Biblia Todo Logo
Bib sou entènèt

- Piblisite -




२ कोरिन्‍थी 8:7 - थुलुङ राई

7 गानी थो़रडा, सीसिडा, नेप्‍चीडा, वाङमिमलाई ख्‍लो़मु सो-हन्‍पा नुङ गुकुडलाम इनीमा रिखाम बेसीडा खोत्‍लेडाम जो़पा दु़म्‍तो लक्‍निम बु। आरेसाकाङा वाङमिमलाई बोमु बासिक्‍पा न-थो़मनुङमा खारीडा वो खोत्‍लेडाम जो़पा दु़म्‍नी र्‍वाक्‍पा न बेउ।

Gade chapit la Kopi




२ कोरिन्‍थी 8:7
25 Referans Kwoze  

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।


माम्‍चु़नीका गानी चाहेबोनिमिमडाम वो हापा जि-वा ग्‍वामु चाम्‍निमी। मेम्‍मा गानीलाई हामकाम वो खेरेला मेदु़म, मेम्‍मिमका गानी जो़पा खारी खोत्‍ले बोम्‍सोमु चाम्‍नी।


गो इनीमा लागि ओराम सो़म्‍दी बेउ: इनीमा रिखाम, नेप्‍ची, नुङ थेसिथेसी छो़म बर्तो-बर्तो लनु़,


मेम्मिमका तीतसका ङादो आथामङा गानीगोडा इनीमा रिखामकु ग्‍वा-ग्‍वा फक्‍पा ओराम खारी बोमु चो़म्‍डु़मका, इनीमा ग्‍वा-ग्‍वा फक्‍पा खारी गानी बेन्‍सोट्‌नी र्‍वाक्‍साका सो-हन्‍बेसामु लागि गुकु गुलाई छो़म र्‍वाक्‍तोको।


गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।


सु़का गानीलाई वाङमिम मु़चु़डाम डोक्‍पु दु़म्‍बेट्‍नी? गानीनुङ हाम बु मेराम गानीलाई माम्‍चु़नीका ग्‍वाक्‍निमिम मेएँ मा? माम्‍चु़नीका ग्‍वाक्‍निम माला हेङा गानी डोक्‍पु लिन्‍सिनी?


हेङालोने ख्रीष्‍टडा गानी खोत्ले ल्वाडा जेमु मा खोत्ले ल्वा सो़मु चापा नेप्‍चीकु जि-वा ल्वान्‍निम बु।


रिखाम हेल्‍लो वो मेदाम, लावो माम्‍चु़नीलाम जेसीमिम दाम, ल्‍वामिम दाम, नेप्‍ची दाम।


गुइ यहूदी लोवो ग्रीक लोवो, डु़ल्‍चो़ लोवो त्‍वाकु साखाम गोडा बाट्‍पा लोवो गुइ कोलेङा माम्‍चु़नी पेललामका कोले मिरो़मडा कु-रु़दु़म रङ्‌डिम बु। मेम्‍मा गुइ खोत्‍लेका कोलेङा माम्‍चु़नी-पेल ल्‍वास्‍तिम बु।


लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।


आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।


आमा तारापाचो़ होप्‍माम तिमोथी, ख्रीष्‍ट येशूका ग्‍वाक्‍साड्‌डामिम दिदामका गाना यु़मनुङमा दु़प्‍सा।


वाङमिमलाई मेजो़पा दु़म्‍पा ल्‍वा मेजेनी, लावो थारी घ्रेट्‍पा नुङ नडा लक्‍पा ल्‍वा जेनी। मेराम ल्‍वाका मेर्मिमलाई जो़होमका ख्‍लो़पा दु़म्‍नु़।


मेम्‍मा माम्‍चु़नीका गानीलाई आकोम डोक्‍पु दिदाम ग्‍वाक्‍निमिमका मेर्मिमका गानीलाई छो़म रिखाम बेसाका इनीमा लागि सो़म्‍दी बोमी।


गु रोक्‍तामका कोङङा मेएँ, लावो गानी उमा सो हन्‍बेसाट्‌निमका वो आमा सो हन्‍डाम बाइडा। गोनुङ आथावो घ्रो़म्‍मु इनीमा न बु ए र्‍वाक्‍साका गुका गुकुनुङ सो़यु़डु़। ङादो गानी ख्‍लो़ट्‌निम ल्‍वाकु दुथाम खोर्सो़ट्‍नी मा गोलाम बासिट्‍नीमा जेन्‍निम ल्‍वाकु दुथाम वो सो़यु़डु़। गो ओर्मिम खोत्‍ले ल्‍वा थो़उतोमा छो़म भ्रङ्‌सिङ्‌डो।


मेप्‍मामङा गानी वो माम्‍चु़नी-पेलकु राप्‍लावामिम ल्‍वामु छो़म न बेन्‍निमका मण्‍डली यु़मनुङमा दु़म्‍तो लक्‍पा राप्‍लावामिम माल्‍नी।


आमा द्‍वादीबुङ वा-ल्‍वाकनी, गानी जो़पा न-गोकाम बुनी र्‍वाक्‍साका गो चक्‍पु। थेसीथेट्‍पा दु़म्‍निम बु मा त्‍वाप-त्‍वापगोडा सीमु चापा दु़म्‍निम बु।


‘गो खाप्‍चीचो़ बुङु, गोनुङ हापा खाप्‍ची बु मा गोलाई हाम वो मेबासी’ र्‍वाक्‍साका गाना र्‍वाना। लावो गाना इमा न-गो नो़पा, नाम्नाम्चो़ लु़इमिम, हाम वो मेबाट्‌पा, मिक्‍सीका मेल्‍वापा मा खालिन्‍ते बुनामिम मेचना।


मेम्‍मिमका मेरुसिक्‍पा किब्‍दी गुइ डार्स्‍तिमका आला-तोमानुङमा दु़प्‍सी मा माम्‍चु़नीकु ङिम जु़ल्‍तो नुङ गुमीलाई डोक्‍पु मिम्‍तो गुमीलाई गेर्सिबेट्‌पा सो़रलोले बिइ,


माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।


कोङनिमलाई माम्‍चु़नी-पेललाम नेप्‍चीकु ल्‍वा जेपा, कोङनिमलाई मेरामङा पेललामका नकु ल्‍वा जेपा,


“नले सो़नाकु खउलुङ ल्‍वापा डु़ल्‍चो़ वो रोक्‍तामा र्‍वाक्‍ता, ‘ङाचो़, गानी गोलाई नले सो़नाकु खउलुङ ग्‍वाङ्‌डिनिम बाइडा। रेप्‍नी, गो नलेङा हापा खउलुङ डु़प्‍तोम बु।’


Swiv nou:

Piblisite


Piblisite