२ कोरिन्‍थी 8:9 - थुलुङ राई

⁹ इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

२ कोरिन्‍थी 8:9 Referans Kwoze

रोमी 8:32

माम्‍चु़नीका उनीमा तारापाचो़लाई वो मेडिट्‌मिवा मा इकीमा लागि सासेट्‌मिडी। इकीमा लागि उनीमा तारापाचो़ङा सासेट्‍पा माम्‍चु़नीका गुमीनुङ बाट्‍पा खोलेम थोक गुइलाई मेग्‍वाक्‍सामी मा?

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

रोमी 5:8

लावो माम्‍चु़नीका उनीमा रिखाम गुइडला आरेसाका रेम्‍बेम्‍डी, गुइ छु़लचो़ बाइडिलोङा येशू ख्रीष्‍ट इकीमा लागि सिम्‍डी।

२ कोरिन्‍थी 6:10

न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।

एफिसी 2:7

रोक्‍पा थारीमिमडा हेल्‍लो लोवो गुइलाई बेसाड्‌डामिम डोक्‍पु रिखाम रेम्‍बोमुलाई ओर्मिम खोत्‍ले बेम्‍डी। ओराम रिखाम गुमीका गुइलाई ङाचो़ येशू ख्रीष्‍टलामका रेम्‍बेम्‍डिम बु।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

१ तिमोथी 6:18

मेर्मिमका जो़पा खारी बोमिनु़, मा जो़पा खारीलाम खाप्‍चीचो़, खेरेला दु़म्‍पामिमडला न-थो़मनुङमा दु़म्‍साका छो़म ग्‍वा-ग्‍वा द्‌वाक्‍पा दु़म्‍मिनु़।

२ कोरिन्‍थी 13:14

ङाचो़ येशू ख्रीष्‍टकु दिदाम, माम्‍चु़नीकु रिखाम नुङ माम्‍चु़नी-पेलकु सामा घ्रो़म्‍सी गानी खोत्‍लेनुङ दु़म्‍नु़।

लूका 16:11

मेम्‍मिमका गानी सु़म्‍दिसेरडाम खाप्‍ची रेम्‍मु थो़रलु़पा मेदु़म्‍निवा माला ने माम्‍चु़नीका गानीलाई हेसाका पाह्रीलाम आच्‍छाङाकाम खाप्‍ची रेपा दु़म्‍बेनी मा?

हिब्रू 1:2

लावो ओराम हुक्‍पा थारीका माम्‍चु़नी गुइनुङ उनीमा तारापाचो़लामका जेम्‍डिम बु। माम्‍चु़नीका उनीमा तारापाचो़लाई ओराम सु़म्‍दिसेरडा बाट्‌पा खोत्‍ले रपा दु़म्‍बेट्‌मिडी बु, मा उनीमा तारापाचो़लामकाङा ओराम सु़म्‍दिसेर वो प्रङमिडी।

लूका 9:58

लावो येशूका मेरामलाई र्‍वाम्‍डी, “सेरुलीमिमकाम वो उनी बाखोप रोङगा बु, मा चक्‍पुमिमकाम वो उनी पान्‍जी बु। लावो मिनीचो़काम ने ङेसिखोप वो मिबु।”

रेम्‍बेट्‌मिडिम ल्‍वा 3:18

मुड्‌डा चासाका जो़पा बेम्‍मा सो़ना आमालामका भ्रेया मा गाना खाप्‍चीचो़ दु़म्‍ना, फम्‍सिमु लागि बुबुयाम ये-सेम आमालामका भ्रेया मा इमा क्रो़मलु़पा खालिन्‍ते ख्रेमु चाम्‍ना, मा इमा मिक्‍सीडा फिमु दबाई आमालाम भ्रेया मा इमा मिक्‍सीका ल्‍वामु चाम्‍ना र्‍वाक्‍साका गो गानालाई मुलु़ ग्‍वानी।

एफिसी 3:19

खोत्‍ले थेसी-चक्‍सी नुङ नेप्‍चीका मिम्‍मु मेचापा ख्रीष्‍टकु रिखाम गानी थेसिथेट्‍नी, मा इनीमा खोत्‍ले बासी-दोसीडा माम्‍चु़नीका द्‍वाक्‍पा मु़चु़ दु़म्‍निनु़ र्‍वाक्‍साका सो़म्‍दी बेउ।

१ कोरिन्थी 1:4

गानीलाई माम्‍चु़नीका ख्रीष्‍ट येशूडा उनी दिदाम ग्‍वाक्‍निमका गो हेल्‍लो लोवो गुमीलाई इनीमा लागि आलासो़ ग्‍वाक्‍पुमी।

लूका 2:7

मा गुका उ तोङदी वोस्‍चो़ कस्‍तु़, मा गुमीलाई येका दिल्‍लु़मा बोक्‍सागोयु़ आम्‍डु़, हेङालोने मेर्चिपका पाटीबाडे बान्‍ते वो बुमु मेल्‍वाचिवा।

