२ कोरिन्‍थी 6:18 - थुलुङ राई

¹⁸ गो इनीमा पाप दु़म्‍ङु, मा गानी आमा जाउमो-तारापाचो़मिम दु़म्‍नी, खोत्‍लेडाम घ्‍ल्‍वापा मिप्रङमाका र्‍वामी।”

२ कोरिन्‍थी 6:18 Referans Kwoze

रेम्‍बेट्‌मिडिम ल्‍वा 21:7

उहेम घ्‍ल्‍वा, ओर्मिम खोत्‍ले मेरामकाम दु़म मा गो मेरामकु माम्‍चु़नी दु़म्‍ङु मा मेराम आमा चो़ दु़म।

यूहन्‍ना 1:12

लावो गुमीलाई हुनाखाना बेपा, मा गुमीडला थो़र लु़पामिम खोत्‍लेलाई गुमीका माम्‍चु़नीकु चो़मिम दु़म्‍पा साखाम ग्‍वाम्‍डिमी।

रेम्‍बेट्‌मिडिम ल्‍वा 1:8

खोत्‍लेडाम घ्‍ल्‍वापा मिप्रङमा माम्‍चु़नीका आरे र्‍वामी, “खोत्‍ले चो़म्‍सी बेट्‌पा नुङ हुक्‍सोक्‍पा अल्‍फा नुङ ओमेगा गोङा सो़। गो ओम्‍लो वो बुङु, ङादो वो बाङडो मा रोमु खापु।”

रोमी 8:29

उहेम-उहेमलाई माम्‍चु़नीका छेट्‌मिडिम बु, मेर्मिमलाई गुमीका उनीमा तारापाचो़ ख्रीष्‍ट येशू होप्‍माम दु़म्‍बेन्‍मु लागि हापा वा-ल्‍वाकमिमगोडाम खोत्‍लेडाम ङादोम तारापाचो़ ने येशू ख्रीष्‍टङा दु़म्‍मिनु़ र्‍वाक्‍साका गुमीलाई थुट्‌मिडी।

गलाती 3:26

थो़रलामका गानी खोत्‍ले येशू ख्रीष्‍टडा माम्‍चु़नीकु चो़-चु़सु़ दु़म्‍निम बु,

एफिसी 1:5

भ्रसिक्‍साका उनीमा न होम्साका येशू ख्रीष्‍टलाम गुइ उनी त्‍वाकु चो़मिम दु़म्सिनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

रेम्‍बेट्‌मिडिम ल्‍वा 21:22

मेराम शहरडा गो सो़रनेम मेल्‍वाउवा, हेङालोने खोत्‍लेडलाम यु़मनुङमा मिप्रङमा माम्‍चु़नी नुङ भेन्‍दाचो़ङा शहरडाम सो़रनेम सो़।

रोमी 8:19

सु़म्‍दिसेरडा प्रङ्‌सिट्‍पा खोत्‍लेम थोकका माम्‍चु़नीकु तारापाचो़मिम रेम्‍बेसिक्‍पा थारी नगोडा छो़म लन्‍थामी।