२ कोरिन्‍थी 6:16 - थुलुङ राई

¹⁶ माम्‍चु़नीकु सो़रनेम गोडा ङाटामिम हेसाका दु़म मा? हेल्‍लो वो मेसिपा माम्‍चु़नी बुमी, मा उनीमा सो़रनेम ने गुइ ङा सो़। गुमीका आरेसाका र्‍वाम्‍डिम बु: “गो मेर्मिमकाडा बुङु, मेर्मिम गोडा लाम्‍दिङु, मा गो मेर्मिमकु माम्‍चु़नी दु़म्‍ङु, मेम्‍मा मेर्मिम आमा मु़चु़ दु़म्‍मी।”

२ कोरिन्‍थी 6:16 Referans Kwoze

रेम्‍बेट्‌मिडिम ल्‍वा 21:3

मेम्‍मा साखाम थो़पा गन्‍खोपलामका आरे र्‍वाक्‍पा डोक्‍पु लो़लाम गो थो़उतो, “रेप्‍नी, माम्‍चु़नीकु बाखोप मु़चु़मिमनुङ बु, मा गुमी मेर्मिमनुङ बुमी। मेर्मिम उनीमा मु़चु़मिम दु़म्‍मी मा माम्‍चु़नी उनी त्‍वापङा मेर्मिमकु माम्‍चु़नी दु़म्‍साका मेर्मिमनुङ दु़म्‍मी।

हिब्रू 8:10

मिप्रङमाका आथावो र्‍वामी, रोक्‍पा थारीका इस्राएलडाम मु़चु़मिमनुङ गो ओराम सो़रख्रेपु, मेर्मिमकु नगोडा आमा डु़म्‍ला जु़लु मा उनीमा नगोनो र्‍याक्‍साक्‍पुमी, गो मेर्मिमकु माम्‍चु़नी दु़म्‍ङु मा मेर्मिम आमा मु़चु़ दु़म्‍मी।

१ कोरिन्थी 6:19

इनी मिरो़म माम्‍चु़नी पेलकु सो़रनेम सो़, मेराम पेल गानीगोडा बुमी, मेराम माम्‍चु़नीलाम ल्‍वान्‍निम र्‍वाक्‍पा हाम गानी मेचनी? गानी इनी त्‍वाप ने इनी त्‍वाकामङा मेएँ।

रोमी 8:11

ख्रीष्‍टलाई सिमुलाम फम्‍खेट्‍पा माम्‍चु़नी-पेल गानीगोडा बुमी माला, मेराम पेलका इनीमा सिपा मिरो़मलाई वो सिमुलाम त्‍वारो़म ग्‍वानिमी।

रेम्‍बेट्‌मिडिम ल्‍वा 21:7

उहेम घ्‍ल्‍वा, ओर्मिम खोत्‍ले मेरामकाम दु़म मा गो मेरामकु माम्‍चु़नी दु़म्‍ङु मा मेराम आमा चो़ दु़म।

१ यूहन्‍ना 4:15

कोङ मु़चु़का येशू माम्‍चु़नीकु तारापाचो़ र्‍वाक्‍साका थो़र बु़ माला माम्‍चु़नी मेराम मु़चु़नुङ दु़म्‍मी मा मेराम मु़चु़ माम्‍चु़नीडा दु़म।

एफिसी 3:17

गानी थो़र बेनिम बानी मा ख्रीष्‍ट इनीमा नगोडा बुमिनु़म बुमिनु़, रिखामडा फ्रु़प क्रोसिसाका गानी होनो आथो़ मेदु़म्‍पा डोक्‍पु थो़रनुङमा दु़म्‍नी,

यूहन्‍ना 6:56

उहेमका आमा मिरो़म पु़, मा आमा सिसि डुङु़, मेराम मु़चु़ गोनुङ दु़म, मा गो गुनुङ दु़म्‍ङु।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

१ पत्रुस 2:5

गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।

२ तिमोथी 1:14

गुइनुङ बाट्‌पा माम्‍चु़नी-पेललाम ख्‍लो़ला सो़क्‍सिका गानालाई जु़ल्‍मु ग्‍वाक्‍मा आच्‍छाङाकाम सीसि जो़होमका बोथाडा-थार्थाडा।

१ यूहन्‍ना 4:12

सु़का वो हेल्‍लो वो माम्‍चु़नी ल्‍वाम्‍डिम मिबु, लावो गुइ रिखाम बेबिइडी माला माम्‍चु़नी गुइगोडा बुमी, मा गुमीका गुइगोडा बोमु न बोमिमिम होङङा उनीमा रिखाम दु़म।

