२ कोरिन्‍थी 8:21 - थुलुङ राई

²¹ हेङालोने गुकु ङाचो़कु मिक्‍सीलामडा कोङङा मेएँ, मु़चु़मिमकु ङादोडा वो जो़पा खारी बोमुडा चङको-चङको दु़म्‍कु।

२ कोरिन्‍थी 8:21 Referans Kwoze

रोमी 12:17

कोङनिमका गानीलाई मेजो़पा बेन्‍नी र्‍वाक्‍साका मेरामलाई वो मेजो़पा मेबेनी। खोत्‍ले मु़चु़मिमका डोक्‍पु मिम्‍मिडिम ल्‍वाडा कोङङा न सोक्‍नी।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

फिलिप्‍पी 4:8

हुम-दडा, वा-ल्‍वाकनी, जो़पा नुङ कोमुका घ्रेट्‌पा ल्‍वामिम इनीमा नडा मिम्‍नी। मेर्मिम ल्‍वा: आच्‍छाङाकाम, डोक्‍पु मिम्‍मुका घ्रेट्‌पा, माम्चु़नीकु मिक्‍सीलामडा जो़पा, सेपा, द्‌वादीबुङ, सो़मुका घ्रेट्‌पा।

१ थेसलोनिकी 5:22

मेजो़पा खोत्‍ले ल्‍वाडाम वाङ बानी।

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।

रोमी 14:18

उहेम मु़चु़का आरेसाका ख्रीष्‍टकु खारी बु़, मेरामका माम्‍चु़नीलाई गेर्सिबेडु़ मा मु़चु़मिमका वो जो़पा मिम्‍मी।

१ तिमोथी 5:14

मेम्‍मिमका स्‍वालामे अर्दोमेमिमलाई आथावो लालीकुन्‍दा बोमु ग्‍वाक्‍साका, चो़मिम कमु, उनी नेम जो़होमका रेम्‍मु सीडामी। मेम्‍साका इकीमा कोर्थो़लाम बक्‍पामिमका इकीमा दुथाम मेजो़पा जेमुलाम मेल्‍वामिनु़ र्‍वाक्‍पा आमा न बु।

मत्ती 6:4

मेम्‍साका मु़चु़मिमलाई गानी हाम-हुम ग्‍वानिलो सु़का वो मेल्‍वाहोमका ग्‍वाक्‍नी। मेम्‍मा मेल्‍वाहोमका खारी बोनिमिम ल्‍वापा माम्‍चु़नी इनी पापका गानीलाई पुरस्‍कार ग्‍वानिमी।

मत्ती 5:16

मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

मत्ती 23:5

“मु़चु़मिमलाई रेम्‍बोमु लागि मेर्मिमका खोत्‍ले खारी बोमी: माम्‍चु़नीकु सिजेम कुर्खोप डोक्‍पु बनेबोमिमा उनी कुप्‍पीभाल नुङ ल्‍वाड्‌डा बन्‍मी। उनी हुम-येकु झुम्‍कामिम धु़प्‍पा-धु़प्‍पा बनेबोमी।

मत्ती 6:1

“चङचङया बानी वो! मु़चु़मिमलाम इनीमा नङ कोला सो़म्‍सिमु लागि मु़चु़मिमकु ङादोडा जो़पा खारीमिम मेबेनी। मेम बेन्‍नी माला ने पाह्रीलाम माम्‍चु़नी इनी पापका गानीलाई पुरस्‍कार मेग्‍वानी।

२ कोरिन्‍थी 8:20

ओराम ग्‍वा-ग्‍वा ग्‍वाक्‍साका ख्‍लो़कुमिम खारीडा गुकुलाई सु़का वो मुमा मेबेन्‍किमिनु़ र्‍वाक्‍साका गुकु जो़होमका ओराम खारी बोकु।

२ कोरिन्‍थी 8:22

मेम्‍मा कोले ल्‍वाक वो मेर्चिपनुङङा थु़र्तो लेन्‍कु। गुलाई गुकु हापा खेप छाम्‍तोको मा खोत्‍ले खारीडा उमा सो हन्‍पा डार्तोको। ओम्‍लो गानीडला गुका छो़म डोक्‍पु थो़र बु़डु़मका उमा आथावो हापा सो हन्‍डाम बु।

१ तिमोथी 3:7

बिशप थो़र मेलु़पामिमका वो जो़पा मिम्‍मिमिम दु़म्‍मु बासी, मेम्‍साका मु़चु़मिमका उमा दुथाम मेजो़पा जेमु मेल्‍वामी मा शैतानकु पेरडा मेहु।