२ कोरिन्‍थी 6:7 - थुलुङ राई

⁷ आच्‍छाङाकाम सिजेम नुङ माम्‍चु़नीकु यु़मका उनीमा खारी बेपा मु़चु़ र्‍वाक्‍साका रेम्‍बोकु। गुइलाई बोपा-थार्पा मा क्‍वाल्‍बा बेपा इकीमा गिजो-वाजो र्‍वाक्‍मा ने माम्‍चु़नीकु ङादोडा जो़पा दु़म्‍साका खारी बोमु सो़।

२ कोरिन्‍थी 6:7 Referans Kwoze

२ कोरिन्‍थी 4:2

गुकु क्रो़म लु़पा नुङ थसिसाका बेपा खारी मेबोकु। गुकु लु-फेले वो मेबोकु, मा माम्‍चु़नीकु सिजेम वो मेफाल्‍कु। लावो गुकु आच्‍छाङाकु सिजेम जो़होमका सीकुमी, मा माम्‍चु़नीकु ङादोडा गुकु हेप्‍माम मु़चु़ बुकु रेछा र्‍वाक्‍पा ल्‍वा खोत्‍ले थो़रलु़इमिम मु़चु़मिमका उनीमा न-गोडा चमु चाम्‍मी।

२ तिमोथी 2:15

माम्‍चु़नीकु आच्‍छाङाकाम सिजेम चङको-चङको सीपा, त्‍वाकु खारीडा क्रो़मलु़मु मेबासिक्‍पा खारीचो़ होङङा माम्‍चु़नीका बिम्‍सिप्‍मिमिम खारी छो़म बे।

याकूब 1:18

गुइ गुमीका प्रङ्‌मिडिमगोडाम खोत्‍लेडाम डोक्‍पु दु़म्‍सिनु़ र्‍वाक्‍पा नका गुमीका आच्‍छाङाकाम सिजेमका कक्‍साड्‌डामी।

२ तिमोथी 4:7

गो जो़पा क्‍वाल्‍बा बेउतोम बु, मा ओराम खारीकु ओन्‍सी ओन्‍सोमु दु़म्‍तोम बु, आमा थो़र जो़होमका जु़ल्‍तोम बु।

१ थेसलोनिकी 5:8

लावो गुइ ने नेम्‍फुम मु़चु़ सो़, मेम्‍मिमका त्‍वापलाई जो़होमका जु़ली, येशूडा थो़रलु़मुम बुमु मा वाङमिमलाई रिखाम बोमुम बुमु लागि बोपा-थार्पा धक्‍चीख्रेम फम्‍सिमु बासी। मेम्‍मा येशूका सेल्‍सामी र्‍वाक्‍पा नाका बोपा-थार्पा खुचु़खुम खुम्‍सिमु बासी।

एफिसी 3:20

गुइगोडा खारी बेपा उनीमा यु़मलामका गुइ मिम्‍डिम नुङ बिइडिमडाम वो हापा ग्‍वामु चापा माम्‍चु़नीकु नङ,

२ कोरिन्‍थी 13:4

आच्‍छाङा मेचाप्‍सीडा गुमी क्रूसडा चेन्‍ला सो़सिम्‍डी, लावो माम्‍चु़नीकु यु़मका गुमी नु़पाङा बुमी। गुकु वो गुमी होङङा मेचापा दु़म्‍कु, लावो माम्‍चु़नीकु यु़मका गुकु वो गुमीनुङङा नु़साका गानीगोडा खारी बोकु।

एफिसी 1:13

मेम्साका गानी वो आच्‍छाङाकु सिजेम, सेल्सिक्‍पा जो़पा-सेला थो़न्‍निमा ख्रीष्‍टडा थो़र बेन्‍नी। मेम्मिमका माम्‍चु़नीका ङादो याचे जेम्‍डिम माम्‍चु़नी-पेल गानीलाई ग्‍वाक्‍साका उनीमा मु़चु़ र्‍वाक्‍पा छाप ओप्‍मिडिम बु।

२ कोरिन्‍थी 7:14

इनीमा दुथाम गो तीतसनुङ डोक्‍पु ल्‍वा बेउतोम बाइडा, मा ओराम ल्‍वाडा गो ङाली डमु बासिक्‍पा मेदु़बेट्‌ङिनिवा। गो गानीनुङ हेल्‍लो लोवो आच्‍छाङाकाम ल्‍वा सो़उतोम बाइडा। मेम्‍साकाङा गो तीतसनुङ डोक्‍पु ल्‍वा बेउतोम वो आच्‍छाङा रोक्‍थिड्‍डा।

हिब्रू 2:4

माम्‍चु़नीका वो छेखोपमिम, हापा खालकाम हेल्‍लो वो मेल्‍वाम्‍मा खारीमिम नुङ यु़मनुङमा खारीमिम रेम्‍बेसाका, मा उनी नकाङा मेर्मिमलाई दो़म्‍साम्‍डिम माम्‍चु़नी-पेलकु राप्‍लावामिमलाम ओराम ल्वा आच्‍छाङा र्‍वाक्‍साका रेम्‍बेम्‍डी।

कलस्‍सी 1:5

इनीमा लागि पाह्रीला जु़ल्‍थाप्‍मा ल्‍वा ल्‍वापा न बोनिमिमलामका मेराम थो़र नुङ रिखाम लु़मिम सो़। मेम्‍मा मेराम ल्वामुकु दुथाम आच्‍छाङाकु सिजेम, जो़पा-सेलालामका गानी थो़मु दु़म्‍निम बु,

एफिसी 4:21

आच्‍छाङा गानी उनीमा सीसि थो़न्‍निमा उनीमा सीसिपा दु़म्‍निमका येशूकाम आच्‍छाङाकाम ल्‍वा सीन्‍सिट्‌नी।

१ कोरिन्थी 1:24

लावो यहूदीमिम दु़म्‍नु़का वाङसामामिम, माम्‍चु़नीका येट्‌मिडिमिमकाम लागि ने ख्रीष्‍टङा माम्‍चु़नीकु यु़म नुङ नेप्‍ची सो़।

थु़र्मा 11:21

मे थो़रलु़पामिमडला माम्‍चु़नीकु यु़म बाइडा, मा मे वाङसामामिम हापाका ङा थो़र लु़म्‍डिमा माम्‍चु़नीथो़ ख्‍लोम्‍सिम्‍डी।

मर्कूस 16:20

मेकोतिमा मे सीसिपामिम खोत्‍लेथो़ लम्‍डिमा मु़चु़मिमलाई जो़पा-सेला थो़बेन्‍मु चो़म्‍मिडी। मेकोतिलो माम्‍चु़नीका वो मेर्मिमनुङ दु़म्‍साका खारी बोमु चो़म्‍मिडी, मा छेखोपका मेराम ल्‍वा आच्‍छाङा रेछा र्‍वाक्‍पा रेम्‍बेम्‍डी। आमेन]

२ कोरिन्‍थी 2:17

वाङमिम हापा मु़चु़मिमका खाप्‍ची डु़म्‍मु लागि बेम्‍डिम होङङा माम्‍चु़नीकु सिजेम भ्रेट्‌पा मु़चु़ गुकु मेएँ, लावो गुकु ने माम्‍चु़नीका थु़र्तिकिम मु़चु़ सो़, मा माम्‍चु़नीकु ङादोडा गुकु ख्रीष्‍टकु डु़ल्‍चो़ दु़म्‍साका उनीमा सिजेम आच्‍छाङा जेकु।