२ कोरिन्‍थी 6:6 - थुलुङ राई

⁶ गुकु मेख्‍लो़ट्‌पा दु़म्‍साका, थेसीथेट्‍पा नेप्‍चीका, इम्‍सी नुङ न-थो़म रेम्‍बेसीडा, माम्‍चु़नी-पेलडा, आच्‍छाङाकाम रिखामका,

२ कोरिन्‍थी 6:6 Referans Kwoze

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

एफिसी 4:32

लावो न-थो़मनुङमा दु़म्‍नी मा कोलेका कोङमीलाई रिखाम बेबेनी। माम्‍चु़नीका गानीलाई ख्रीष्‍टलामका पाचो ग्‍वानिमिम होम्‍साका इनी त्‍वापगोडा पाचो ग्‍वाबेनी।

एफिसी 4:2

हेल्‍लो लोवो याक्‍के दु़म्‍पा, मेक्रोक्‍पा मा इम्‍साका कोलेका कोङमीलाई रिखाम बेबेनी।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

गलाती 3:5

माम्‍चु़नीका गानीलाई माम्‍चु़नी-पेल ग्‍वानिमी मा गानीगोडा हेल्‍लो वो मेल्‍वाम्‍मा यु़मखारीमिम बोमी, हाम ओर्मिम खोत्‍ले गानी डु़म्‍ला होम्‍साका खारी बेन्‍निमका आरे बेम्‍डिम डे, गानी थो़न्‍निम जो़पा-सेलाडा थो़र लु़न्‍निमका डे?

२ कोरिन्‍थी 12:15

गानीलाई जो़पा दु़म्‍नु़ र्‍वाक्‍साका गोनुङ बाट्‍पा खोलेम थोक गेर्सी द्‍वाक्‍तो ग्‍वानिनी मा गो आ त्‍वापलाई ङा वो ग्‍वानिनी। गो गानीलाई ओकोति छो़म रिखाम बोनिनी माला गानी ने गोलाई कि-कि कोङङा रिखाम बोङिनी मा?

२ कोरिन्‍थी 11:11

हेङा गो आरे बेउतोम? गो गानीलाई रिखाम मेबोनिनिमिमका मा? गो गानीलाई रिखाम बोनिनी र्‍वाक्‍पा ल्‍वा माम्‍चु़नीका चमी।

२ कोरिन्‍थी 11:6

गो जो़होमका जेमु मेथेट्‌पा बुङु लोवो गोनुङ नेप्‍ची बु। ओराम नेप्‍ची गुकु हेल्‍लो लोवो खोत्‍ले खारीडा गानीलाई जो़होमका रेम्‍बेत्तोकोम बु।

२ कोरिन्‍थी 11:4

कोङनिम मु़चु़ इनीमाडा रोम्‍डिमा गुकु र्‍वाक्‍तोकोमडाम वो वाङमिङा येशूकु दुथाम सो़म्‍डी माला गानी गेर्सी द्‍वाक्‍तो थो़नी रेछा। ङादो गानी ल्‍वान्‍निम पेल नुङ जो़पा-सेलाडाम वो वाङमिङा पेल नुङ वाङमिङा सेला गानी जो़होमका ङा रनी रेछा!

२ कोरिन्‍थी 7:2

गुकुलाई इनीमा न-गोडा बुमु ग्‍वाक्‍की। गुकु सु़लाई वो मेजो़पा बेत्तोकोम मिबु। गुकु सु़लाई वो ताङताहेरथो़ लक्‍तोकोम मिबु। गुकु लिमा-प्‍वालेम थेसाका सु़काम हाम वो पेत्तोकोम मिबु।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

२ कोरिन्‍थी 3:3

आच्‍छाङा गानी ने ख्रीष्‍टका र्‍याम्‍डिम सेलाखाजेम सो़, मा मेराम सेलाखाजेम रेट्‍पा गुकु ङा। ओराम सेलाखाजेम गेलोङका र्‍याक्‍मा मेएँ, लावो नु़पा माम्‍चु़नीकु पेललामका र्‍याक्‍मा सो़। लुङकु र्‍याखोपडा मेएँ, लावो न-गोडा र्‍याक्‍मा सो़।

२ कोरिन्‍थी 2:4

आमा गो छो़म ख्राप्‍तो आमा न मेभ्रसिक्‍तो नुङ छो़म प्‍ल डक्‍तो गानीलाई मेराम सेलाखाजेम र्‍याक्‍तोम बाइडा। गो इनीमा न नो़बेन्‍मु माल्‍तोम मेएँ, लावो गो गानीलाई हाङकोम रिखाम बोनिनी मेराम गानीलाई चबेन्‍मु आमा न बाइडा।

१ कोरिन्थी 13:4

रिखाम इम्‍मु चापा नुङ न-थो़मनुङमा दु़म। रिखामका नाचु़र मेबु़, डोक्‍पु मेलिसी, नो़ मेल्‍वाक्‍थाडु़।

१ कोरिन्थी 2:16

माम्‍चु़नीकु सिजेमका आरे र्‍वा, “सु़का ङाचो़कु न च? सु़का गुमीलाई सीमु चाप्‍सु़?” लावो गुइनुङ ने ख्रीष्‍टकु न बु।

रोमी 12:9

मु़चु़कु मिक्‍सीलामडा रेम्‍बेपा रिखाम मेएँ लावो आच्‍छाङाकाम बेपा दु़म्‍नी। मेजो़पा ल्‍वा ङेट्‌निमा जो़पा ल्‍वा बेनिम बानी।

