२ कोरिन्‍थी 9:15 - थुलुङ राई

¹⁵ र्‍वामुङा मेझापा हापा थिकु राप्‍लावाकाम लागि माम्‍चु़नीलाई आलासो़ दु़म्‍नु़।

२ कोरिन्‍थी 9:15 Referans Kwoze

२ कोरिन्‍थी 2:14

माम्‍चु़नीलाई आलासो़ दु़म्‍नु़, हेङालोने माम्‍चु़नीका गुइलाई हेल्‍लो लोवो ख्रीष्‍टनुङ घ्‍ल्‍वासीकु लाम्‍दीडा लाम्‍दिबेसामी। गुमीका ख्रीष्‍ट छेबेट्‍पा नेप्‍चीलाई भ्रपा मुरनेम्‍पा धूप होङङा खोत्‍लेथो़ फोट्‍पा खारी गुकुलाई ग्‍वाकिमी।

एफिसी 5:20

खोत्‍ले थोककाम लागि इकीमा ङाचो़ येशू ख्रीष्‍टकु नङडा माम्‍चु़नी पापलाई आलासो़ ग्‍वाक्‍नी।

यूहन्‍ना 3:16

“हेङालोने माम्‍चु़नीका सु़म्‍दिसेरडाम मु़चु़मिमलाई छो़म रिखाम बेम्‍डी, मा गुमीका कोलेङा उनी तारापाचो़ ग्‍वाम्‍डी। मेम्‍साका सु़का गुमीडला थो़र बु़, गु पुयु़ मेल, लावो मेसिपा त्‍वारो़म ल्‍वासु़।

रोमी 8:32

माम्‍चु़नीका उनीमा तारापाचो़लाई वो मेडिट्‌मिवा मा इकीमा लागि सासेट्‌मिडी। इकीमा लागि उनीमा तारापाचो़ङा सासेट्‍पा माम्‍चु़नीका गुमीनुङ बाट्‍पा खोलेम थोक गुइलाई मेग्‍वाक्‍सामी मा?

याकूब 1:17

आच्‍छाङाकाम नुङ जो़पा खोत्‍ले राप्‍लावा पाह्रीलाममिम सो़। ओराम ओल प्रङ्‌पा माम्‍चु़नीलाम यो। ख्‍लोसिक्‍पाम बाट्‌पा रिम्‍जुङ होम्‍साका गुमी ने हेल्‍लो वो मेख्‍लोम्‍सिमी।

१ कोरिन्थी 15:57

लावो माम्‍चु़नीलाई आलासो़ ग्‍वाकी, गुमीका गुइलाई इकी ङाचो़ येशू ख्रीष्‍टलामका घ्‍ल्‍वासी ग्‍वाक्‍सामी।

रेम्‍बेट्‌मिडिम ल्‍वा 4:9

हाङकोलोका मे ब्‍लले सामनुङमामिमका हप गन्‍खोपडा गन्‍तासिट्‌पा मा हेल्‍लो लोवो बाट्‍पाम बाट्‍पाकाम नङ कोमी, डोक्‍पु बोमी मा आलासो़ ग्‍वामी,

रोमी 6:23

हेङालोने छु़लकु खारी बेपा मु़चु़का ने सिमुलाम रेडु़, लावो माम्‍चु़नीका मेडेङा ग्‍वाक्‍साड्‍डामिम राप्‍लावा ने इकीमा ङाचो़ येशू ख्रीष्‍टडाम हेल्‍लो मेसिपा त्‍वारो़म सो़।

२ कोरिन्‍थी 9:11

गानी छो़म ग्‍वा-ग्‍वा द्‌वाक्‍पा दु़म्‍मु लागि माम्‍चु़नीका गानीलाई खोत्‍लेडा लिट्‌पा-पेपा दु़म्‍बेनिमी। मेम्‍मा इनीमा ख्‍लो़पा नका ग्‍वानिमिम मेराम गुकु वाङमिम मण्डलीडा दो़कुलो मेर्मिमका माम्चु़नीलाई आलासो़ ग्‍वामी।

रोमी 5:15

लावो राप्‍लावा ने छु़ल होप्‍माम मेएँ। हेङालोने कोले आदमका बु़डु़म छु़लका हापा मु़चु़मिम सिम्‍डी लावो माम्‍चु़नीकु दिदामका मा कोले मु़चु़ येशू ख्रीष्‍टकु दिदामलामका हापा मु़चु़मिमलाई राप्‍लावा ग्‍वाम्‍डी।

यूहन्‍ना 1:16

छो़म उनी दिदामडला दिदाम गुइ ल्‍वास्‍तिम बु।

लूका 2:14

“खोत्‍लेडाम येप्‍पा पाह्रीला माम्‍चु़नीकु यु़म झ्‍वानु़, मा सुबुडा उहेम मु़चु़मिमनुङ गुमी गेर्सिक्‍पा बुमी मेर्मिमकु न-गो भ्रसिनु़।”

लूका 2:38

शिमियोनका मरियम, योसेफनुङ जेमु दु़म्‍स्‍तु़लो हन्‍ना मेसिन्‍डा रोक्‍तामा माम्‍चु़नीलाई आलासो़ ग्‍वाक्‍तु़, मा यरूशलेमडाम मु़चु़मिम सेल्‍सिमिमिम थारी लथाक्‍पामिम खोत्‍लेनुङ गुका मे चो़च्‍चो़ येशूकु दुथाम सो़यु़डु़।

२ कोरिन्‍थी 9:14

मेम्‍मा माम्‍चु़नीका गानीलाई आकोम डोक्‍पु दिदाम ग्‍वाक्‍निमिमका मेर्मिमका गानीलाई छो़म रिखाम बेसाका इनीमा लागि सो़म्‍दी बोमी।