२ कोरिन्‍थी 7:11 - थुलुङ राई

¹¹ माम्‍चु़नीकु न होम्‍साका इनीमा न नो़डाम ल्‍वाका गानीगोडा हाम बु़डु़म बु र्‍वाक्‍पा मिम्‍नी। ओराम ल्‍वाका गानीगोडा त्‍वापलाई आच्‍छाङा जो़पा बोमु माल्‍पा हाङकोम इनीमा न, मेम्‍मा हाङकोम छोक्‍चो, हाङकोम ङिम, गोनुङ घ्रो़म्‍मु हाङकोम न, हाङकोम इनी पाउ मेसोक्‍पा, छु़ल बेपालाई देन्‍दे ग्‍वाक्‍पा हाङकोम न रेड्‍डु़म बु। खोत्‍ले ल्‍वाडा गानी इनी त्‍वापलाई हाम वो मेख्‍लो़ट्‌पा रेम्‍बेन्‍निम बु।

२ कोरिन्‍थी 7:11 Referans Kwoze

रोमी 14:18

उहेम मु़चु़का आरेसाका ख्रीष्‍टकु खारी बु़, मेरामका माम्‍चु़नीलाई गेर्सिबेडु़ मा मु़चु़मिमका वो जो़पा मिम्‍मी।

२ तिमोथी 2:15

माम्‍चु़नीकु आच्‍छाङाकाम सिजेम चङको-चङको सीपा, त्‍वाकु खारीडा क्रो़मलु़मु मेबासिक्‍पा खारीचो़ होङङा माम्‍चु़नीका बिम्‍सिप्‍मिमिम खारी छो़म बे।

२ कोरिन्‍थी 7:7

गु रोक्‍तामका कोङङा मेएँ, लावो गानी उमा सो हन्‍बेसाट्‌निमका वो आमा सो हन्‍डाम बाइडा। गोनुङ आथावो घ्रो़म्‍मु इनीमा न बु ए र्‍वाक्‍साका गुका गुकुनुङ सो़यु़डु़। ङादो गानी ख्‍लो़ट्‌निम ल्‍वाकु दुथाम खोर्सो़ट्‍नी मा गोलाम बासिट्‍नीमा जेन्‍निम ल्‍वाकु दुथाम वो सो़यु़डु़। गो ओर्मिम खोत्‍ले ल्‍वा थो़उतोमा छो़म भ्रङ्‌सिङ्‌डो।

१ कोरिन्थी 5:13

मण्‍डलीडाम वाङमी मु़चु़मिमकु निया माम्‍चु़नीका बोमी। माम्चु़नीकु सिजेमका र्‍वा, “गानीगोलामका रु़चो़ मु़चु़लाई ख्‍लुन्‍सोट्‌नी।”

रेम्‍बेट्‌मिडिम ल्‍वा 3:19

उहेम-उहेमलाई गो रिखाम बेउमी, मेर्मिमलाई गो भुरुमी मा सीमु लागि यालु़मी। मेम्‍मिमका इमा सो हन्‍बेडा, मेजो़पा खारी बोमु डिसाका माम्‍चु़नीथो़ ख्‍लोसा।

यहूदा 1:23

मु़चु़मिमलाई नियाकु मुड्‌डाम ख्‍लुक्‍साका सेल्‍नी। मु़चु़मिमडला न-थो़म रेम्‍बेनी, लावो छो़म चङको-चङकोका मेम बेनी। मेर्मिमकु छु़लका घ्राम्‍लु़पा दु़म्‍मुडाम वाङ बानी।

१ पत्रुस 2:2

मालो गक्‍पा चो़च्‍चो़का उमा मामकु दु़दु़ डुमु मालु़मिम होङङा गानी वो माम्‍चु़नीकु सिजेम थो़पा छो़म न बेनी। मेम्‍साका माम्‍चु़नीडलाम इनी थो़र बर्तो ल, मा गानी सेल्‍सिनी।

