२ कोरिन्‍थी 8:6 - थुलुङ राई

⁶ मेम्मिमका तीतसका ङादो आथामङा गानीगोडा इनीमा रिखामकु ग्‍वा-ग्‍वा फक्‍पा ओराम खारी बोमु चो़म्‍डु़मका, इनीमा ग्‍वा-ग्‍वा फक्‍पा खारी गानी बेन्‍सोट्‌नी र्‍वाक्‍साका सो-हन्‍बेसामु लागि गुकु गुलाई छो़म र्‍वाक्‍तोको।

२ कोरिन्‍थी 8:6 Referans Kwoze

२ कोरिन्‍थी 12:18

गो तीतसलाई इनीमाडा लमु र्‍वाक्‍साका छो़म र्‍वाङडो मा कोले ल्‍वाकलाई वो गुनुङ थु़र्तो। तीतसका लिमा थेसाका गानीलाम हाम-हुम रङडु़ मा? गुचुकु कोलेङा न नुङ कोलेङा बेसी-दोसीका मेबेचुकुवा मा?

२ कोरिन्‍थी 8:19

मेकोति कोङङा मेएँ, लावो मेराम ल्‍वाक ने ग्‍वा-ग्‍वा सोक्‍थिट्‍पा खारी बोमुडा ख्‍लो़किनु़ मा गुकुनुङङा यरूशलेम लनु़ र्‍वाक्‍साका मण्‍डलीमिमका थुट्‌मिडिम सो़। गुकु ङाचो़कु नङ कोमु लागि मा वाङमिमलाई ख्‍लो़पा जो़पा खारी बोम्‍सोमु लागि ओराम खारी बोकु।

२ कोरिन्‍थी 8:4

यहूदियाडा बाट्‌पा माम्‍चु़नीकु मु़चु़मिमलाई ख्‍लो़मु ल्‍वाकुनु़ र्‍वाक्‍साका गुकुनुङ मेर्मिमका छो़म र्‍वाम्‍डी।

१ पत्रुस 4:10

गानी खोत्‍लेका वाङमिमकु चापे-डुपे बोमु लागि राप्‍लावा ल्‍वान्‍निम बु। दिदामकु खाल-खालकाम राप्‍लावामिमडा माम्‍चु़नीकु जो़पा डु़ल्‍चो़मिम दु़म्‍नी।

फिलिप्‍पी 4:18

गोलाई चाइदु़म्‍पाडाम वो हापा ल्‍वाउतोम बु, गो लिट्‌पा बुङु। गानी इपाफ्रोडिटसकाडा थु़र्निम ख्‍लो़सीमिम डार्तो। मेर्मिम ने माम्‍चु़नीका रमिमिम मा मेराम ने गुमीलाई गेर्सिबेट्‌पा भ्रपा नेम्‍पा ग्‍वा-ग्‍वा होप्‍माम बु।

२ कोरिन्‍थी 9:5

मेम्‍मिमका गानी ग्‍वाकु र्‍वाक्‍निम ग्‍वा-ग्‍वा ग्‍वामु लागि झो़म्‍जो़ल्‍सिट्‍नी र्‍वाक्‍साका ङादोङा मे ल्‍वाकमिमलाई इनीमाडा थु़र्मु जो़पा लु़ङडो। आरेसाका मेराम ग्‍वा-ग्‍वा द्‍वाक्‍साका ग्‍वाक्‍मा दु़म्‍नु़, ग्‍वा-ग्‍वा मेद्‍वाक्‍तो मेएँ।

थु़र्मा 24:17

“गो हापा थ चङडा आमा मु़चु़मिमलाई ख्‍लो़मु खउलुङ नुङ सासेन्‍मु ग्‍वा-ग्‍वा रेत्तोमा यरूशलेमडा रोङडोम बाइडा।

रोमी 15:25

लावो ओम्‍लो यरूशलेमडाम उनी हाम वो मेबाट्‍पा थो़रलु़पामिमकाम लागि अखैया नुङ मेसोदोनियाडा बाट्‍पा थो़रलु़पामिमका फक्‍मिडिम खउलुङ सोक्‍थिप्‍डा गो यरूशलेम लक्‍तोङा बेउ।

२ कोरिन्‍थी 2:13

लावो आमा ल्‍वाक तीतस मेसिन्‍डा मेडारुवामका गो मिम्‍ताम-सो़र्ताम बेउतो। मेम्‍मा त्रोआसडाम वा-ल्‍वाकमिमनुङ ब्र्‍वासिङ्‍डोमा गो माकेडोनियाथो़ लङडो।

२ कोरिन्‍थी 8:10

ओराम ल्‍वाकु दुथाम आमा न आरेप्‍माम बु: माम्‍था आथाम गानी ग्‍वामु चो़म्‍निम ग्‍वा-ग्‍वा ग्‍वामु चो़म्‍निम खारी ओम्‍लो बोम्सोमु जो़पा दु़म। गानी मेराम खारी बेपा न बेन्‍निम कोङङा मेएँ, लावो खारी बोमुडा वो खोत्‍लेडाम ङादो बान्‍नी।

२ कोरिन्‍थी 8:23

तीतस ने आमा ङोप्‍सो़ मा गोनुङ कोयोङा गानीलाई ख्‍लो़पा मु़चु़ सो़। मेम्‍मा कोङमी नले ल्‍वाक ने मण्‍डलीका थु़र्मिडिचिम मा ख्रीष्‍टकु नङ कोक्‍पाचिप सो़।