२ कोरिन्‍थी 6:10 - थुलुङ राई

¹⁰ न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।

२ कोरिन्‍थी 6:10 Referans Kwoze

यूहन्‍ना 16:22

मेम्‍साकाङा ओम्‍लो इनीमा न-गो ख्राम, लावो आथावो गो गानीलाई रेम्‍निनी, मा इनीमा न-गो भ्रसी। मेराम इनी न-गो भ्रसी सु़का वो गानीलाम मेरोनिमी।

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

रेम्‍बेट्‌मिडिम ल्‍वा 2:9

गो इमा थो़मतेर्सिड्‍डाम चक्‍पु, गानानुङ हाम वो मिबुमिम वो चक्‍पु, लावो पाह्रीला ने गाना खोत्‍लेका लिट्‌पा बुना। इमा दुथाम मेजो़पा जेपा मेर्मिम मु़चु़लाई गो छेपुमी। मेर्मिमका उनी त्‍वाप ने माम्‍चु़नीकु मु़चु़ यहूदी र्‍वामी, मेर्मिम यहूदी मेएँ लावो मेर्मिम ने शैतानकु घ्रो़म्‍दीनेम सो़।

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

हिब्रू 10:34

चसिक्‍पामिमडला इनीमा थो़म भ्रो़स्‍ताम बाइडा मा इनीमा खाप्‍ची रोट्‌निमिलो गेर्सिद्‌वाक्‍तो बिन्‍सिट्‌निम बाइडा। हेङालोने इनी त्‍वाकाडाङा खोत्‍लेडाम जो़पा नुङ हेल्‍लो वो मेहुक्‍पा खाप्‍चीमिम बु र्‍वाक्‍पा चक्‍निम बाइडा।

१ तिमोथी 4:8

मिरो़मका सीसि-चेसीमिम कि-किवा थिकाम कोङङा दु़म, लावो माम्‍चु़नीकु न होङ्‍ङा बोमु ने हापा थिकाम दु़म। हेङालोने माम्‍चु़नीकु न होङ्‍ङा बेसीडा ओम्‍लोम नुङ दिफुम त्‍वारो़म ग्‍वानिनी र्‍वाक्‍साका माम्‍चु़नीका याचे जेम्‍डिम ल्‍वा बु सो़।

फिलिप्‍पी 4:4

ङाचो़ येशूडा हेल्‍लो लोवो भ्रन्‍सिट्‌नी। आथावो गो र्‍वाङु, भ्रन्‍सिट्‌नी।

१ थेसलोनिकी 1:6

ङाचो़ येशू नुङ आकीमा बेसी बेपा गानी दु़म्‍नी। छो़म इम्‍मु मेझापा दु़खाडा लोवो माम्‍चु़नी-पेलका गेर्सी बेट्‌निमका गानी सिजेम रन्‍नी।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

फिलिप्‍पी 2:17

माम्चु़नीडा इनीमा थो़र नुङ बोनिमिम खारी ने गुमीलाई ग्‍वामा सासेन्मु होप्माम बु। आमा त्वाकु सिसि मेराम सासेन्मुडला अम्‍सिमुङा बासी लोवो गेर्सिक्‍पा बुङु, मा गानी खोत्‍लेनुङ भ्रसिद्‌वाङु।

रोमी 11:12

इस्राएलीमिमका थो़रमेलु़मिवालो वाङसामा नुङ सु़म्‍दिसेरडाम खोत्‍ले मु़चु़मिम सेल्‍सिम्‍डी यहूदीमिम खोत्‍लेका थो़रलु़मिवाम माला ने ओरामडाम वो हापा जि मेल्‍वामिवा मा?

१ पत्रुस 4:13

लावो ख्रीष्‍टका होङङा गानी वो दु़खा ल्‍वानिलो इनी न भ्रसिनु़। मेम्‍मा उनी यु़म-झ्‍वाक्‍सीडा गुमी रेम्‍बेम्‍सिमिलो गानी छो़म गेर्सी द्‌वाक्‍नी।

२ कोरिन्‍थी 4:7

माम्‍चु़नीलाम झ्‍वाक्‍पा ओराम ओलकु खाप्‍ची गुकुनुङ बु, लावो क्‍वाकु सोजाम होप्‍माम गुकुगोडा मेराम खाप्‍ची जु़ल्‍मा बु। ओरामलामका आरे र्‍वाक्‍साका थेसिथेडी, आरेप्‍माम डोक्‍पु यु़म ने गुकुलाम मेएँ, माम्‍चु़नीलाम रो।

