२ कोरिन्‍थी 7:15 - थुलुङ राई

¹⁵ गानी ङिमका रुत्तो तीतसलाई रन्‍नी, मा गुका र्‍वाक्‍ताम होम्‍साका गानी खोत्‍लेका बोमु बिन्‍सिट्‌निम मिम्‍डु़मा गुका गानीलाई बेन्‍निम रिखाम आथावो हापा बर्तो लस्‍ताम बु।

२ कोरिन्‍थी 7:15 Referans Kwoze

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

२ कोरिन्‍थी 2:9

गानीलाई र्‍वाक्‍मा होम्‍साका खोत्‍ले बोनी डे मेएँ डे र्‍वाक्‍साका छाम्‍मु नुङ रेम्‍मु लागि गानीलाई सेलाखाजेम र्‍याक्‍तोम बाइडा।

१ यूहन्‍ना 3:17

कोङनिम मु़चु़नुङ सु़म्‍दिसेरडाम खाप्‍चीमिम बु मा थो़र लु़पा वा-ल्‍वाक खेरेला दु़म्‍पा ल्‍वासु़, मा वो मे वा-ल्‍वाकडला उ थो़म मेभ्रो़ माला माम्‍चु़नीकु रिखाम हेसाका गुगोडा दु़म मा?

२ थेसलोनिकी 3:14

ओराम सेलाखाजेमडा र्‍याक्‍तोकोम सिजेम कोङनिमका मेथो़सु़ माला मेराम मु़चु़लाई जो़होमका छेन्‍जो़ल्‍नी, मा मेरामलाई उ क्रो़म लु़नु़ र्‍वाक्‍साका मेरामडाम वाङ बानी।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

फिलिप्‍पी 1:8

ख्रीष्‍ट येशूकु रिखामका गो गानीलाई हाङको मिम्‍निनी मेराम माम्‍चु़नीका चमी।

२ कोरिन्‍थी 6:12

गानीलाई गुकु रिखाम मेबोकुमिम मेएँ, लावो गानी डे गुकुलाई रिखाम बोमु डित्तो लक्‍निम बु।

थु़र्मा 16:29

मेकोतिमा मे डोक्‍पु मु़चु़का धिप्‍री बिइयु़डु़मा ओन्‍तो झ्‍यालखानगोनो हुङडा, मा उ ङिमुका रुत्तो पावल नुङ सिलासकु ङादोडा खुम्‍बु बु़डु़।

एफिसी 6:5

गानी डु़ल्‍चो़नी, ख्रीष्‍टका र्‍वामिमिम इनी न-गोलामका थो़निमिम होम्‍साका इनीमा नेमहपलाई छो़म डोक्‍पु मिम्‍साका गुका र्‍वामिम थो़नी।

यूहन्‍ना 16:21

चो़च्‍चो़ गमु थारीका मेसेम छो़म नो़, हेङालोने उमा चो़ गमु थारी रोक्‍फाड्‌डाम दु़म। लावो चो़च्‍चो़ गमा गुलाई नो़डाम ल्‍वा मेसेमका प्‍ल्‍वासु़। हेङालोने सु़म्‍दिसेरडा कोले चो़च्‍चो़ गस्‍ता र्‍वाक्‍साका गु गेर्सी द्‍वा।

१ कोरिन्थी 2:3

गो इनीमाडा मेचापा मा छो़म ङिमुका रुट्‌त्तो रोङडोम बाइडा।