२ कोरिन्‍थी 6:11 - थुलुङ राई

¹¹ कोरिन्‍थडाम आमा वा-ल्‍वाकनी, गुकु हाम वो मेथक्‍साका र्‍वाक्‍तोकोम बु, इनीमा लागि आकीमा दाप होर्सिक्‍पा बु।

२ कोरिन्‍थी 6:11 Referans Kwoze

फिलिप्‍पी 1:8

ख्रीष्‍ट येशूकु रिखामका गो गानीलाई हाङको मिम्‍निनी मेराम माम्‍चु़नीका चमी।

२ कोरिन्‍थी 12:15

गानीलाई जो़पा दु़म्‍नु़ र्‍वाक्‍साका गोनुङ बाट्‍पा खोलेम थोक गेर्सी द्‍वाक्‍तो ग्‍वानिनी मा गो आ त्‍वापलाई ङा वो ग्‍वानिनी। गो गानीलाई ओकोति छो़म रिखाम बोनिनी माला गानी ने गोलाई कि-कि कोङङा रिखाम बोङिनी मा?

२ कोरिन्‍थी 2:4

आमा गो छो़म ख्राप्‍तो आमा न मेभ्रसिक्‍तो नुङ छो़म प्‍ल डक्‍तो गानीलाई मेराम सेलाखाजेम र्‍याक्‍तोम बाइडा। गो इनीमा न नो़बेन्‍मु माल्‍तोम मेएँ, लावो गो गानीलाई हाङकोम रिखाम बोनिनी मेराम गानीलाई चबेन्‍मु आमा न बाइडा।

रेम्‍बेट्‌मिडिम ल्‍वा 22:12

“रेप्‍नी, गो येशू योमुङा खापुमिम बु। पुरस्‍कार आमाडा बु मा मु़चु़का बु़डु़म खारी होङङा गो ग्‍वाक्‍पु।

फिलिप्‍पी 4:15

गानी फिलिप्‍पीडाम मु़चु़का वो चनिमिम बु, ङादो गो गानीलाई जो़पा-सेला थो़बेट्‌निनिम बिलि मा इनीमा नेब्‍दी माकेडोनिया डिट्जो़ल्‍तोमा लङडोलो आमा खेरे-खेरेडा ख्‍लो़पा गानीडाम वाङमिम कोले मण्‍डली मेबायावा।

गलाती 3:1

ए नेप्‍ची मान्‍थिम गलातियाडाम मु़चु़नी, मेजो़पा लाम्‍दीथो़ लाम्‍दिमु लागि गानीलाई सु़का कोक्‍नी? इनीमा मिक्‍सीलामडाङा येशू ख्रीष्‍ट क्रूसडा चेसिम्‍डिम ल्‍वाकु दुथाम जो़होमका र्‍वाक्‍मा बाइडा।

एफिसी 6:8

गानी ओराम ल्‍वा मिम्‍नी, गानी डु़ल्‍चो़ लोवो, मेएँ लोवो, जो़पा खारी बेपा खोत्‍लेलाई मेर्मिमकु खारी बेसी होम्‍साका ङाचो़का ग्‍वामी।

थु़र्मा 18:1

मेकोतिमा पावल एथेन्‍सलामका कोरिन्‍थ शहरडा लस्‍ता।

थु़र्मा 18:8

मे घ्रो़म्‍दीनेमडाम साखामचो़ क्रिस्‍पस नुङ उ नेमडाममिम खोत्‍लेका येशूडा थो़र लु़म्‍डी। कोरिन्‍थ शहरडाम मु़चु़मिमका वो हापाका पावलकु सिजेम थो़साका येशूडा थो़र लु़म्‍डिमा कु-रु़दु़म रम्‍डी।

गलाती 4:12

वा-ल्वाकनी, गो यहूदी डु़म्‍लाडाम वाङ दु़म्‍ङोडोमका गानी वो गो होप्‍माम मेराम डु़म्‍लाडाम वाङ दु़म्‍नी र्‍वाक्‍साका छो़म र्‍वाङु। ङादो गानी गोनुङ दु़म्‍निम थारीका आमा हाम वो मेजो़पा बेन्‍निम मेबायावा।

एफिसी 6:19

मेकोतिमा गो जेमु खापुलो माम्‍चु़नीका उनीमा सिजेम ग्‍वाङिमिनु़, मा ङादो सु़का वो मेचक्‍मिवाम जो़पा-सेला वाङमिलाई मेङिसाका थेसीथेन्‍बेन्‍मु चापुनु़ र्‍वाक्‍साका आमा लागि सो़म्‍दी बेनी।