२ कोरिन्‍थी 8:8 - थुलुङ राई

⁸ गानी बोमुङा बासी र्‍वाक्‍साका गो र्‍वाङडोम मेएँ, लावो वाङमिमकाम ख्‍लो़पा सो-हन्‍सीनुङ थो़प्‍साका इनीमा रिखाम वो आच्‍छाङा डे मेएँ र्‍वाक्‍साका रेम्‍मु लागि गो आरे र्‍वाङडोम सो़।

२ कोरिन्‍थी 8:8 Referans Kwoze

१ कोरिन्थी 7:6

ओराम ल्‍वा गानी बोमुङा बासी र्‍वाङडोम मेएँ, लावो बोमु चाम्‍नी र्‍वाक्‍साका लु़म्‍ला बेट्‌निनिम कोङङा र्‍वाङु।

हिब्रू 10:24

मेम्‍मा रिखाम नुङ जो़पा खारी बोमुथो़ गुइ हेसाका सो हन्‍बेबेपा मिम्‍डी।

२ कोरिन्‍थी 9:7

खोत्‍ले मु़चु़का उ नडा हाङको ग्‍वाक्‍पु र्‍वाक्‍ताम बु मेकोतिङा ग्‍वाक्‍नु़। ग्‍वा-ग्‍वा मेद्‌वाक्‍साका मेएँ मा ग्‍वामुङा बासी र्‍वाक्‍साका वो मेएँ। हेङालोने गेर्सिक्‍तो ग्‍वाक्‍पा मु़चु़लाई माम्‍चु़नीका रिखाम बोमी।

२ कोरिन्‍थी 6:6

गुकु मेख्‍लो़ट्‌पा दु़म्‍साका, थेसीथेट्‍पा नेप्‍चीका, इम्‍सी नुङ न-थो़म रेम्‍बेसीडा, माम्‍चु़नी-पेलडा, आच्‍छाङाकाम रिखामका,

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

एफिसी 6:24

इकीमा ङाचो़ येशू ख्रीष्‍टलाई रिखाम बेपाम बाट्‍पा खोत्‍लेडला हेल्‍लो लोवो माम्‍चु़नीकु दिदाम दु़म्‍नु़म बुनु़।

एफिसी 4:15

लावो रिखामनुङ आच्‍छाङा ल्‍वा जेसाका खोत्‍ले ल्‍वाडा गुइ ख्रीष्‍टसम्‍म बर्तो लक्‍सी। गुइ मण्‍डली उनीमा मिरो़म सो़ मा गुमी इकीमा बुइ सो़।

२ कोरिन्‍थी 9:2

हेङालोने ख्‍लो़-ख्‍लो़ द्‌वाक्‍पा इनीमा न गो चक्‍पु। माम्‍था आथामङा अखैयाडाम गानी थो़र लु़पामिमका ग्‍वा-ग्‍वा थु़र्मु खाम्‍निमिम बु र्‍वाक्‍साका माकेडोनियाडाम मण्‍डलीमिमनुङ इनीमा दुथाम डोक्‍पु ल्‍वा बेउतोम बु। मेप्‍माम इनीमा नका मेर्मिमगोडाम हापाकाम सो हन्‍डाम बु।

२ कोरिन्‍थी 8:24

गानी मेर्मिमलाई त्वाकु रिखाम रेम्‍बेनी, मा गुकु हेङा इनीमा दुथाम नो़ डोक्‍पु बोनिमिम रेछा र्‍वाक्‍साका मण्डलीमिमका ल्वामु चाम्मिनु़।

२ कोरिन्‍थी 8:10

ओराम ल्‍वाकु दुथाम आमा न आरेप्‍माम बु: माम्‍था आथाम गानी ग्‍वामु चो़म्‍निम ग्‍वा-ग्‍वा ग्‍वामु चो़म्‍निम खारी ओम्‍लो बोम्सोमु जो़पा दु़म। गानी मेराम खारी बेपा न बेन्‍निम कोङङा मेएँ, लावो खारी बोमुडा वो खोत्‍लेडाम ङादो बान्‍नी।

१ कोरिन्थी 7:25

लालीकुन्‍दा मेबेथेङा बाट्‌पामिमकु दुथाम गानीलाई बेबेन्‍मु बासिक्‍पा ङाचो़ येशूका गोलाई र्‍वाम्‍डिम ल्‍वा हाम वो मिबु। ङाचो़कु न-थो़मका माम्‍चु़नीकु थो़रलु़इमिम मु़चु़ दु़म्‍ङोडोमका आमा नडाम ल्‍वा गो गानीलाई र्‍वाङु।

१ कोरिन्थी 7:12

वाङमिमलाई गो र्‍वाङु, ओराम ङाचो़का र्‍वाम्‍डिम मेएँ, लावो गो र्‍वाङडोम सो़, कोङनिम वा-ल्‍वाककाम नाइमे येशूडा थो़रमेलु़पा बु, मा गुका उ वोचु़नुङ बुमु न बु़ माला गुका उ नाइमे मेङेट्‌नु़।

रोमी 12:9

मु़चु़कु मिक्‍सीलामडा रेम्‍बेपा रिखाम मेएँ लावो आच्‍छाङाकाम बेपा दु़म्‍नी। मेजो़पा ल्‍वा ङेट्‌निमा जो़पा ल्‍वा बेनिम बानी।