२ कोरिन्‍थी 6:12 - थुलुङ राई

¹² गानीलाई गुकु रिखाम मेबोकुमिम मेएँ, लावो गानी डे गुकुलाई रिखाम बोमु डित्तो लक्‍निम बु।

२ कोरिन्‍थी 6:12 Referans Kwoze

२ कोरिन्‍थी 7:2

गुकुलाई इनीमा न-गोडा बुमु ग्‍वाक्‍की। गुकु सु़लाई वो मेजो़पा बेत्तोकोम मिबु। गुकु सु़लाई वो ताङताहेरथो़ लक्‍तोकोम मिबु। गुकु लिमा-प्‍वालेम थेसाका सु़काम हाम वो पेत्तोकोम मिबु।

१ यूहन्‍ना 3:17

कोङनिम मु़चु़नुङ सु़म्‍दिसेरडाम खाप्‍चीमिम बु मा थो़र लु़पा वा-ल्‍वाक खेरेला दु़म्‍पा ल्‍वासु़, मा वो मे वा-ल्‍वाकडला उ थो़म मेभ्रो़ माला माम्‍चु़नीकु रिखाम हेसाका गुगोडा दु़म मा?

फिलिप्‍पी 1:8

ख्रीष्‍ट येशूकु रिखामका गो गानीलाई हाङको मिम्‍निनी मेराम माम्‍चु़नीका चमी।

मत्ती 7:14

लावो त्‍वारो़म ल्‍वामु लाम्‍दिपा लाम्‍दी लाम्‍दिमु मेझापा बु, मा मेगोनो हुखोप लाम्‍चोको कतिभापा बु। ओराम लाम्‍दी डार्पा मु़चु़मिम ने किकि कोङङा बुमी।

२ कोरिन्‍थी 4:8

गुकु खोत्लेलामका खाल्सितोकोम बु, लावो गुकु हिल्‍सिक्‍तोकोम मिबु। गुकु हाम वो बोमु मेचापा थारी रोहोम बु, लावो आकी न सेत्तोकोम मिबु।