२ कोरिन्‍थी 7:1 - थुलुङ राई

¹ द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

२ कोरिन्‍थी 7:1 Referans Kwoze

१ थेसलोनिकी 4:7

सेपा मु़चु़ दु़म्‍मुमा बुमु लागि माम्‍चु़नीका येसाड्‌डामिम, मेसेपा दु़म्‍साका बुमु लागि ने मेएँ।

१ पत्रुस 2:11

द्‌वादीबुङ ङोप्‍सो़नी, गो गानीलाई छो़म र्‍वाङु, ओराम सु़म्‍दिसेरडा गानी कोलेम-नलेम बाट्‌पा नुङ वाङथो़लाम रोक्‍पा मु़चु़ होप्‍माम सो़। थेसिथेट्‌निमा इनी गोनो क्‍वाल्‍बा बेपा मिरो़मडाम मेजो़पा ल्‍वामिमडाम वाङ बानी।

याकूब 4:8

माम्‍चु़नीकु ङादोडा लक्‍नी, मेम्‍मा गुमी वो इनीमा ङादोडा रोमी मा गानीनुङ कोयोङा बुमी। माम्‍चु़नीकु सिजेम होम्‍साका मेदोपा छु़लचो़नी, इनी ल्‍वा सेपा बेनी। माम्‍चु़नी नुङ सु़म्‍दिसेर निफिथो़ङा न जु़ल्‍पा मु़चु़नी, इनीमा न-गो सेपा बेनी।

१ यूहन्‍ना 3:3

मेम्‍मा आरे दु़म्‍मु लथाक्‍पा मु़चु़ खोत्‍लेका येशू ख्रीष्‍ट छु़ल मान्‍थिम बुमिमिम होङङा त्‍वापलाई छु़ल मान्‍थिम दु़म्‍बेन्‍मी।

१ थेसलोनिकी 5:23

न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ कोरिन्थी 6:20

गानीलाई माम्‍चु़नीका थि सोक्‍साका भ्रेन्‍निमिम सो़। मेम्‍मिमका गानी इनी मिरो़मकाङा माम्‍चु़नीलाई डोक्‍पु बेनी।

१ यूहन्‍ना 1:7

माम्‍चु़नी ओलडा बुमिमिम होङङा गुइ वो ओलडा बुइ-दोसी माला कोलेकाम कोङमीडला इकीमा हेमकेम दु़म। मेम्‍मा उनीमा तारापाचो़ येशूकु सिसिका खोत्‍ले इकीमा छु़लडाम गुइलाई छेको-छेको बेसा।

हिब्रू 4:1

माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।

मत्ती 5:48

मेम्मिमका पाह्रीला बाट्पा इनी पाप होङङा गानी वो खोत्‍ले खारी जो़पा बेनी।”

मत्ती 5:8

सेपा न-गोकाममिम जिनुङमा सो़, हेङालोने मेर्मिमका माम्‍चु़नीलाई ल्‍वामी।

१ यूहन्‍ना 1:9

गुइ इकीमा छु़लमिम माम्‍चु़नीनुङ सो़इडी माला गुमीका इकीमा छु़ल हेप्‍साक्‍सामी मा मेजो़पा खोत्‍लेडाम छेको-छेको बेसामी। हेङालोने गुमी थो़र लु़इमिम मा जो़पा बेपा बुमी।

एफिसी 2:3

गुइ वो कोखेप मेर्मिम होप्‍मामङा बाइडी। त्‍वाकु मिरो़म नुङ नका र्‍वाक्‍ताम मेजो़पा ल्‍वा होम्‍साका दोस्‍थाल्‍ली। मेम्‍साका इकीमा त्‍वाकु मेजो़पा न होम्‍साका दोसिवाम माला गुइ वो वाङमिम होम्‍साकाङा माम्‍चु़नीकु देन्‍दे ल्‍वामु बासिक्‍पा बाइडा।

रोमी 5:20

डु़म्‍ला रोक्‍ताम चङडा छु़ल बर्डा। छु़ल बर्तो लस्‍ता लोवो मेरामडाम हापा माम्‍चु़नीकु दिदाम बर्तो लस्‍ता।

