२ कोरिन्‍थी 9:11 - थुलुङ राई

¹¹ गानी छो़म ग्‍वा-ग्‍वा द्‌वाक्‍पा दु़म्‍मु लागि माम्‍चु़नीका गानीलाई खोत्‍लेडा लिट्‌पा-पेपा दु़म्‍बेनिमी। मेम्‍मा इनीमा ख्‍लो़पा नका ग्‍वानिमिम मेराम गुकु वाङमिम मण्डलीडा दो़कुलो मेर्मिमका माम्चु़नीलाई आलासो़ ग्‍वामी।

२ कोरिन्‍थी 9:11 Referans Kwoze

२ कोरिन्‍थी 4:15

गुकु दु़खा ल्‍वात्तोकोम ओर्मिम खोत्‍ले ल्‍वाका ने गानीलाई जो़पा दु़म्‍नु़ र्‍वाक्‍साका दु़स्‍ताम सो़। मेम दु़स्‍तामका हापा मु़चु़मिमका माम्‍चु़नीकु दिदाम ल्‍वामी मा मेर्मिम खोत्‍लेका माम्‍चु़नीकु नङ डोक्‍पु बोमु लागि गुमीलाई आलासो़ ग्‍वामी।

२ कोरिन्‍थी 9:12

ओराम इनीमा ख्‍लो़पा खारीका माम्‍चु़नीकु मु़चु़मिमकाम खेरेलाडा ख्‍लो़यु़मिम कोङङा मेएँ लावो माम्‍चु़नीलाई आलासो़ ग्‍वाक्‍पा न ओरामका हापा रेडु़।

२ कोरिन्‍थी 1:11

गानी वो आकीमा लागि सो़म्‍दी बेसाका ख्‍लो़किनिम बुकिनी। मेम्‍मा हापा मु़चु़मिमका इकीमा लागि आलासो़ र्‍वामी, हेङालोने मेर्मिम हापाकाम सो़म्‍दी थो़मिमा माम्‍चु़नीका गुकुलाई जि-वा ग्‍वाकिमी।

२ कोरिन्‍थी 8:19

मेकोति कोङङा मेएँ, लावो मेराम ल्‍वाक ने ग्‍वा-ग्‍वा सोक्‍थिट्‍पा खारी बोमुडा ख्‍लो़किनु़ मा गुकुनुङङा यरूशलेम लनु़ र्‍वाक्‍साका मण्‍डलीमिमका थुट्‌मिडिम सो़। गुकु ङाचो़कु नङ कोमु लागि मा वाङमिमलाई ख्‍लो़पा जो़पा खारी बोम्‍सोमु लागि ओराम खारी बोकु।

२ कोरिन्‍थी 8:16

गो इनीमा दुथाम बेउमिम मिम्‍ताम-सो़र्तामङा माम्‍चु़नीका तीतसकु न-गोनो जु़ल्‍साम्‍डी। मेम्‍मिमका गुमीलाई आलासो़ र्‍वाङु।

१ कोरिन्थी 1:5

हेङालोने ख्रीष्‍टडा गानी खोत्ले ल्वाडा जेमु मा खोत्ले ल्वा सो़मु चापा नेप्‍चीकु जि-वा ल्वान्‍निम बु।

रोमी 12:8

मु़चु़मिमकु सो हन्‍बेट्‍पा राप्‍लावा ल्‍वापाका सो हन्‍बेट्‍नु़, खेरेला दु़म्‍पा मु़चु़मिमलाई ख्‍लो़मु राप्‍लावा ल्‍वापाका न-गोलामका ख्‍लो़यु़नु़, मण्‍डलीडाम ङाचो़ दु़म्‍मु राप्‍लावा ल्‍वापामिमका न-गोलामका ङाचो़कु खारी बु़नु़, न-थो़म रेम्‍बोमु राप्‍लावा ल्‍वापाका गेर्सी द्‍वाक्‍साका न-थो़म रेम्‍बु़नु़।

मत्ती 20:15

आमा त्‍वाकु खउलुङलाई हे बेबेद्‌वा मेमङा बोमु आमा मुलु़गोडा मिबु मा? गो वाङमिमडला न-थो़म रेम्‍बेउलो इमा नो़ मेनु़मिम?’

मत्ती 25:17

मेम्‍साकाङा नले सो़नाकु खउलुङ ल्‍वापाका वो आथावो नले खउलुङ डु़प्‍डु़।