२ कोरिन्‍थी 9:8 - थुलुङ राई

⁸ माम्‍चु़नीका गानी चाहेबोनिमिमडाम वो हापा जि-वा ग्‍वामु चाम्‍निमी। मेम्‍मा गानीलाई हामकाम वो खेरेला मेदु़म, मेम्‍मिमका गानी जो़पा खारी खोत्‍ले बोम्‍सोमु चाम्‍नी।

२ कोरिन्‍थी 9:8 Referans Kwoze

एफिसी 3:20

गुइगोडा खारी बेपा उनीमा यु़मलामका गुइ मिम्‍डिम नुङ बिइडिमडाम वो हापा ग्‍वामु चापा माम्‍चु़नीकु नङ,

तीतस 3:14

गुइ थो़रलु़पामिम खोत्‍लेका जो़पा खारी बोमु माल्‍पा दु़म्‍मु बासी। मेम्‍साका खेरेला दु़म्‍पा मु़चु़मिमलाई ख्‍लो़मुमि बासी। मेम्‍मा गुइ हाम ना हामकाम मेदु़म्‍सी।

२ कोरिन्‍थी 8:7

गानी थो़रडा, सीसिडा, नेप्‍चीडा, वाङमिमलाई ख्‍लो़मु सो-हन्‍पा नुङ गुकुडलाम इनीमा रिखाम बेसीडा खोत्‍लेडाम जो़पा दु़म्‍तो लक्‍निम बु। आरेसाकाङा वाङमिमलाई बोमु बासिक्‍पा न-थो़मनुङमा खारीडा वो खोत्‍लेडाम जो़पा दु़म्‍नी र्‍वाक्‍पा न बेउ।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

२ कोरिन्‍थी 9:11

गानी छो़म ग्‍वा-ग्‍वा द्‌वाक्‍पा दु़म्‍मु लागि माम्‍चु़नीका गानीलाई खोत्‍लेडा लिट्‌पा-पेपा दु़म्‍बेनिमी। मेम्‍मा इनीमा ख्‍लो़पा नका ग्‍वानिमिम मेराम गुकु वाङमिम मण्डलीडा दो़कुलो मेर्मिमका माम्चु़नीलाई आलासो़ ग्‍वामी।

२ कोरिन्‍थी 8:2

छो़म इम्‍मु मेचाप्‍मिवाम दु़खाडा वो छो़म भ्रम्‍सिम्‍डी मा मेर्मिम दु़खापोङा लोवो छो़म ग्‍वा-ग्‍वाद्‌वाक्‍पा नका मेर्मिमका ग्‍वाम्‍डी।

तीतस 3:8

ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

१ पत्रुस 4:10

गानी खोत्‍लेका वाङमिमकु चापे-डुपे बोमु लागि राप्‍लावा ल्‍वान्‍निम बु। दिदामकु खाल-खालकाम राप्‍लावामिमडा माम्‍चु़नीकु जो़पा डु़ल्‍चो़मिम दु़म्‍नी।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

२ कोरिन्‍थी 8:19

मेकोति कोङङा मेएँ, लावो मेराम ल्‍वाक ने ग्‍वा-ग्‍वा सोक्‍थिट्‍पा खारी बोमुडा ख्‍लो़किनु़ मा गुकुनुङङा यरूशलेम लनु़ र्‍वाक्‍साका मण्‍डलीमिमका थुट्‌मिडिम सो़। गुकु ङाचो़कु नङ कोमु लागि मा वाङमिमलाई ख्‍लो़पा जो़पा खारी बोम्‍सोमु लागि ओराम खारी बोकु।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

थु़र्मा 9:36

योप्‍पा शहरडा येशूडा थो़रलु़पा तबीता नङकाम कोले मेसेम बाइडा। (ग्रीक ल्‍वाडा मेरामलाई डोरकास र्‍वाम्‍थाल्‍मिडी– मेराम र्‍वाक्‍मा दो़र)। तबीताका हेल्‍लो लोवो जो़पा खारी बु़थाल्‍लु़, मा उनी हाम वो मेबाट्‌पामिमलाई ख्‍लो़यु़थाल्‍लु़मी।

२ थेसलोनिकी 2:17

इकी सो हन्‍बेट्‌पा माम्‍चु़नीका खोत्‍ले इनी जो़पा खारी बेसीडा नुङ जेसीडा सो हन्‍बेन्‍सानिमिनु़, मा ख्‍लो़निमिनु़ र्‍वाक्‍साका सो़म्‍दी बोकु।

२ तिमोथी 3:17

मेम्‍साका माम्‍चु़नीकु लाम्‍दीडा लाम्‍दिपा मु़चु़मिम जो़पा खारी खोत्‍ले बोमु चापा दु़म्‍मी।

२ कोरिन्‍थी 13:3

मेकोतिलो ख्रीष्‍ट गोलामका जेमी डे मेएँ र्‍वाक्‍साका गानी रेम्‍मु माल्‍निम ल्‍वा डार्नी। गुमीका गानीगोडा खारी बोमिलो गुमी मेचापा मेबुमी, लावो छो़म यु़मनुङमा बुमी।

फिलिप्‍पी 4:11

गोलाई चाइदु़स्‍ता र्‍वाक्‍साका आरे र्‍वाङुमिम मेएँ, हेङालोने हेप्‍माम थारीमिमडा लोवो गो तिम्‍सिमु गो सीसिङ्‌डोम बु।

२ तिमोथी 2:21

मे याक्‍के खारीडा मोमु जु़ल्‍मा कोङनिमका उ त्‍वापलाई सेपा बु़डु़ माला मेराम डोक्‍पु खारीडा मोमु घ्रेट्‌पा सोजाम दु़म, मा नेमहपका मोमु घ्रेट्‌पा नुङ कोङनिम डोक्‍पु खारी बोमु घ्रेट्‌पा दु़म।