२ कोरिन्‍थी 8:4 - थुलुङ राई

⁴ यहूदियाडा बाट्‌पा माम्‍चु़नीकु मु़चु़मिमलाई ख्‍लो़मु ल्‍वाकुनु़ र्‍वाक्‍साका गुकुनुङ मेर्मिमका छो़म र्‍वाम्‍डी।

२ कोरिन्‍थी 8:4 Referans Kwoze

थु़र्मा 24:17

“गो हापा थ चङडा आमा मु़चु़मिमलाई ख्‍लो़मु खउलुङ नुङ सासेन्‍मु ग्‍वा-ग्‍वा रेत्तोमा यरूशलेमडा रोङडोम बाइडा।

गलाती 6:10

मेम्‍मिमका जो़पा खारी बोमु ल्‍वासी मेडे गुइ खोत्‍लेकाम लागि जो़पा बेत्तो लक्‍सी, खोत्‍लेडाम ङादो येशू ख्रीष्‍टडा थो़रलु़पा वा-ल्‍वाकमिमलाई जो़पा बिइ।

२ कोरिन्‍थी 9:1

यरूशलेमडा बाट्‌पा माम्‍चु़नीकु मु़चु़मिमलाई ग्‍वामु ग्‍वा-ग्‍वाकु दुथाम गो गानीलाई र्‍यामुम बुमु मेबासी।

हिब्रू 6:10

माम्‍चु़नीडला थो़रलु़पामिमकाम लागि गानी जो़पा खारी नुङ रिखाम बेन्‍नी मा आथावो बोनिम बुनी। माम्‍चु़नी जो़होमका निया बोमी। मेम्‍मिमका गानी बेन्‍निम जो़पा खारी नुङ रिखाम गुमीका प्‍ल्‍वाम्‍डिम मिबु।

१ कोरिन्थी 16:15

वा-ल्‍वाकनी, गानी ओराम ल्‍वा चनी, स्‍तिफनासकु नेमडाममिम अखैयाडा खोत्‍लेडाम ङादो थो़रलु़पा मु़चु़मिम सो़। मेर्मिमका माम्‍चु़नीकु मु़चु़मिमकाम चापे-डुपे बोमुडा खोत्‍ले उनी न-गोङा ग्‍वाम्‍डिम बु। गो गानीलाई छो़म र्‍वाङु,

गलाती 2:10

मेर्मिमका छो़म र्‍वाम्डिम कोले ल्वा ने, हाम वो मेबाट्‌पामिमलाई आथावो ख्‍लो़मुम बुमु बासी। मेम बोमुडा ने आमा वो सो हन्‍पा बाइडा।

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।

१ कोरिन्थी 16:1

यरूशलेमडा बाट्‍पा माम्‍चु़नीकु मु़चु़मिमकाम लागि ग्‍वा-ग्‍वा फमुकु दुथाम गलातियाडाम मण्‍डलीमिमलाई गो बेबेत्तोमिम होम्‍साकाङा गानी बेनी।

रोमी 15:31

यहूदियाडा बाट्‍पा थो़रमेलु़पा मु़चु़मिमडाम माम्‍चु़नीका गोलाई गेङिमिनु़ मा यरूशलेमडाम थो़रलु़पामिम लागि फक्‍मा खउलुङ मेर्मिमका रमिनु़ र्‍वाक्‍साका सो़म्‍दी बेङ्‍साङनी।

थु़र्मा 16:15

मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।

थु़र्मा 11:29

एन्‍टिओखिया शहरडाम सीसिपामिम खोत्‍लेका यहूदियाडा बाट्‌पा थो़रलु़पामिमलाई ग्‍वामु झापा खउलुङ ग्‍वाक्‍साका ख्‍लो़मु मुलु़ बेम्‍डी।

मर्कूस 14:7

हेङालोने उ हाम वो मेबाट्‌पामिम ने गानीनुङ हेल्‍लो लोवो दु़म्‍मिम बुमी, मा हाङकोलो न बोनी मेकोतिलो ङा गानी मेर्मिमलाई ख्‍लो़मु चाम्‍निमी। लावो गो ने गानीनुङ मेम्‍साका मेदु़म्‍ङु।

मत्ती 25:40

“मेकोतिमा हपका मेर्मिमलाई र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ओराम बेन्‍निमङा गानी गोलाई बेङ्‌डिनिम सो़।’

मत्ती 12:50

उहेमका पाह्रीलाम आमा पापकु न होङङा बु़, मेर्मिमङा आमा जाउमो-तारापा ल्‍वाक नुङ माम।”

मत्ती 10:42

मेम्‍मा कोङनिमका ओ याक्‍के मु़चु़मिमगोडाम कोलेलाई आमा सीसिपा मिम्‍साका को कान्‍चु़रे छक्‍पा कु कोङङा लोवो डुमु ग्‍वाकु़ माला, आच्‍छाङा गो गानीनुङ र्‍वाङु, मेरामका पुरस्‍कार ल्‍वासु़ङा।”