२ कोरिन्‍थी 8:19 - थुलुङ राई

¹⁹ मेकोति कोङङा मेएँ, लावो मेराम ल्‍वाक ने ग्‍वा-ग्‍वा सोक्‍थिट्‍पा खारी बोमुडा ख्‍लो़किनु़ मा गुकुनुङङा यरूशलेम लनु़ र्‍वाक्‍साका मण्‍डलीमिमका थुट्‌मिडिम सो़। गुकु ङाचो़कु नङ कोमु लागि मा वाङमिमलाई ख्‍लो़पा जो़पा खारी बोम्‍सोमु लागि ओराम खारी बोकु।

२ कोरिन्‍थी 8:19 Referans Kwoze

२ कोरिन्‍थी 4:15

गुकु दु़खा ल्‍वात्तोकोम ओर्मिम खोत्‍ले ल्‍वाका ने गानीलाई जो़पा दु़म्‍नु़ र्‍वाक्‍साका दु़स्‍ताम सो़। मेम दु़स्‍तामका हापा मु़चु़मिमका माम्‍चु़नीकु दिदाम ल्‍वामी मा मेर्मिम खोत्‍लेका माम्‍चु़नीकु नङ डोक्‍पु बोमु लागि गुमीलाई आलासो़ ग्‍वामी।

२ कोरिन्‍थी 9:8

माम्‍चु़नीका गानी चाहेबोनिमिमडाम वो हापा जि-वा ग्‍वामु चाम्‍निमी। मेम्‍मा गानीलाई हामकाम वो खेरेला मेदु़म, मेम्‍मिमका गानी जो़पा खारी खोत्‍ले बोम्‍सोमु चाम्‍नी।

थु़र्मा 15:25

मेम्‍मिमका गुकु खोत्‍ले घ्रो़म्‍तोकोमा बेत्तोकोम मुलु़ होम्‍साका कोङ-कोङ मु़चु़मिमलाई थुमुमी, मा मेर्मिमलाई गुकु द्‌वाक्‍तोकोम बारनाबास, पावलनुङ थु़र्मु न बेत्तोकोम बु।

थु़र्मा 15:22

मेकोतिमा थु़र्मामिम, एल्‍डरमिम नुङ खोत्‍ले थो़रलु़पामिमका उनी त्‍वाकु मु़चु़मिमगोडाम कोले-नले थुमुमी, मा मेर्मिमलाई पावल, बारनाबासनुङ एन्‍टिओखिया शहरथो़ थु़र्मु मुलु़ बेम्‍डी। मेर्मिमका थो़रलु़पामिमगोडाम उनी ङाउचिप बारसाबास र्‍वाक्‍मा यहूदा नुङ सिलासलाई थुट्‌मिडिची।

थु़र्मा 14:23

मेर्चिपका मेर्मिमकु मण्‍डली-मण्‍डलीडा एल्‍डरमिम थुच्‍चिमी। मेकोतिमा सो़म्‍दी नुङ उपास बात्तो मेर्मिमका थो़र लु़म्‍डिम माम्‍चु़नीकु ल्‍वाडा मेर्मिमलाई पार्जो़ल्‍चिमी।

थु़र्मा 19:22

मेकोतिमा गुलाई ख्‍लो़पाचिप तिमोथी नुङ इरास्‍तसलाई पावलका माकेडोनियाथो़ थु़र्डु़ची। लावो गु ने कोलेम-नलेम एशियाडा ङा बाइल्‍याड्‌डा।

थु़र्मा 19:29

खोत्‍ले शहरडा मु़चु़मिम येम्‍डी-दुम्‍डी, मा मेर्मिम खोत्‍ले खोम्‍सिम्‍डिमा पावलनुङ लाम्‍दिपा माकेडोनियाडा बाट्‌पा गायस नुङ अरिस्‍तार्खसलाई चु़म्‍मिडी, मा रङ्‍गशाला गोनो थु़त्तो लम्‍डी।

रोमी 5:3

मेकोति कोङङा मेएँ, दु़खा थारीका वो गुइ गेर्सी द्‍वाकी, हेङालोने मेराम दु़खाकाङा गुइलाई इम्‍मु चापा दु़म्‍बेसा र्‍वाक्‍पा चडिम बु।

रोमी 5:11

आकोति कोङङा मेएँ, लावो इकीमा ङाचो़ येशू ख्रीष्‍टलाम गुइ माम्‍चु़नीडा गेर्सिक्‍तोङा बिइ, हेङालोने ख्रीष्‍टकाङा गुइलाई माम्‍चु़नीनुङ इकीमा न-थो़म घ्रो़म्‍बेसाका ङोप्‍सो़ दु़म्‍बेसाड्‍डामिम बु।

२ कोरिन्‍थी 8:11

ओम्‍लो मेराम खारी बेन्‍सोट्‌नी। मेम्‍लो गानी छो़म ग्‍वा-ग्‍वा द्‍वाक्‍पा बान्‍निमका आथा ने इनी चाप्‍सी ग्‍वाक्‍साका मेराम खारी बेन्‍सोट्‍नी।

२ कोरिन्‍थी 8:12

इनीमा छो़म ग्‍वा-ग्‍वाद्‌वाक्‍पा न बु माला गानीनुङ हाम बु मेरामङा ग्‍वानिलो माम्‍चु़नी गेर्सी द्‌वामी। मु़चु़नुङ मेबाट्‌पा ने ग्‍वामु र्‍वाक्‍पा गुमीका न मेबोमी।

२ कोरिन्‍थी 8:20

ओराम ग्‍वा-ग्‍वा ग्‍वाक्‍साका ख्‍लो़कुमिम खारीडा गुकुलाई सु़का वो मुमा मेबेन्‍किमिनु़ र्‍वाक्‍साका गुकु जो़होमका ओराम खारी बोकु।

२ कोरिन्‍थी 9:2

हेङालोने ख्‍लो़-ख्‍लो़ द्‌वाक्‍पा इनीमा न गो चक्‍पु। माम्‍था आथामङा अखैयाडाम गानी थो़र लु़पामिमका ग्‍वा-ग्‍वा थु़र्मु खाम्‍निमिम बु र्‍वाक्‍साका माकेडोनियाडाम मण्‍डलीमिमनुङ इनीमा दुथाम डोक्‍पु ल्‍वा बेउतोम बु। मेप्‍माम इनीमा नका मेर्मिमगोडाम हापाकाम सो हन्‍डाम बु।