१ पत्रुस 5:10

खोत्‍ले दिदाम ग्‍वाक्‍पा माम्‍चु़नीका गानीलाई ख्रीष्‍टनुङ कोले दु़म्‍सीडा हेल्‍लो लोवो दु़म्‍पाम बाट्‌पा उनी यु़म-झ्‍वाक्‍सीकु दो़दो़वा ल्‍वामु येट्‌निम बु। घरिकोङ गानी दु़खा ल्‍वानिमिम चङडा गुमीका गानीलाई आथावो लाले दु़म्‍बेनी, थो़रलु़पाम बाट्‌पा दु़म्‍बेनी मा सोनुङमा दु़म्‍बेनी।

हिब्रू 12:28

मेम्‍मिमका मेरुसिक्‍पा किब्‍दी गुइ डार्स्‍तिमका आला-तोमानुङमा दु़प्‍सी मा माम्‍चु़नीकु ङिम जु़ल्‍तो नुङ गुमीलाई डोक्‍पु मिम्‍तो गुमीलाई गेर्सिबेट्‌पा सो़रलोले बिइ,

हिब्रू 12:23

पाह्रीला नङ र्‍याक्‍मा ङादो गक्‍पामिमकु घ्रो़म्‍दीडा गानी रोक्‍निम बु। खोत्‍ले मु़चु़कु निया बेपा माम्‍चु़नी नुङ माम्‍चु़नीकु न होप्‍माम जो़पा दु़म्‍पा मु़चु़मिमकु घ्रो़म्‍दीडा रोक्‍निम बु।

१ थेसलोनिकी 3:13

माम्‍चु़नीका गानीलाई छो़म थो़रनुङमा दु़म्‍बेनिमिनु़, मेम्‍साका इकी ङाचो़ येशू खोत्‍ले सेपा उनी मु़चु़मिमनुङ योमिलो माम्‍चु़नी पापकु ङादोडा गानी मेख्‍लो़ट्‌पा नुङ सेपा दु़म्‍नी।

२ कोरिन्‍थी 1:20

माम्‍चु़नीका खोत्‍ले याचे जेम्‍डिम ल्‍वामिम “आच्‍छाङा” र्‍वाक्‍साका ख्रीष्‍टडा रोक्‍थिड्‍डा। मेम्‍मिमका ख्रीष्‍टलामका माम्‍चु़नीकु नङ डोक्‍पु दु़म्‍नु़ र्‍वाक्‍साका गुइ “आमेन” र्‍वाकी।

थु़र्मा 9:31

मेकोतिमा यहूदिया, गालील, सामरियाडाम खोत्‍ले मण्‍डलीडाम मु़चु़मिम उनी न भ्रसिक्‍तो बाम्‍डी। मेर्मिमका माम्‍चु़नीकु ङिम जु़ल्‍मिडी, मा माम्‍चु़नी-पेललामका उनी सो हन्‍डामा बर्तो लम्‍डी।

मत्ती 12:33

“जो़पा मा ल्‍वा ल्‍वामु न बोनी माला धक्‍सालाई जो़पा बेनी। इनी धक्‍साङा मेजो़पा बु माला मेरामडा मेजो़पा मा सिडु़। मेरामडा सिडु़मिम मालामकाङा मे धक्‍सा छेडी।

हिब्रू 6:9

द्‌वादीबुङ वा-ल्‍वाकनी, गुकु आरेसाका र्‍वाकु लोवो गानीडला आरेप्‍माम दु़म र्‍वाक्‍साका थो़र मेबोकु। लावो गानी सेल्‍सिनी मा हापा जो़पा ल्‍वामिम ल्‍वानी र्‍वाक्‍साका थो़र बोकु।

१ पत्रुस 1:15

लावो गानीलाई येट्‌पा माम्‍चु़नी सेपा बुमिमिम होप्‍माङा गानी वो खोत्‍ले इनी खारी बेसीडा मेजो़पा ल्‍वाडाम वाङ दु़म्‍नी।

१ पत्रुस 1:17

माम्‍चु़नीडा गानी सो़म्‍दी बोनिलो गुमीलाई पाप र्‍वानी, गुमीका निया वो बोमी। गुमीका चोमिक्‍सी मेबेसाका मेर्मिमका बेम्‍डिम खारी होम्‍साका खोत्‍ले मु़चु़मिमकु निया बोमी। मेम्‍मिमका ओराम सुबुडा वाङथो़लाम रोक्‍पा होङङा बुनिलो माम्‍चु़नीलाई डोक्‍पु मिम्‍साका उनीमा ङिम जु़ल्‍निमा बानी।