18 गुनुङ कोले ल्वाकलाई वो गुकु थु़र्तोङा लेन्कु, मेराम ल्वाक ने जो़पा-सेला थो़बेन्मुडा खोत्ले मण्डलीका उमा नङ कोम्डिम सो़।
गो तीतसलाई इनीमाडा लमु र्वाक्साका छो़म र्वाङडो मा कोले ल्वाकलाई वो गुनुङ थु़र्तो। तीतसका लिमा थेसाका गानीलाम हाम-हुम रङडु़ मा? गुचुकु कोलेङा न नुङ कोलेङा बेसी-दोसीका मेबेचुकुवा मा?
मेकोति कोङङा मेएँ, लावो मेराम ल्वाक ने ग्वा-ग्वा सोक्थिट्पा खारी बोमुडा ख्लो़किनु़ मा गुकुनुङङा यरूशलेम लनु़ र्वाक्साका मण्डलीमिमका थुट्मिडिम सो़। गुकु ङाचो़कु नङ कोमु लागि मा वाङमिमलाई ख्लो़पा जो़पा खारी बोम्सोमु लागि ओराम खारी बोकु।
माम्चु़नीका येट्निमिलो ङादो गानी खोत्लेङा हेप्माम बासीडा बान्नी मा ङाचो़ येशूका गानीलाई हामकाम लागि थु़ट्निमिमिम बु, मेम्साका ङा गानी बानिम बानी। खोत्ले मण्डलीका बोमु बासिक्पा आमा सीसि वो ओराम ङा सो़।
ख्रीष्टकु दुथाम जो़पा-सेला थो़बेड्डा गो त्रोआस शहरडा रोङडोलो ङाचो़का आमा लागि लाम्चोको होल्साङ्डिमिम बाइडा।
मेर्चिपका गोलाई गेमु लागि उची त्वापङा र्वाप्डा सिच्चिम बाइडा। मेर्चिपलाई गो कोङङा मेएँ, लावो वाङसामाडाम मण्डलीमिमका वो आला र्वाम्डी।
ओरामकाम लागि ङा गो तिमोथीलाई इनीमाडा थु़र्तोङा लेट्पु। गु ङाचो़ येशूकु थो़र लु़इमिम आमा द्वादीबुङ तारापाचो़ सो़। गो खोत्लेथो़ मा खोत्ले मण्डलीडा सीत्तोमिम होम्साकाङा ख्रीष्ट येशूडा आमा त्वारो़मडा गो हेसाका बुङुमिम बु, मेराम गुका गानीनुङ सो़यु़।
मेम्मा गो रोङुमा छेम-ल्वाकु सेलाखाजेम र्याक्साका गानी र्वानिमिम मु़चु़मिमलाई ग्वा-ग्वा सोप्डा यरूशलेम थु़रुमी।