रोमी 9:26

“मेम्‍मा गानी आमा मु़चु़ मेएँ र्‍वाक्‍मामिम ङा हेल्‍लो लोवो दु़म्‍पाम बाट्‍पा माम्‍चु़नीकु चो़-चु़सु़ र्‍वाक्‍साका छेला सो़सिनी।”

रोमी 8:9

आच्‍छाङा माम्‍चु़नीकु पेल गानीगोडा बुमी माला गानी त्‍वाकु मिरो़मगोडाम साखामडा मेएँ माम्‍चु़नी-पेलकु साखामगोडा दु़म्‍नी। कोङनिमनुङ ख्रीष्‍टकु पेल मिबु माला गु ख्रीष्‍टकाम दु़म्‍मु ङा मेचाप्‍सु़।

एफिसी 2:20

गानी ने नेम होप्‍माम सो़ मा मेराम नेमकु जग ने थु़र्मामिमनुङ माम्‍चु़नीलाम जेपामिम ङा सो़, ख्रीष्‍ट येशू उनी त्‍वाप ने मेराम नेमकु जगडाम डोक्‍पु लुङ सो़।

मत्ती 6:24

“सु़का वो नले नेमहपचिपकु चापे-डुपे बोमु मेचाप्‍सु़। मेरामका कोलेलाई रिखाम बु़, मा कोङमीलाई मेद्‌वाकु़। मेराम डु़ल्‍चो़ कोले नेमहपकु ल्‍वाडा दु़म, मा कोङमीलाई हाम ना हामकाम मिम्‍डु़। मेम्साका गानी वो माम्‍चु़नी नुङ खउलुङलाई कोयो डोक्‍पु मिम्‍साका निफिलाई सेव सान्मु मेचाम्‍नी।

रेम्‍बेट्‌मिडिम ल्‍वा 2:1

“एफिसस मण्‍डलीडाम पाह्रीचो़लाई ओराम ल्‍वा र्‍याका: येतले सोरलुङमिम उनीमा जो़प ल्‍वालाम जेथाक्‍पा मा सो़नाकाम येतले धिप्‍री चाखोपमिमकु थेतेगोलाम लाम्‍दिपाका आरे र्‍वामी।

मत्ती 16:16

सिमोन पत्रुसका र्‍वाक्‍ता, “गानी ख्रीष्‍ट, हेल्‍लो लोवो बाट्‌पाम बाट्‌पा माम्‍चु़नीकु तारापाचो़।”

यूहन्‍ना 14:23

येशूका मेरामलाई सिख्‍लोम्‍डिमा र्‍वाम्‍डी, “उहेमका गोलाई रिखाम बोङि, मेरामका आमा सीसि थो़सु़। आमा पापका मेरामलाई रिखाम बोमी, मा आमा पाप नुङ गुचुकु मेरामकाडा रोचुकुमा मेरामकाडा बुचुकु।

१ कोरिन्थी 10:21

गानी ङाचो़कु कान्‍चु़रे नुङ मुनाङकु कान्‍चु़रे निफिलामका डुमु मेचाम्‍नी। गानी ङाचो़कु पेखोप नुङ मुनाङकु पेखोप निफिलामका पोमु मेचाम्‍नी।

एफिसी 2:22

गानी वो ख्रीष्‍टनुङ कोदेप दु़म्‍साका वाङमिम खोत्‍लेनुङ कोयोङा माम्‍चु़नी-पेललामका माम्‍चु़नी बाट्‍पा खोम दु़म्‍तो लक्‍नी।

१ तिमोथी 3:15

गो रोमु छु़ङ्‌डो माला माम्‍चु़नीकु नेमडा गाना हा-हाम बोमु बासी ओरामलामका थेना। ओराम नेम र्‍वाक्‍मा हेल्‍लो लोवो बुमिमिम माम्‍चु़नीकु मण्‍डली, माम्‍चु़नीलाम रोक्‍पा आच्‍छाङाकु सिजेम झेथाक्‍पा नुङ बाट्‌पाम बाट्‌पा थो़र लु़पामिम सो़।

याकूब 4:5

माम्‍चु़नीकु सिजेमका “गुइलाई ख्‍लो़मु माम्‍चु़नीका उनी पेल थु़र्मिडी। गुमीका गुइ माम्‍चु़नीडाम फ्‍वासिडिनु़ र्‍वाक्‍पा न मेबोमी” र्‍वाक्‍पा गानी हाम होङङा वो मेलु़नी?

लूका 5:36

मेकोतिमा गुमीका मेर्मिमलाई सीसि-सो़म्‍दी र्‍वाम्‍डी, “सु़का वो चेम्‍पामा भ्रो़ट्‌पा येडला जो़पा येका मेफिरु़। फिरु़ माला ने मे जो़पा ये आ़सी। मे जो़पा ये चेम्‍पामा भ्रो़ट्‌पा येनुङ मेघ्रेडु़।