२ कोरिन्‍थी 9:6 - थुलुङ राई

⁶ ओराम ल्‍वा मिम्‍नी वो: कि-कि भ्रल फोट्‌पाका कि-कि फकु़, मा हापा भ्रल फोट्‍पाका हापाङा फकु़।

२ कोरिन्‍थी 9:6 Referans Kwoze

लूका 6:38

मु़चु़मिमलाई ग्‍वाक्‍निमी, मा माम्‍चु़नीका गानीलाई वो ग्‍वानिमी। सोङसा-सोङसाका, हल्‍लेबेसा-बेसाका लहोम, सिड्‌डा रोगेमिमसम्‍म कोले थो़मसङका इनीमा फाजीडा हिसिमिमसम्‍म गानी ल्‍वानी। हेङालोने गानी वाङमिमलाई उहेम थो़मसङका ग्‍वानी, मेराम थो़मसङका ङा माम्‍चु़नीका गानीलाई ग्‍वानिमी।”

२ कोरिन्‍थी 9:10

फोन्‍मु लागि भ्रल नुङ पोमुथोक माम्‍चु़नीका ग्‍वाक्‍सामी। मेम्‍मा गानी चाहेबोनिमिम खोत्‍ले भ्रल गुमीका ग्‍वानिमी मा ल्याबेन्मी, मा ग्‍वा-ग्‍वा द्‌वाक्‍पा इनीमा न-गोका ग्‍वानिमका इनीमा जो़पा खारी बेसीडा गुमीका बर्बेत्तो लनिमी।

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

गलाती 5:16

मेम्‍मिमका गो र्‍वाङु, माम्‍चु़नी-पेलका र्‍वामिम होम्‍साका दोनी, मेम माला इनीमा नकु को-कोक्‍सी होम्‍साका मेजो़पा मेबोनी।

गलाती 3:17

गो र्‍वामु माल्‍तोम ल्‍वा ओरामङा सो़, ङादोङा माम्‍चु़नीका सो़रख्रेप्‍मिडिम ल्‍वा ब्‍लसङ सु धु़म थ चङडा रोक्‍पा डु़म्‍लाका क्रिम्‍मु मेचाप्‍सु़। मेएँ माला ने माम्‍चु़नीका याचे जेम्‍डिम हाम ना हामकाम दु़म्‍सावा।

१ कोरिन्थी 15:20

लावो आच्‍छाङा ख्रीष्‍टलाई माम्‍चु़नीका सिमुलाम फम्‍खेट्‌मिडी। सिपामिम वो सिमुलाम बम्गेमी र्‍वाक्‍पा ल्वा रेम्बोमु लागि ङादो सिट्‌पा मा होप्‍मामङा गुमी ने खोत्‍लेडाम ङादो सिमुलाम बम्‍गेम्‍डी।

एफिसी 4:17

मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

१ कोरिन्थी 7:29

वा-ल्‍वाकनी, गो गानीलाई र्‍वामु मालुमिम ल्‍वा ओरामङा सो़, ङाचो़ दालाङा योमी। आथाडा आनो नाइमे बाट्‌पामिमका नाइमे मेबाट्‍पा होप्‍मामङा दु़म्‍साका बुमिनु़।

कलस्‍सी 2:4

उहेम मु़चु़का वो गानीलाई मेर्मिमकु लिमा सीसिमिमथो़ थो़र लु़बेन्‍मु लेम्‍मु मेचाम्‍निमिनु़ र्‍वाक्‍साका ओराम ल्‍वा गानीनुङ र्‍वाङुमिम। मेर्मिमकु सीसि थो़रलु़इमिम होप्‍माम ल्‍वासी लावो आच्‍छाङा मेएँ सो़।

१ कोरिन्थी 1:12

गो र्‍वामु मालुमिम ल्‍वा ओरामङा: गानीगोडाम कोङनिमका, “गो पावलकाम”, याङका “गो ओपोल्‍लोसकाम”, याङका “गो केफासकाम”, मा याङका “गो ख्रीष्‍टकाम” र्‍वानी ए।

२ कोरिन्‍थी 9:5

मेम्‍मिमका गानी ग्‍वाकु र्‍वाक्‍निम ग्‍वा-ग्‍वा ग्‍वामु लागि झो़म्‍जो़ल्‍सिट्‍नी र्‍वाक्‍साका ङादोङा मे ल्‍वाकमिमलाई इनीमाडा थु़र्मु जो़पा लु़ङडो। आरेसाका मेराम ग्‍वा-ग्‍वा द्‍वाक्‍साका ग्‍वाक्‍मा दु़म्‍नु़, ग्‍वा-ग्‍वा मेद्‍वाक्‍तो मेएँ।