मेएँ लावो माके आथामङा गुइनुङ बाट्‌पा ल्‍वा सो़। गो र्‍वाङु गुइ रिखाम बेबी।

१ पत्रुस 5:1

गानीगोडाम मण्‍डली रेपा ङाउमिमलाई गो छो़म र्‍वाङु, हेङालोने गो वो मण्‍डली रेपा कोले ङाउङा सो़। ख्रीष्‍टका दु़खा ल्‍वाम्‍डिम ल्‍वापा गो वो सो़, मा दिफु झ्‍वामिम उनीमा यु़म-झ्‍वाक्‍सी गो वो ल्‍वाउ।

२ यूहन्‍ना 1:13

माम्‍चु़नीका छेट्‌मिडिम जाउमो इमा ल्‍वाककु चो़मिमका गानालाई सेव र्‍वाम्‍डिम बु।

१ यूहन्‍ना 2:21

आच्‍छाङाकाम ल्‍वा गानी थेसिमेथेनी र्‍वाक्‍साका गानीलाई ओराम ल्‍वा र्‍याक्‍पुमिम मेएँ, लावो आच्‍छाङाकाम थेसिथेनिमिमका र्‍याक्‍पुमिम। आच्‍छाङालामका ल्‍वा लिमा मेरो र्‍वाक्‍पा गानी चनी।

१ पत्रुस 1:2

ङादो आथाममिम उनी मुलु़ होम्‍साका माम्‍चु़नी पापका गानीलाई उनी त्‍वाकु मु़चु़ दु़म्‍मु छेट्‌निमी। येशू ख्रीष्‍टकु सिसिका कोसाका सेपा दु़म्‍साका गुमीका र्‍वामिमिम गानी थो़नी र्‍वाक्‍साका गुमीका गानीलाई उनी पेलका उनीमा बनेबेन्‍नी। माम्‍चु़नीका गानीलाई दिदाम नुङ न-भ्रसी छो़म हापा ग्‍वानिमिनु़।

हिब्रू 10:26

गुइ आच्‍छाङाकाम ल्‍वा थेडिमिम चङडा वो चक्‍सा-चक्‍सा छु़ल बिइहोम बुइ माला ने छु़ल हेम्‍मु लागि सासेसी हाम वो मेदु़म,

गलाती 5:7

गानी जो़पा ओन्‍सीडा ओन्‍तोङा बेन्‍नी। लावो गानीलाई आच्‍छाङाकाम लाम्‍दीडा लाम्‍दिमु लागि सु़का गानीलाई भोप्‍नी?

गलाती 3:1

ए नेप्‍ची मान्‍थिम गलातियाडाम मु़चु़नी, मेजो़पा लाम्‍दीथो़ लाम्‍दिमु लागि गानीलाई सु़का कोक्‍नी? इनीमा मिक्‍सीलामडाङा येशू ख्रीष्‍ट क्रूसडा चेसिम्‍डिम ल्‍वाकु दुथाम जो़होमका र्‍वाक्‍मा बाइडा।

गलाती 2:14

मेम्‍मिमका आच्‍छाङाकाम जो़पा-सेला होम्‍साका मेर्मिमका मेबेमिवाम गो ल्वाउतोमा मेर्मिम खोत्‍ले मु़चु़कु ङादोडा गो पत्रुसलाई र्‍वाङ्‌डो, “गानी यहूदी मु़चु़, लोवो यहूदी होम्‍साका मेएँ वाङसामामिम होम्‍साका बुनी दोनी माला वाङसामामिमलाई यहूदीमिम होम्‍साका हेसाका बुबेन्‍मु चाम्‍नी मा?”

गलाती 2:5

लावो जो़पा-सेलाकु आच्‍छाङाकाम सिजेम इनीमा लागि दु़म्‍नु़म बुनु़ र्‍वाक्‍साका मेर्मिमका र्‍वाम्‍डिम ल्‍वा कि-कि वो गुकु मेथो़कुवा।

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,

लूका 1:3

मेम्‍मा द्‍वादीबुङ ङाचो़ थियोफिलस, गो वो येशूकु दुथाम नुङ येशूका खारी बोमु चो़म्‍मिडिलो आथामङा खोत्‍ले ल्‍वा चङको चङको दु़म्‍साका माल्‍तो ख्‍लोक्‍तोम बु। मेर्मिम खोत्‍ले पेन्‍तिका गो गानीलाई र्‍यामु जो़पा लु़ङडो।

थु़र्मा 11:30

आरेसाका फम्‍डिम खउलुङ मेर्मिमका बारनाबास नुङ शाऊलकु ल्‍वालामका यरूशलेम मण्‍डलीडाम ङाचो़मिमकाडा थु़र्सोम्‍डी।

रोमी 16:13

ङाचो़का थुट्‌मिडिम रुफसलाई सेव। आमा त्‍वाकु माम होप्‍माम ङा रूफसकु मामलाई वो सेव बु।

१ पत्रुस 5:13

बेबिलोनडा बाट्‌पा मण्‍डलीका गानीलाई सेव र्‍वाक्‍ताम बु, मा आमा तारापाचो़ होप्‍माम मर्कूसका वो गानीलाई सेव र्‍वाक्‍ताम बु।

३ यूहन्‍ना 1:1

मण्‍डली रेपा ङाउ गो यूहन्‍नाका आच्‍छाङा रिखाम बोनिमिम गायस, गानालाई गो ओराम सेलाखाजेम र्‍याक्‍तोङा बेउ।