२ कोरिन्‍थी 7:4 - थुलुङ राई

⁴ गानीडला गो छो़म थो़र लु़ङ्‌डोम बु। गानीडाम गो छो़म आमा नो़ डोक्‍पु बेउ। खोत्‍ले आकीमा दु़खाडा वो आमा सो हन्‍पा बु मा छो़म भ्रसिक्‍पा बुङु।

२ कोरिन्‍थी 7:4 Referans Kwoze

२ कोरिन्‍थी 1:4

गुमीका गुइलाई खोत्‍ले दु़खाडा इकी न बसाक्‍सामी। आरेसाका माम्‍चु़नीलाम ल्‍वास्‍तिम मेराम न बन्‍सीलामका गुइ वो वाङमिम दु़खाडा दु़म्‍पा मु़चु़मिमकु न बन्‍सामु चाप्‍सी।

२ कोरिन्‍थी 3:12

गुकुनुङ आरेप्‍माम हाम-हुम ल्‍वापा न बु़मिमका गुकु छो़म मेङिपा दु़म्‍तोकोम बु।

याकूब 1:2

आमा वा-ल्‍वाकनी, गानीडला खाल-खालकाम दु़खामिम रोमिलो छो़म गेर्सी द्‌वाक्‍नी।

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

फिलिप्‍पी 2:17

माम्चु़नीडा इनीमा थो़र नुङ बोनिमिम खारी ने गुमीलाई ग्‍वामा सासेन्मु होप्माम बु। आमा त्वाकु सिसि मेराम सासेन्मुडला अम्‍सिमुङा बासी लोवो गेर्सिक्‍पा बुङु, मा गानी खोत्‍लेनुङ भ्रसिद्‌वाङु।

१ कोरिन्थी 1:4

गानीलाई माम्‍चु़नीका ख्रीष्‍ट येशूडा उनी दिदाम ग्‍वाक्‍निमका गो हेल्‍लो लोवो गुमीलाई इनीमा लागि आलासो़ ग्‍वाक्‍पुमी।

१ थेसलोनिकी 2:19

इकी ङाचो़ येशू योमिलो उनी ङादोडा हाम-हुम ल्‍वापा आकी न लोवो, आकी न-भ्रसी लोवो, आकी पुरस्‍कार लोवो, गानीङा मेएँ मा?

१ थेसलोनिकी 2:2

गुकु इनीमाडा रोमु ङादोङा फिलिप्‍पी शहरडा हाङको छो़म मेजो़पा बेत्तिकिमी, मा दु़खा ग्‍वाक्‍तिकिमी, मेराम गानी चनी। मु़चु़मिम छो़म आकी कोर्थो़लाम बम्‍डिङा लोवो माम्‍चु़नीका ख्‍लो़त्तिकिमका मेङिसाका गुकु उनीमा जो़पा-सेला गानीलाई थो़बेत्तोको।

फिलिप्‍पी 1:20

गो छो़म बोमु मालुमिम नुङ आमा न ओरामङा सो़, हामता वो आमा क्रो़म लु़मु बासिक्‍पा मेदु़म्‍ङु, लावो आमा रुखु छो़म फिन्‍सिक्‍पा दु़म, मेम्‍साका सिङुनु़का बुङुनु़ मेलामका आमा मिरो़मडा हेल्‍लो लोवो दु़म्‍मिम होम्साका ओम्‍लो वो ख्रीष्‍ट डोक्‍पु दु़म्‍मी।

२ कोरिन्‍थी 11:21

र्‍वामु क्रो़म लु़पा लोवो गो सो़मु बास्‍ता, गुकु छो़म ङिजो़ल्‍पा दु़म्‍तोकोमका मेर्मिम होङङा बोमु मेचाप्‍कुवा। मेर्मिमका उहेम ल्‍वाडा डोक्‍पु लिसिमी आथावो गो वो नेप्‍ची मान्थिम दु़म्‍साका मेराम ल्‍वाडा ङा डोक्‍पु लिसिङु।