१ पत्रुस 1:17

माम्‍चु़नीडा गानी सो़म्‍दी बोनिलो गुमीलाई पाप र्‍वानी, गुमीका निया वो बोमी। गुमीका चोमिक्‍सी मेबेसाका मेर्मिमका बेम्‍डिम खारी होम्‍साका खोत्‍ले मु़चु़मिमकु निया बोमी। मेम्‍मिमका ओराम सुबुडा वाङथो़लाम रोक्‍पा होङङा बुनिलो माम्‍चु़नीलाई डोक्‍पु मिम्‍साका उनीमा ङिम जु़ल्‍निमा बानी।

हिब्रू 4:1

माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।

तीतस 3:8

ओराम आच्‍छाङा र्‍वाक्‍मा सो़, ओर्मिम सीसि छो़म सीडामी, मेम्‍साका माम्‍चु़नीडा थो़रलु़पा खोत्‍लेका जो़पा खारी छो़म बोमु माल्‍पा दु़म्‍मिनु़। ओर्मिम सीसि खोत्‍लेकाम लागि जो़पा नुङ ख्‍लो़पा बु।

फिलिप्‍पी 2:12

मेम्‍मिमका आमा द्‌वादीबुङ वा-ल्‍वाकनी, माम्‍चु़नीका र्‍वाम्‍डिम होम्‍साका हेल्‍लो लोवो बोनिमिम होङङा गो गानीनुङ बाङडोलो कोङङा मेएँ, लावो गानीनुङ मेबुङुलो वो सेल्सिमु ल्वान्‍निम मु़चु़ दु़म्निमा माम्‍चु़नीडा ङिम जु़ल्साका गुमीका र्‍वाम्‍डिम होम्‍साका आथावो छो़म बेनी।

एफिसी 5:11

हाम वो जो़पा मेदु़म्‍पा तुकुम्‍चिमकु खारी बेपा मु़चु़मिमनुङ मेलाम्‍दिनी, लावो मेराम खारी ने मेजो़पा र्‍वाक्‍साका मु़चु़मिमलाई रेम्‍बेपा दु़म्‍नी।

एफिसी 4:26

इनी छोक्‍चो ब लोवो छु़ल मेबेनी। नेम्‍सुङ गाम्‍मु ङादोङा इनी छोक्‍चो सिनु़,

२ कोरिन्‍थी 13:7

गानी मेजो़पा मेबेनी र्‍वाक्‍साका माम्‍चु़नीनुङ गुकु सो़म्‍दी बोकु। गुकु आकी त्‍वाप जो़पा रेम्‍बोमु लागि मेएँ, लावो गुकु हाम ना हामकाम होप्‍माम ल्‍वासिड्‍डा लोवो गानी जो़पा खारी बोमु चाप्‍नी र्‍वाक्‍साका सो़म्‍दी बोकु।

२ कोरिन्‍थी 9:2

हेङालोने ख्‍लो़-ख्‍लो़ द्‌वाक्‍पा इनीमा न गो चक्‍पु। माम्‍था आथामङा अखैयाडाम गानी थो़र लु़पामिमका ग्‍वा-ग्‍वा थु़र्मु खाम्‍निमिम बु र्‍वाक्‍साका माकेडोनियाडाम मण्‍डलीमिमनुङ इनीमा दुथाम डोक्‍पु ल्‍वा बेउतोम बु। मेप्‍माम इनीमा नका मेर्मिमगोडाम हापाकाम सो हन्‍डाम बु।

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

२ कोरिन्‍थी 6:4

मेम मेबेसाका, खोत्‍ले खारीडा गुकु आकी त्‍वापलाई माम्‍चु़नीकु डु़ल्‍चो़ र्‍वाक्‍साका रेम्‍बोकु। गुकु दु़खाडा, मेझापाडा नुङ खेमल्‍यामु वो मेझापा खारीडा वो गुकु छो़म इम्‍सिसाका बुकु।

