२ कोरिन्‍थी 6:1 - थुलुङ राई

¹ माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

२ कोरिन्‍थी 6:1 Referans Kwoze

हिब्रू 12:15

कोलेका कोले रेम्‍बेनी, मेम्‍साका सु़ वो माम्‍चु़नीकु दिदाम ल्‍वामुडाम वाङ मेदु़म्‍नु़। न-गो खेम्‍ल्‍यामुकु सक्‍फार बर्साका दु़खा ग्‍वाक्‍पा होप्‍माम मेदु़म्‍नी, मेएँ माला ने ओरामका हापा मु़चु़मिमलाई मेसेपा दु़म्‍बेडु़मी।

१ कोरिन्थी 3:9

हेङालोने गुचुकु निफिङा कोयोकोयो माम्‍चु़नीकु खारी बेपा सो़। गानी ने माम्‍चु़नीकु ब्‍याङसी, मा माम्‍चु़नीकु नेम सो़।

१ पत्रुस 4:10

गानी खोत्‍लेका वाङमिमकु चापे-डुपे बोमु लागि राप्‍लावा ल्‍वान्‍निम बु। दिदामकु खाल-खालकाम राप्‍लावामिमडा माम्‍चु़नीकु जो़पा डु़ल्‍चो़मिम दु़म्‍नी।

गलाती 2:21

माम्‍चु़नीकु दिदाम गो हाम ना हामकाम मेमिम्‍पु। हेङालोने डु़म्‍लाका माम्‍चु़नीकु ङादोडा मुमा मान्‍थिम दु़म्‍बेडु़ माला येशू ख्रीष्‍ट क्रूसडा चेन्‍ला सो़सिम्‍डिम ने हाम ना हामकाम दु़म।

हिब्रू 12:25

गानीनुङ जेपा माम्‍चु़नीलाई मेद्‌वाक्‍पा मामा दु़म्‍नी सो़। सुबुडा इस्राएलीमिमलाई मामासो़ र्‍वाक्‍पा मोशालाई मेर्मिमका मेद्‌वाक्‍मिवालो माम्‍चु़नीकु देन्‍देडाम मेर्मिम स्‍वामु मेचाप्‍मिवा। गुइलाई पाह्रीलाम मामासो़ र्‍वाक्‍पा गुमीडाम कोर्थो़ हिसिडी माला हेसाका स्‍वामु चाप्‍सी मा?

रोमी 12:1

आमा द्‍वादीबुङ वा-ल्‍वाकनी, माम्‍चु़नीका गानीलाई रिखाम बोनिमी। मेम्‍मिमका गानी इनी सिपा मिरो़मलाई सेपा नुङ माम्‍चु़नीडा ग्‍वामु घ्रेट्‍पा बेसाका इनीमा त्‍वारो़म गुमीडा ग्‍वाक्‍नी र्‍वाक्‍साका गो छो़म र्‍वाङु। इनीमा न-गोका बोमु बासिक्‍पा आच्‍छाङाकाम सो़रलोले वो ओराम ङा सो़।

गलाती 3:4

हाम गानी येशू ख्रीष्‍टडा थो़र लु़न्‍निलो आकोति छो़म दु़खा इम्‍निम ल्‍वा हाम ना हामकाम दु़स्‍ता मा? गो मेप्‍माम मिम्‍तोम मिबु।

थु़र्मा 14:3

मेसिन्‍डा पावल नुङ बारनाबास येशूकु दुथाममिम सिजेम मेङिसाका जेत्तो हापा ङा बाच्‍ची। मेम्‍मा येशूका मेर्चिपलाई उनीमा यु़म ग्‍वाम्‍डी। मेलामका हेल्‍लो वो मेल्‍वामिवाम खारीमिम नुङ छेखोपमिमका मेर्चिपका जेच्‍चिम दिदामकु सिजेम आच्‍छाङा र्‍वाक्‍पा रेम्‍बेम्‍डी।

तीतस 2:11

हेङालोने खोत्‍ले मु़चु़मिम सेल्‍मुमि लागि माम्‍चु़नीका उनी दिदाम रेम्‍बेम्‍डिम बु।

मत्ती 23:37

“ए यरूशलेमडाम मु़चु़नी, ए यरूशलेमडाम मु़चु़नी, माम्‍चु़नीलाम-जेपामिमलाई गानी सेनी, मा माम्‍चु़नीकु सेलाचो़मिमलाई लुङका ओम्‍नी। घ्‍लोमीका उ बुक्‍लोमिमलाई उ लाप्‍तेरकुगोयु़ बोडु़-थारु़मिम होम्‍साका गानीलाई बोमु-थार्मु माल्‍थाल्‍तो, लावो गानी मेबिन्‍सिट्‌निवा।

२ कोरिन्‍थी 10:1

गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।

थु़र्मा 11:23

बारनाबास एन्‍टिओखिया शहरडा रोक्‍फाड्‌डालो मेसिन्‍डाम मु़चु़मिमलाई माम्‍चु़नीका उनी दिदाम ग्‍वाम्‍डिम ल्‍वास्‍तु़मा गु गेर्सी द्‌वाक्‍ता। गुका मेर्मिम खोत्‍लेलाई माम्‍चु़नीडा न-गोलामका ङा थो़रलु़मुमबुमु उनी सो हन्‍बेसाड्‌डु़मी।

१ थेसलोनिकी 3:5

मेम्‍मिमका गो इम्‍मुम बुमु मेचापुवालो इनीमा थो़रकु दुथाम चमु लागि तिमोथीलाई गो इनीमाडा थु़र्तो। याङलो शैतानका इनीमा न छाम्‍मु चाप्‍सु़, मा गुकु बेत्तोकोम खारी ब्‍लाम-ब्‍लाम बु़ र्‍वाक्‍पा आमा ङिम लु़डाम बाइडा।

हिब्रू 4:1

माम्‍चु़नीका उनीमा ङेसिक्‍पा खोमगोनो ङेम्‍सिमु ग्‍वानिनी र्‍वाम्‍डिम ल्‍वा ने आथावो बु। मेराम खोमगोनो हुमु मेल्‍वापा सु़ वो मेदु़म्‍सिनु़ र्‍वाक्‍साका गुइ चङचङया बुइ।