२ कोरिन्‍थी 2:4

आमा गो छो़म ख्राप्‍तो आमा न मेभ्रसिक्‍तो नुङ छो़म प्‍ल डक्‍तो गानीलाई मेराम सेलाखाजेम र्‍याक्‍तोम बाइडा। गो इनीमा न नो़बेन्‍मु माल्‍तोम मेएँ, लावो गो गानीलाई हाङकोम रिखाम बोनिनी मेराम गानीलाई चबेन्‍मु आमा न बाइडा।

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

रोमी 12:15

गेर्सी द्‍वाक्‍पामिमनुङ गेर्सिट्‍नी। ख्रापामिमनुङ ख्राप्‍नी।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

लूका 6:21

ओम्‍लो क्रु़मसिपा मु़चु़नी, गानी आलाकाम सो़, हेङालोने गानी इनी गोतिम्‍सिनी। ओम्‍लो ख्रापा मु़चु़नी, गानी आलाकाम सो़, हेङालोने गानी रिमु ल्‍वानी।

मत्ती 5:4

न-गोडा ख्रापामिम जिनुङमा सो़, हेङालोने माम्‍चु़नीका मेर्मिमकु न-भ्रसिबेन्मी।

१ तिमोथी 6:18

मेर्मिमका जो़पा खारी बोमिनु़, मा जो़पा खारीलाम खाप्‍चीचो़, खेरेला दु़म्‍पामिमडला न-थो़मनुङमा दु़म्‍साका छो़म ग्‍वा-ग्‍वा द्‌वाक्‍पा दु़म्‍मिनु़।

१ थेसलोनिकी 5:16

हेल्‍लो लोवो इनीमा नगोडा भ्रन्‍सिट्‌नी।

थु़र्मा 3:6

मेकोतिमा पत्रुसका र्‍वाक्‍ता, “सो़ना, मतो गोनुङ मिबु, लावो हाम गोनुङ बु, मेराम ङा ग्‍वानी। नासरतडाम येशू ख्रीष्‍टकु नङडा लाम्‍दिया!”

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

एफिसी 3:16

उनीमा हेल्‍लो वो मेहुक्‍पा जि-वाका सासाका उनीमा पेललामका गानीलाई यु़म ग्‍वाक्‍साका इनीमा न-गो सोनुङमा दु़म्‍बेन्‍मिनु़ र्‍वाक्‍साका यु़मनुङमा माम्‍चु़नीनुङ सो़म्‍दी बेउ।

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

२ कोरिन्‍थी 4:15

गुकु दु़खा ल्‍वात्तोकोम ओर्मिम खोत्‍ले ल्‍वाका ने गानीलाई जो़पा दु़म्‍नु़ र्‍वाक्‍साका दु़स्‍ताम सो़। मेम दु़स्‍तामका हापा मु़चु़मिमका माम्‍चु़नीकु दिदाम ल्‍वामी मा मेर्मिम खोत्‍लेका माम्‍चु़नीकु नङ डोक्‍पु बोमु लागि गुमीलाई आलासो़ ग्‍वामी।

१ कोरिन्थी 1:5

हेङालोने ख्रीष्‍टडा गानी खोत्ले ल्वाडा जेमु मा खोत्ले ल्वा सो़मु चापा नेप्‍चीकु जि-वा ल्वान्‍निम बु।

रोमी 9:2

आमा द्‍वादीबुङ इस्राएली वा-ल्‍वाकमिमकाम लागि आमा थो़मबोक घ्रु़पा बु।

रोमी 8:32

माम्‍चु़नीका उनीमा तारापाचो़लाई वो मेडिट्‌मिवा मा इकीमा लागि सासेट्‌मिडी। इकीमा लागि उनीमा तारापाचो़ङा सासेट्‍पा माम्‍चु़नीका गुमीनुङ बाट्‍पा खोलेम थोक गुइलाई मेग्‍वाक्‍सामी मा?

थु़र्मा 16:25

सिन्‍थाम को-न (१२) जेस्‍ताम बिलि पावल नुङ सिलासका सो़म्‍दी बेत्तो माम्‍चु़नीकु काम्‍सो बेच्‍चिम बाच्‍ची, मा वाङमिम चक्‍मामिमका ने मेराम थो़म्‍डिहोम बाम्‍डी।

मत्ती 5:12

इनी न-भ्रसिबेट्‌निमा छो़म गेर्सिद्‌वानी, हेङालोने पाह्रीला गानी डोक्‍पु पुरस्‍कार ल्‍वानी। माकेम माम्‍चु़नीलाम-जेपामिमलाई वो मेर्मिमका आरेसाकाङा उनी थो़मतेर्साम्‍डिम बाइडा।

रेम्‍बेट्‌मिडिम ल्‍वा 21:7

उहेम घ्‍ल्‍वा, ओर्मिम खोत्‍ले मेरामकाम दु़म मा गो मेरामकु माम्‍चु़नी दु़म्‍ङु मा मेराम आमा चो़ दु़म।