२ कोरिन्‍थी 2:6

गानीगोडाम हापाङा उमा कोर्थो़लाम बनिमिमङा मेरामलाई लिट्‌पा देन्‍दे दु़म।

१ कोरिन्थी 12:25

मेम्‍साका इकी मिरो़मडाम अंगमिमकु गो फ मेदु़म्‍नु़, लावो कोले अंगका कोङमीलाई कोहोप्‍मामङा मिम्‍मिनु़।

१ कोरिन्थी 5:2

लावो गानी ने इनी त्‍वापङा डोक्‍पु लिन्‍सिनी! गानी ने इनी न नो़मु मेबासावा रे, मेम्‍मा आरेप्‍माम खारी बेपा मु़चु़लाई इनी सामा-घ्रो़म्‍सीलामका ख्‍लुमु मेबासावा?

रोमी 11:20

मेराम ने आच्‍छाङा सो़, यहूदीमिमका माम्‍चु़नीडा थो़र मेबेमिवामकाङा ग्रेम फल्‍साका घ्रोक्‍मा होङङा मेर्मिम घ्रोला सो़सिम्‍डी। गानी थो़र बेन्‍निमका ङा मेसिन्‍डा बुनी। ओराम ल्‍वाकु दुथाम गानी इनी नो़ डोक्‍पु मेबेनी, लावो माम्‍चु़नीकु ङिम जु़ल्‍नी।

थु़र्मा 17:16

पावलका एथेन्‍सडा सिलास नुङ तिमोथीलाई लथाड्‌डु़चिलो मेराम शहरडा बान्‍तेमेनो ङाटा कोङङा बाइडाम ल्‍वास्‍तु़मका छो़म उ न-गो ख्राप्‍डा।

यूहन्‍ना 2:17

मेकोतिमा माम्‍चु़नीकु सिजेमडा र्‍याक्‍मा ओराम ल्‍वा उनी सीसिपामिमका मिम्‍मिडी, “इनीमा बाखोपडलाम आमा सो हन्‍सीका गोलाई चाङी।”

मर्कूस 3:5

येशूका मे लुङ होप्‍माम उनी न ल्‍वाम्‍डिमका उनी गो नो़डा, मा उनी छोक्‍छोका होनो-आथो़ रेप्‍मिडी। मेम्‍मा मेरामलाई र्‍वाम्‍डी, “इमा ल्‍वा थङा।” मेकोतिमा मेरामका उमा ल्‍वा थङडु़, मा उमा ल्‍वा ङादोम होप्‍माङा नु़ल्‍याड्‌डा।

२ कोरिन्‍थी 7:9

इनीमा न नो़बेत्तोमका मेएँ, लावो न नो़पा ल्‍वाकाङा गानी इनीमा छु़ललामका माम्‍चु़नीथो़ ख्‍लोसिट्‌निमका गो गेर्सी द्‌वाक्‍पा बुङु। माम्‍चु़नीकु न होम्‍साका इनीमा न नो़डाम सो़, मा मेम्‍मिमका गुकुलामका गानीलाई हाम वो मेजो़पा मेदु़प्‍सावा।

रोमी 3:5

लावो गुइ बिमिम मेजो़पा खारीका माम्‍चु़नीलाई जो़पा ल्‍वासी माला गुइ हाम र्‍वामु मा? हाम माम्‍चु़नी गुइनुङ भुर्मु मेजो़पा मा? कोङनिम मु़चु़का आरेप्‍माम मिम्‍मी।

१ थेसलोनिकी 4:6

सु़का वो आरेसाका लु-फेले बेसाका थो़रलु़पा वा-ल्‍वाकलाई मेजो़पा मेबु़नु़। गानीलाई गुकु ङादोङा र्‍वाक्‍तोकोम नुङ ङिमसाट्‌मा होम्‍साकाङा आरेप्‍माम खारी बेपालाई ङाचो़ येशूका देन्‍दे ग्‍वामी

१ तिमोथी 5:20

छु़ल बेपामबाट्‌पामिमलाई थो़रलु़पामिम खोत्‍लेकु ङादोडा भुरामी, मा आरे बोनामिमका वाङमिम वो ङिमी।

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।