२ कोरिन्‍थी 5:5 - थुलुङ राई

⁵ आरेप्‍माम खारी झो़म्‍सी बेट्‌पा ने माम्‍चु़नीङा सो़। गुमीका मेराम खारी आच्‍छाङा बोम्‍सोमी र्‍वाक्‍पा रेम्‍बोमु लागि ङादो ग्‍वाम्‍जो़ल्‍मा बैना होङङा माम्‍चु़नी-पेल गुइलाई ग्‍वाक्‍साड्‌डामिम बु।

२ कोरिन्‍थी 5:5 Referans Kwoze

२ कोरिन्‍थी 1:22

गुइ गुमीकाम ङा र्‍वाक्‍साका गुमीका गुइडला उनीमा छेखोप ओप्‍मिडिम बु मा ङादो ग्‍वाक्‍पा बैना होप्‍मामङा इकीमा न-गोडा माम्‍चु़नी-पेल ग्‍वाक्‍साड्‌डामिम बु।

रोमी 8:23

प्रङसिट्‍पा कोङङा मेएँ, माम्‍चु़नी-पेलका चङडा रेट्‍पा न भ्रसी ल्‍वामु लागि गुइ वो नगोनो दु़खा इम्‍तोङा बिइ। इकीमा माम्‍चु़नीका उनीमा त्‍वाकु तारापाचो़ दु़म्‍बेसामी मा इकीमा मिरो़म पुयु़लुमुलाम सेल्‍सामिनु़ र्‍वाक्‍साका गुइ लथाडी।

एफिसी 4:30

गानीगोडा बाट्‌पा माम्‍चु़नी-पेललाई इनी बासी-दोसीलामका मेभ्रसिक्‍पा मेदु़म्‍बेट्‌नी, हेङालोने सेल्‍सिक्‍पा नेम गानी वो सेल्‍सिमु ल्‍वानी र्‍वाक्‍साका माम्‍चु़नीका उनी त्‍वाकु पेल ग्‍वाक्‍साका गानीडला छाप ओप्‍मिडिम बु।

१ यूहन्‍ना 3:24

माम्‍चु़नीका र्‍वामिमिम थो़पा मु़चु़मिम गुमीडा दु़म्‍मी मा गुमी मेर्मिम मु़चु़काडा दु़म्‍मी। गुमीका ग्‍वाक्‍साड्‌डामिम माम्‍चु़नी-पेललामका गुइ च, माम्‍चु़नी गुइनुङ बुमी।

एफिसी 2:10

गुइ ने माम्‍चु़नीका प्रङ्‍साड्‍डामिम सो़। गुइ जो़पा खारी बिइनु़ र्‍वाक्‍साका गुमीका गुइलाई ङाचो़ येशू ख्रीष्‍टडा प्रङ्‍साड्‌डामी। गुइ मेर्मिम जो़पा खारी बिइनु़ र्‍वाक्‍साका माम्‍चु़नीका ङादोङा मुलु़ बेम्‍डिम बाइडा।

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।