२ कोरिन्‍थी 9:13 - थुलुङ राई

¹³ गानी बोनिमिम ओराम ग्‍वाक्‍पा खारीकु दुथाम मेर्मिमका माम्‍चु़नीकु नङ कोमी। हेङालोने मेर्मिमलाई नुङ वाङमिम थो़रलु़पामिमलाई इनीमा ग्‍वा-ग्‍वा द्‌वाक्‍पा नका ग्‍वाक्‍निम ल्‍वाका ख्रीष्‍टकु जो़पा-सेलाका र्‍वाक्‍ताम होङङा गानी बुनी-दोनिमिम रेम्‍बु़।

२ कोरिन्‍थी 9:13 Referans Kwoze

हिब्रू 13:16

वाङमिमलाई जो़होम बोमु नुङ इनी त्‍वाकु चाप्‍सी ख्‍लो़मु मेप्‍ल्‍वानी। हेङालोने आरेप्‍माम ग्‍वा-ग्‍वाका माम्‍चु़नी गेर्सी द्‌वामी।

मत्ती 5:16

मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

गलाती 1:24

आरेसाका माम्‍चु़नीका आमा न ख्‍लोङसाङ्‌डिमिमका मेर्मिमका माम्‍चु़नीकु नङ कोम्‍डी।

२ कोरिन्‍थी 2:12

ख्रीष्‍टकु दुथाम जो़पा-सेला थो़बेड्‌डा गो त्रोआस शहरडा रोङडोलो ङाचो़का आमा लागि लाम्‍चोको होल्‍साङ्‌डिमिम बाइडा।

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

हिब्रू 10:23

गुइ र्‍वाक्‍तिम हाम-हुम ल्‍वापा न रिकि-रिकि जेथाडी, हेङालोने याचे जेपा गुमी थो़रलु़इमिम बुमी।

हिब्रू 5:9

आरेसाका माम्‍चु़नीका र्‍वाम्‍डिम खोत्‍ले खारी बोमु दु़म्‍मिडिम चङडा येशूका थो़रलु़पामिमलाई हेल्‍लो वो मेसिपा त्‍वारो़म ग्‍वामु लागि सेल्‍मिडी।

हिब्रू 4:14

पाह्रीथो़ लम्‍डिम माम्‍चु़नीकु तारापाचो़ येशू इकीमा खोत्‍लेडाम डोक्‍पु ङाउ डु़म्‍लाचो़ बुमी। मेम्‍मिमका गुमी आच्‍छाङाकाम र्‍वाक्‍साका रङडिम ल्‍वाडा गुइ थो़र बिइहोम बुइ।

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

१ तिमोथी 6:12

त्‍वाकु थो़र बोमु-थार्मु र्‍वाक्‍मा ओन्‍सीडा ओन्‍मु होप्‍मामङा सो़। मेम बोमु गाना चाप्‍तो-मेचाप्‍तो ओन्‍डा। हेल्‍लो वो मेसिपा त्‍वारो़म झेथडा। मेराम त्‍वारो़म गाना हापा मु़चु़मिमकु ङादोडा थो़र लु़ङु र्‍वाक्‍नालो माम्‍चु़नीका ग्‍वाक्‍नामिम बाइडा।

२ कोरिन्‍थी 10:5

मु़चु़मिमका माम्‍चु़नीलाई छेमुडाम वाङ बेपा खोत्‍ले डोक्‍पु लिसिक्‍पा ल्‍वालाई गुकु ओराम गिजो-वाजोका पुयु़लुकु़। मेर्मिमकु नगोडा बाट्‍पा खोत्‍ले मेजो़पा ल्‍वामिम ओराम गिजो-वाजोलामका गुकु आकीमा साखामगोडा जु़ल्‍कु मा ख्रीष्‍टका र्‍वामिमिम होङङा मेर्मिमलाई बेबेन्‍कुमी।

२ कोरिन्‍थी 8:4

यहूदियाडा बाट्‌पा माम्‍चु़नीकु मु़चु़मिमलाई ख्‍लो़मु ल्‍वाकुनु़ र्‍वाक्‍साका गुकुनुङ मेर्मिमका छो़म र्‍वाम्‍डी।

