२ कोरिन्‍थी 9:10 - थुलुङ राई

¹⁰ फोन्‍मु लागि भ्रल नुङ पोमुथोक माम्‍चु़नीका ग्‍वाक्‍सामी। मेम्‍मा गानी चाहेबोनिमिम खोत्‍ले भ्रल गुमीका ग्‍वानिमी मा ल्याबेन्मी, मा ग्‍वा-ग्‍वा द्‌वाक्‍पा इनीमा न-गोका ग्‍वानिमका इनीमा जो़पा खारी बेसीडा गुमीका बर्बेत्तो लनिमी।

२ कोरिन्‍थी 9:10 Referans Kwoze

२ कोरिन्‍थी 9:6

ओराम ल्‍वा मिम्‍नी वो: कि-कि भ्रल फोट्‌पाका कि-कि फकु़, मा हापा भ्रल फोट्‍पाका हापाङा फकु़।

फिलिप्‍पी 4:17

गो ख्‍लो़ला सो़सिमु मालुमिम मेएँ, लावो गानी ग्‍वानिमका माम्‍चु़नीलाम ल्‍वानिमिम इनीमा पुरस्‍कार काम्‍सिक्‍तो लनु़ र्‍वाक्‍पा आमा न बु।

१ थेसलोनिकी 3:12

गानीलाई गुकु रिखाम बोकुमिम होङङा इनी त्‍वाप-त्‍वापडा बेबोनिमिम रिखाम ङाचो़ येशूका बर्बेन्‍सानिमिनु़ मा वाङमिम मु़चु़मिमलाई छो़म रिखाम बेपा दु़म्‍बेनिमिनु़।

मत्ती 6:1

“चङचङया बानी वो! मु़चु़मिमलाम इनीमा नङ कोला सो़म्‍सिमु लागि मु़चु़मिमकु ङादोडा जो़पा खारीमिम मेबेनी। मेम बेन्‍नी माला ने पाह्रीलाम माम्‍चु़नी इनी पापका गानीलाई पुरस्‍कार मेग्‍वानी।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

एफिसी 5:9

हेङालोने ख्रीष्‍टकु ओलडा दु़म्‍पा मु़चु़ ने जो़पा बेपा, माम्‍चु़नीकु मिक्‍सीलामडा घ्रेट्‍पा मा थो़र लु़इमिम दु़म।

१ थेसलोनिकी 4:10

खोत्‍ले माकेडोनियाडाम थो़रलु़पामिम खोत्‍लेलाई गानी आच्‍छाङा रिखाम बोनी। वा-ल्‍वाकनी, मेमकाङा आथावो हापा रिखाम बेत्तो लनी र्‍वाकु।

२ कोरिन्‍थी 9:12

ओराम इनीमा ख्‍लो़पा खारीका माम्‍चु़नीकु मु़चु़मिमकाम खेरेलाडा ख्‍लो़यु़मिम कोङङा मेएँ लावो माम्‍चु़नीलाई आलासो़ ग्‍वाक्‍पा न ओरामका हापा रेडु़।

गलाती 3:5

माम्‍चु़नीका गानीलाई माम्‍चु़नी-पेल ग्‍वानिमी मा गानीगोडा हेल्‍लो वो मेल्‍वाम्‍मा यु़मखारीमिम बोमी, हाम ओर्मिम खोत्‍ले गानी डु़म्‍ला होम्‍साका खारी बेन्‍निमका आरे बेम्‍डिम डे, गानी थो़न्‍निम जो़पा-सेलाडा थो़र लु़न्‍निमका डे?