यूहन्‍ना 16:15

पापनुङ बाट्‌पा खोत्‍ले आमाङा। मेम्‍मिमका गो ग्‍वाक्‍पु, मेराम पेलका रमिमा गानीनुङ सो़मी र्‍वाङ्‌डोम।

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

यूहन्‍ना 1:10

गुमी सु़म्‍दिसेरडा बाम्‍डी, मा माम्‍चु़नीका गुमीलामकाङा सु़म्‍दिसेर प्रङ्‌मिडी, लावो सु़म्‍दिसेरका गुमीलाई मेछेडु़वा।

मत्ती 8:20

येशूका मेरामलाई र्‍वाम्‍डी, “सेरुलीमिमकाम उनी बाखोप रोङगा बु। चक्‍पुमिमकाम वो उनी बाखोप पान्‍जी बु, लावो मिनीचो़काम ने ङेसिखोप वो मिबु।”

रेम्‍बेट्‌मिडिम ल्‍वा 21:7

उहेम घ्‍ल्‍वा, ओर्मिम खोत्‍ले मेरामकाम दु़म मा गो मेरामकु माम्‍चु़नी दु़म्‍ङु मा मेराम आमा चो़ दु़म।

१ कोरिन्थी 15:47

ङादोम मु़चु़ आदम सुबुडाम क्‍वाकाम बाइडा, चङडाम मु़चु़ ख्रीष्‍ट, पाह्रीलामका योम्‍डी।

रोमी 11:12

इस्राएलीमिमका थो़रमेलु़मिवालो वाङसामा नुङ सु़म्‍दिसेरडाम खोत्‍ले मु़चु़मिम सेल्‍सिम्‍डी यहूदीमिम खोत्‍लेका थो़रलु़मिवाम माला ने ओरामडाम वो हापा जि मेल्‍वामिवा मा?

यूहन्‍ना 17:19

“इनीमा आच्‍छाङाकाम ल्वाका मेर्मिम सेपा दु़म्‍मीनु़ र्‍वाक्‍साका गो आ त्‍वापलाई वो सेपा सासेसी दु़म्‍बेट्‍पु।

यूहन्‍ना 12:30

येशूका मेर्मिमलाई र्‍वाम्‍डी, “ओराम लो़लाम आमा लागि मेएँ, इनीमा लागिङा जेस्‍ताम सो़।

मर्कूस 6:3

ओराम ने मे मरियमकु चो़ याकूब, योसेफ, यहूदा, नुङ सिमोनमिमकु वा, मे सङ बनेबेपाङा मेएँ मा? ओरामकु रिचो़मिम गुइनुङ ङा बुमिम मेएँ?” र्‍वाम्‍डिमा गुमीलाई नाप्‍छु़ट्‌मिडी।

मत्ती 17:27

लावो मेर्मिमकु छोक्‍चो फम्‍सामु इकी न मिबु, मेम्‍मिमका गाना दिरिदिनयु़ लक्‍सामा कार्चा ओप्‍डा। मे इमा कार्चाडा ख्‍यासिक्‍पा ङादोम ङोकु सि ह्‌वाका, मा इमा नुङ आमा लागि कर सोमु लिट्‍पा मतोकु कोले सिक्‍का डार्ना। मेराम लडामा इमा नुङ आमा कर सोका।”

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

लूका 8:3

हेरोद हपकु खउलुङ रेप्‍साक्‍पा खुजासकु नाइमे योअन्‍ना मा सुसन्‍ना नुङ वाङमी हापा मेसेममिम वो बाम्‍डी। मेर्मिमका उनी खाप्‍ची ग्‍वाक्‍साका येशूनुङ उनी सीसिपामिमलाई ख्‍लो़म्‍थाल्‍मिडी।

रोमी 15:3

हेङालोने ख्रीष्‍ट उनी त्‍वाका वो त्‍वापलाई गेर्सिट्‍पा खारी मेबेमिवा। माम्‍चु़नीकु सिजेमडा र्‍याक्‍मा बु, “गानीलाई डक्‍साका जेपामिमका गोलाई डक्‍साका जेम्‍डिम बु।”

रेम्‍बेट्‌मिडिम ल्‍वा 2:9

गो इमा थो़मतेर्सिड्‍डाम चक्‍पु, गानानुङ हाम वो मिबुमिम वो चक्‍पु, लावो पाह्रीला ने गाना खोत्‍लेका लिट्‌पा बुना। इमा दुथाम मेजो़पा जेपा मेर्मिम मु़चु़लाई गो छेपुमी। मेर्मिमका उनी त्‍वाप ने माम्‍चु़नीकु मु़चु़ यहूदी र्‍वामी, मेर्मिम यहूदी मेएँ लावो मेर्मिम ने शैतानकु घ्रो़म्‍दीनेम सो़।