२ कोरिन्‍थी 9:2 - थुलुङ राई

² हेङालोने ख्‍लो़-ख्‍लो़ द्‌वाक्‍पा इनीमा न गो चक्‍पु। माम्‍था आथामङा अखैयाडाम गानी थो़र लु़पामिमका ग्‍वा-ग्‍वा थु़र्मु खाम्‍निमिम बु र्‍वाक्‍साका माकेडोनियाडाम मण्‍डलीमिमनुङ इनीमा दुथाम डोक्‍पु ल्‍वा बेउतोम बु। मेप्‍माम इनीमा नका मेर्मिमगोडाम हापाकाम सो हन्‍डाम बु।

२ कोरिन्‍थी 9:2 Referans Kwoze

२ कोरिन्‍थी 8:10

ओराम ल्‍वाकु दुथाम आमा न आरेप्‍माम बु: माम्‍था आथाम गानी ग्‍वामु चो़म्‍निम ग्‍वा-ग्‍वा ग्‍वामु चो़म्‍निम खारी ओम्‍लो बोम्सोमु जो़पा दु़म। गानी मेराम खारी बेपा न बेन्‍निम कोङङा मेएँ, लावो खारी बोमुडा वो खोत्‍लेडाम ङादो बान्‍नी।

२ कोरिन्‍थी 8:8

गानी बोमुङा बासी र्‍वाक्‍साका गो र्‍वाङडोम मेएँ, लावो वाङमिमकाम ख्‍लो़पा सो-हन्‍सीनुङ थो़प्‍साका इनीमा रिखाम वो आच्‍छाङा डे मेएँ र्‍वाक्‍साका रेम्‍मु लागि गो आरे र्‍वाङडोम सो़।

२ कोरिन्‍थी 8:24

गानी मेर्मिमलाई त्वाकु रिखाम रेम्‍बेनी, मा गुकु हेङा इनीमा दुथाम नो़ डोक्‍पु बोनिमिम रेछा र्‍वाक्‍साका मण्डलीमिमका ल्वामु चाम्मिनु़।

हिब्रू 10:24

मेम्‍मा रिखाम नुङ जो़पा खारी बोमुथो़ गुइ हेसाका सो हन्‍बेबेपा मिम्‍डी।

१ कोरिन्थी 16:15

वा-ल्‍वाकनी, गानी ओराम ल्‍वा चनी, स्‍तिफनासकु नेमडाममिम अखैयाडा खोत्‍लेडाम ङादो थो़रलु़पा मु़चु़मिम सो़। मेर्मिमका माम्‍चु़नीकु मु़चु़मिमकाम चापे-डुपे बोमुडा खोत्‍ले उनी न-गोङा ग्‍वाम्‍डिम बु। गो गानीलाई छो़म र्‍वाङु,

१ थेसलोनिकी 1:7

मेम्‍मिमका माकेडोनिया नुङ अखैयाडाम थो़रलु़पा खोत्‍लेका इनीमा बेसी बोमी।

२ कोरिन्‍थी 8:19

मेकोति कोङङा मेएँ, लावो मेराम ल्‍वाक ने ग्‍वा-ग्‍वा सोक्‍थिट्‍पा खारी बोमुडा ख्‍लो़किनु़ मा गुकुनुङङा यरूशलेम लनु़ र्‍वाक्‍साका मण्‍डलीमिमका थुट्‌मिडिम सो़। गुकु ङाचो़कु नङ कोमु लागि मा वाङमिमलाई ख्‍लो़पा जो़पा खारी बोम्‍सोमु लागि ओराम खारी बोकु।

२ कोरिन्‍थी 7:4

गानीडला गो छो़म थो़र लु़ङ्‌डोम बु। गानीडाम गो छो़म आमा नो़ डोक्‍पु बेउ। खोत्‍ले आकीमा दु़खाडा वो आमा सो हन्‍पा बु मा छो़म भ्रसिक्‍पा बुङु।

२ कोरिन्‍थी 1:1

ओराम सेलाखाजेम माम्‍चु़नीकु न होम्‍साका येशू ख्रीष्‍टकु थु़र्मा दु़म्‍ङोडोम गो पावल नुङ आकीमा ल्‍वाक तिमोथीलामका सो़। गो कोरिन्‍थ शहरडा बाट्‌पा माम्‍चु़नीकु मण्‍डली नुङ अखैयाडा बाट्‌पा माम्‍चु़नीकु खोत्‍ले सेपा मु़चु़मिमलाई ओराम सेलाखाजेम र्‍याक्‍तोङा बेउ।

थु़र्मा 18:12

रोमी गलियोन अखैयाडाम डोक्‍पु साखामचो़ दु़स्‍ताम थारीका खोत्‍ले यहूदीमिम कोले दु़म्‍मिडी, मा पावललाई चु़म्‍साका अदालतडा रेट्‌मिडी,

थु़र्मा 24:17

“गो हापा थ चङडा आमा मु़चु़मिमलाई ख्‍लो़मु खउलुङ नुङ सासेन्‍मु ग्‍वा-ग्‍वा रेत्तोमा यरूशलेमडा रोङडोम बाइडा।

२ कोरिन्‍थी 7:14

इनीमा दुथाम गो तीतसनुङ डोक्‍पु ल्‍वा बेउतोम बाइडा, मा ओराम ल्‍वाडा गो ङाली डमु बासिक्‍पा मेदु़बेट्‌ङिनिवा। गो गानीनुङ हेल्‍लो लोवो आच्‍छाङाकाम ल्‍वा सो़उतोम बाइडा। मेम्‍साकाङा गो तीतसनुङ डोक्‍पु ल्‍वा बेउतोम वो आच्‍छाङा रोक्‍थिड्‍डा।

२ कोरिन्‍थी 8:11

ओम्‍लो मेराम खारी बेन्‍सोट्‌नी। मेम्‍लो गानी छो़म ग्‍वा-ग्‍वा द्‍वाक्‍पा बान्‍निमका आथा ने इनी चाप्‍सी ग्‍वाक्‍साका मेराम खारी बेन्‍सोट्‍नी।