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

१ तिमोथी 4:12

स्‍वाला र्‍वाक्‍साका गानालाई सु़का वो याक्‍के मेमिम्‍नामिनु़, लावो थो़रलु़पामिमकु ङादोडा सिजेमडा, खारी बेसी नुङ रिखामडा, थो़रडा नुङ नडा जो़पा दु़म्‍साका रेम्‍बेसा।

१ थेसलोनिकी 2:10

गानी थो़रलु़पामिमनुङ बात्तोकोलो गुकु सेपा मु़चु़, माम्‍चु़नीकु ङादोडा जो़पा दु़म्‍पा, मा हाम वो मेख्‍लो़ट्‌पा बात्तोको। मेराम ल्‍वापा गानी बुनी मा माम्‍चु़नी वो बुमी।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

एफिसी 3:4

गो र्‍याक्‍तोम ल्‍वा गानी डाट्‌नी माला ख्रीष्‍टकु दुथाम सु़का वो मेचक्‍मिवाम ल्‍वा आच्‍छाङा गो चक्‍पु र्‍वाक्‍साका गानी थेसिथेनी।

गलाती 3:2

गानीनुङ गो कोले कोङङा ल्‍वा हिलाबेपा न बु, माम्‍चु़नी-पेल गानी डु़म्‍ला होम्‍साका खारी बेसाका ल्‍वान्‍निम डे, जो़पा-सेलाडा थो़र लु़साका ल्‍वान्‍निम डे?

१ कोरिन्थी 2:4

आमा सिजेम नुङ गो दो़उतोम ल्‍वा मु़चु़लाई नडा लक्‍पा नुङ नेप्‍चीनुङमा मेबायावा, लावो मेर्मिम ल्‍वाडा ने माम्‍चु़नी-पेलकु यु़म आच्‍छाङा रेम्‍बेसिड्‍डाम बाइडा।

रोमी 15:19

छेखोपमिम, हेल्‍लो वो मेल्‍वाम्‍मा यु़म खारीमिम मा माम्‍चु़नी-पेलकु यु़मलामका गो यरुशलेमडाम्‍मा इल्‍लुरिकन र्‍वाक्‍मा नेब्‍दीसम्‍म येशू ख्रीष्‍टकु दुथाम जो़पा-सेला जो़होमका दो़उतोम बु।

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

तीतस 2:7

खोत्‍ले जो़पा खारी बेत्तो मेर्मिमकु ङादोडा रेम्‍बेपा मु़चु़ गाना दु़म्‍सा। गाना मेर्मिमलाई सीनामिलो इमा न-गो जो़पा नुङ डोक्‍पु र्‍वाला सो़सिक्‍पा,

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।

२ तिमोथी 3:10

आथा ने गाना आमा सीसि, आमा दोसी, गो बोमु मालुमिम ल्‍वा, आमा थो़र, आमा इम्‍सी, आमा रिखाम, मा आमा न कोलेङा बु र्‍वाक्‍पा चनामिमङा बु।

१ तिमोथी 5:2

ङामी मेसेममिमलाई त्‍वाकु माम होङ्‍ङा नुङ स्‍वालामेमिमलाई जो़पा नका त्‍वाकु मेसेम ल्‍वाक होङ्‍ङा बेमी।

कलस्‍सी 2:3

ख्रीष्‍टङा माम्‍चु़नीकु न नुङ नेप्‍ची थेसिथेन्‍बेट्‌पा बुमी। मे न नुङ नेप्‍ची ने थक्‍मा खाप्‍ची होप्‍माम बु।

१ कोरिन्थी 12:8

कोङनिमलाई माम्‍चु़नी-पेललाम नेप्‍चीकु ल्‍वा जेपा, कोङनिमलाई मेरामङा पेललामका नकु ल्‍वा जेपा,

२ कोरिन्‍थी 1:23

माम्‍चु़नीलाई आमा दुथाम सो़पा मिम्‍साका गो आच्‍छाङा र्‍वाङु, गानीलाई आथावो हापा दु़खा मेग्‍वानिनी र्‍वाक्‍साका गो कोरिन्‍थडा ख्‍लोसिक्‍साका मेरोङुवा।

२ कोरिन्‍थी 2:10

गानी कोङनिमलाई पाचो ग्‍वानी माला गो वो मेरामलाई पाचो ग्‍वाक्‍पु। कोङनिम मु़चु़लाई कोङनिम ल्‍वाडा गो पाचो ग्‍वाक्‍तोम बु माला येशू ख्रीष्‍टकु ङादोडा इनीमा लागिङा पाचो ग्‍वाक्‍पु।

२ कोरिन्‍थी 13:10

इनीमाडा रोमु ङादो गो ओराम ल्‍वा र्‍याक्‍तोङा लेट्‌पु। गो इनीमाडा रोङुमिम चङडा गानीलाई इम्‍मु मेझापा देन्‍दे ग्‍वामु मेबासिनु़। गानीलाई फाल्‍मु लागि मेएँ, लावो सोनुङमा दु़म्‍बेन्‍मु लागि ङाचो़का गोलाई ग्‍वाङडिमिम साखाम थो़मु न बेउ।

याकूब 3:17

लावो पाह्रीलामका योक्‍पा नेप्‍ची ने ङादोङा सेपा दु़म। मेकोतिमा मेराम न भ्रसिबेट्‌पा, याक्‍के दु़म्‍पा, खोत्‍लेनुङ दु़पा, छो़म न-थो़मनुङमा दु़म्‍साका जो़पा खारी बेपा, चोमिक्‍सी मेबेपा, मा हेल्‍लो लोवो वाङमिम मु़चु़कु दुथाम मिम्‍पा दु़म।