२ कोरिन्‍थी 5:9 - थुलुङ राई

⁹ मेम्‍मिमका गुइ मिरो़मडा बुइ लोवो मिरो़मडाम वाङ बुइ लोवो गुमीलाई गेर्सिबेन्‍मुङा इकीमा न दु़म।

२ कोरिन्‍थी 5:9 Referans Kwoze

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

रोमी 14:18

उहेम मु़चु़का आरेसाका ख्रीष्‍टकु खारी बु़, मेरामका माम्‍चु़नीलाई गेर्सिबेडु़ मा मु़चु़मिमका वो जो़पा मिम्‍मी।

२ पत्रुस 3:14

मेम्‍मिमका द्‌वादीबुङ ङोप्‍सो़नी, गानी ओर्मिम ल्‍वाकु दुथाम लथाक्‍पा मु़चु़ दु़म्‍निमका उनी मिक्‍सीलामडा गानी चाप्‍तो मेचाप्‍तो छु़ल मान्‍थिम नुङ मेख्‍लो़ट्‌पा दु़म्‍साका गुमीडा न-भ्रसिक्‍साका बानी।

१ तिमोथी 4:10

गुइ हेल्‍लो लोवो बुमिमिम माम्‍चु़नीलाम हाम-हुम ल्‍वापा न बिइमिम बु, गुमी ने खोत्‍लेकाम सेल्‍पा मा मेरामडाम वो थो़र लु़पामिमलाई सेल्‍पा सो़। मेम्‍मिमका गुइ ब्राम्‍दु़ल्‍वा नुङ मेझापातो खारी बिइमिम बु।

१ थेसलोनिकी 4:11

ङादो गुकु गानीलाई र्‍वाक्‍तोकोम होङङा लिवा बानी, त्‍वाकु खारी मिम्‍पा दु़म्‍नी, त्‍वाकाम लागि त्‍वाकाङा खारी बेनी।

१ थेसलोनिकी 4:1

हुम-दडा, वा-ल्‍वाकनी, गुकुलाम गानी सीन्‍सिट्‌निम होङङा माम्‍चु़नीलाई गेर्सिबेसाका बानी र्‍वाक्‍साका ङाचो़ येशूकु नङडा छो़म र्‍वाकु। ङादो वो गानी आरेङा बेन्‍निम बु, मा आथावो छो़म मेमङा बेनी र्‍वाक्‍साका इनीमा सो हन्‍बेन्‍कु।

१ कोरिन्थी 15:58

मेम्‍मिमका आमा द्‌वादीबुङ वा-ल्‍वाकनी, थो़रलु़इमिम दु़म्‍निम बानी मा यु़मनुङमा दु़म्‍नी। हेल्‍लो लोवो ङाचो़कु खारी छो़म बेनिम बानी। हेङालोने गानी ङाचो़काम लागि ब्राम्‍दु़ल्‍वा बोनिमिम हाम ना हाम मेदु़म र्‍वाक्‍पा गानी चनी।

रोमी 15:20

वाङमिमका चो़म्‍मिडिम जगडला नेम बनेबोमु चो़म्‍मा होम्‍साका वाङमिमका जो़पा-सेला दो़मु चो़म्‍मिडिम खोमडा गो मेदो़उ। ख्रीष्‍टकु दुथाम थो़मुङा मेथो़मिवाम मा वाङमिमका जो़पा-सेला मेदो़मिवाम खोमडा कोङङा गो जो़पा-सेला दो़मु द्‍वाक्‍पु।

रोमी 14:8

गुइ नु़इ लोवो ङाचो़काम लागि ङा नु़इ मा सिइ लोवो ङाचो़काम लागि ङा सिइ। मेम्‍मिमका गुइ सिइ लोवो नु़इ लोवो ङाचो़काम लागिङा सो़।

थु़र्मा 10:35

मु़चु़ उहेम सामाडाम ङा लोवो माम्‍चु़नीकु ङिम जु़ल्‍पा, मा जो़पा खारी बेपा मु़चु़ ङा माम्‍चु़नीका द्‌वामी।

हिब्रू 12:28

मेम्‍मिमका मेरुसिक्‍पा किब्‍दी गुइ डार्स्‍तिमका आला-तोमानुङमा दु़प्‍सी मा माम्‍चु़नीकु ङिम जु़ल्‍तो नुङ गुमीलाई डोक्‍पु मिम्‍तो गुमीलाई गेर्सिबेट्‌पा सो़रलोले बिइ,

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

२ कोरिन्‍थी 5:8

इकीमा छो़म सो हन्‍पा बु मा ओराम मिरो़म डिसाका ङाचो़नुङ बुमु गुइ द्‌वाकी।

२ कोरिन्‍थी 5:6

मेम्‍मिमका हेल्‍लो लोवो इकीमा सो हन्‍होम बु। गुइ ओराम मिरो़मडा बुइमिमसम्‍म ङाचो़डाम होनोवा दु़म्‍सी र्‍वाक्‍पा ल्‍वा चडिम बु।

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

एफिसी 1:6

मेम्मिमका गुमीका द्‌वादीबुङ उनीमा चो़ ख्रीष्‍टलामका गुइलाई मेडेङा ग्‍वाक्‍साड्‌डामिम ङाङाया दु़म्‍सीमिम उनीमा डोक्‍पु दिदामकाम लागि गुइ आलासो़ र्‍वाकी।