२ कोरिन्‍थी 8:24

गानी मेर्मिमलाई त्वाकु रिखाम रेम्‍बेनी, मा गुकु हेङा इनीमा दुथाम नो़ डोक्‍पु बोनिमिम रेछा र्‍वाक्‍साका मण्डलीमिमका ल्वामु चाम्मिनु़।

२ कोरिन्‍थी 2:14

माम्‍चु़नीलाई आलासो़ दु़म्‍नु़, हेङालोने माम्‍चु़नीका गुइलाई हेल्‍लो लोवो ख्रीष्‍टनुङ घ्‍ल्‍वासीकु लाम्‍दीडा लाम्‍दिबेसामी। गुमीका ख्रीष्‍ट छेबेट्‍पा नेप्‍चीलाई भ्रपा मुरनेम्‍पा धूप होङङा खोत्‍लेथो़ फोट्‍पा खारी गुकुलाई ग्‍वाकिमी।

२ कोरिन्‍थी 1:14

ओम्‍लो गानी आकीमा दुथाम किचो़ कोङङा थेसिथेट्‌निम बु, लावो कोलेम गानी गुकुलाई जो़होमका थेसिथेन्‍किनी। ङाचो़ येशू योमिमिम नेम गुकु इनीमा दुथाम आकी दाप होर्सिमिम होङङा गानी वो आकीमा दुथाम इनीमा दाप होर्सी र्‍वाक्‍साका थो़र बेउतोम बु।

रोमी 5:3

मेकोति कोङङा मेएँ, दु़खा थारीका वो गुइ गेर्सी द्‍वाकी, हेङालोने मेराम दु़खाकाङा गुइलाई इम्‍मु चापा दु़म्‍बेसा र्‍वाक्‍पा चडिम बु।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

२ कोरिन्‍थी 7:14

इनीमा दुथाम गो तीतसनुङ डोक्‍पु ल्‍वा बेउतोम बाइडा, मा ओराम ल्‍वाडा गो ङाली डमु बासिक्‍पा मेदु़बेट्‌ङिनिवा। गो गानीनुङ हेल्‍लो लोवो आच्‍छाङाकाम ल्‍वा सो़उतोम बाइडा। मेम्‍साकाङा गो तीतसनुङ डोक्‍पु ल्‍वा बेउतोम वो आच्‍छाङा रोक्‍थिड्‍डा।

२ कोरिन्‍थी 10:8

ङाचो़का गुकुलाई ग्‍वाक्‍तिकिमिम ओराम साखाम गानीलाई पुयु़लुबेन्‍मु मेएँ, लावो जो़पा बोमु लागि सो़। ओराम साखामकु दुथाम गो छो़म डोक्‍पु लिसिङडो लोवो आमा क्रो़म मेलु़।

फिलिप्‍पी 1:14

गोलाई चङडिमिमका ङाचो़ येशूडा थो़र लु़पामिम हापाका माम्‍चु़नीकु सिजेम रुकु फिन्‍साका मा मेङिसाका सो़मु आथावो छो़म सो हन्‍पा दु़म्मिडिम बु।

फिलिप्‍पी 1:26

मेम्मा गो इनीमाडा आथावो रोङुलो आमा दुथाम गानी ख्रीष्‍ट येशूकु नङ हापा कोमु चापा दु़म्नी।

२ थेसलोनिकी 1:4

मेम्‍मिमका खोत्‍ले इनीमा थो़मतेर्सी नुङ छो़म दु़खा ल्‍वान्‍निलो इम्‍निम नुङ थो़रलु़न्‍निमकु दुथाम आकी नो़ डोक्‍पु बेत्तो माम्‍चु़नीकु वाङमिम मण्‍डलीनुङ सो़कु।

फिलेमोन 1:7

आमा ल्‍वाक, थो़रलु़पामिमलाई बेन्‍नाम इमा रिखामका गोलाई छो़म भ्रसिबेट्‌ङिडी, मा आमा सो हन्‍डा, हेङालोने माम्‍चु़नीकु मु़चु़मिमलाई गाना गेर्सी बेट्‌नामिम बु।