रोमी 16:26

लावो ओम्‍लो माम्‍चु़नीलाम जेपामिमका र्‍याम्‍डिम खाजेमडा थेसीथेट्‍पा बेसाका र्‍याक्‍मा बु। हेल्‍लो लोवो दु़म्‍पाम बाट्‍पा माम्‍चु़नीका र्‍वाम्‍डिम होम्‍साका खोत्‍ले मु़चु़का ख्रीष्‍टडा थो़रलु़साका गुमीका र्‍वामिमिम थो़पा दु़म्‍मिनु़ र्‍वाक्‍साका ओराम थक्‍मा जो़पा-सेला खोत्‍ले सामाकाम मु़चु़मिमगोडा थो़बेट्‍मा बु।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

थु़र्मा 4:21

मेर्मिमका मेर्चिपलाई देन्‍दे ग्‍वामु मेजो़पा ल्‍वा हाम वो मेल्‍वामिवामका ङिम साट्‌मिडिचिमा थु़र्सोम्‍डिची। हेङालोने हाम खारी दु़स्‍ताम बाइडा मेरामकु दुथाम खोत्‍ले मु़चु़मिमका माम्‍चु़नीकु नङ कोम्‍डिम बाम्‍डी।

यूहन्‍ना 15:8

गानी हापा मा सिन्‍बेसाका गानी आमा सीसिपा र्‍वाक्‍पा रेम्‍बेनी, मा मेरामका आमा पापकु यु़म झ्‍वा।

लूका 6:46

“गो र्‍वाङुमिम होम्‍साका मेबोनी माला, गानी हेङा गोलाई ङाचो़, ङाचो़, र्‍वानी?

मत्ती 9:8

सेर्पा मु़चु़का ओराम ल्‍वाम्‍डिमा छो़म ङिम्‍डी। मु़चु़मिमलाई आरेप्‍माम यु़म माम्‍चु़नीका ग्‍वाम्‍डिमका मेर्मिमका माम्‍चु़नीकु नङ कोम्‍डी।

रोमी 10:16

लावो जो़पा-सेला थो़पामिम खोत्‍लेका ने थो़रमेलु़मिवा, हेङालोने माम्‍चु़नीलाम जेपा यशैयाका आरे र्‍वाक्‍ताम बु, “ए ङाचो़, गुकु थो़बेत्तोकोम जो़पा-सेला डा सु़का थो़र बु़डु़म बु मा?”

रोमी 12:8

मु़चु़मिमकु सो हन्‍बेट्‍पा राप्‍लावा ल्‍वापाका सो हन्‍बेट्‍नु़, खेरेला दु़म्‍पा मु़चु़मिमलाई ख्‍लो़मु राप्‍लावा ल्‍वापाका न-गोलामका ख्‍लो़यु़नु़, मण्‍डलीडाम ङाचो़ दु़म्‍मु राप्‍लावा ल्‍वापामिमका न-गोलामका ङाचो़कु खारी बु़नु़, न-थो़म रेम्‍बोमु राप्‍लावा ल्‍वापाका गेर्सी द्‍वाक्‍साका न-थो़म रेम्‍बु़नु़।

रोमी 15:31

यहूदियाडा बाट्‍पा थो़रमेलु़पा मु़चु़मिमडाम माम्‍चु़नीका गोलाई गेङिमिनु़ मा यरूशलेमडाम थो़रलु़पामिम लागि फक्‍मा खउलुङ मेर्मिमका रमिनु़ र्‍वाक्‍साका सो़म्‍दी बेङ्‍साङनी।

२ कोरिन्‍थी 9:14

मेम्‍मा माम्‍चु़नीका गानीलाई आकोम डोक्‍पु दिदाम ग्‍वाक्‍निमिमका मेर्मिमका गानीलाई छो़म रिखाम बेसाका इनीमा लागि सो़म्‍दी बोमी।

१ तिमोथी 6:13

खोत्‍लेलाई साम ग्‍वाक्‍पा माम्‍चु़नी, नुङ पन्‍तियस पिलातसका हिलाबु़डु़लो लिमा मेथेसाका सो़पा मेराम ख्रीष्‍ट येशूकु ङादोडा गो गानालाई छो़म र्‍वाङु,