२ कोरिन्‍थी 5:20 - थुलुङ राई

²⁰ मेम्‍मिमका गुकु ख्रीष्‍टकाम सेलाचो़ सो़, मा माम्‍चु़नीका गुकुलामका र्‍वामिमिम-र्‍वामिमिमङा बुमी। ख्रीष्‍टलामका गुकु गानीलाई छो़म र्‍वाकु: माम्‍चु़नीनुङ इनीमा न-थो़म घ्रो़म्‍बेट्‌नी।

२ कोरिन्‍थी 5:20 Referans Kwoze

लूका 14:23

“नेमहपका उ डु़ल्‍चो़लाई र्‍वाक्‍ता, ‘हापा भापा लाम्‍दी नुङ याक्‍के लाम्‍दीबाडे लक्‍सामा मु़चु़मिमलाई रोक्‍नीमा रोक्‍नी बेमी, मा मे मु़चु़मिमका आमा नेम देम्‍नु़।

एफिसी 6:20

मेराम जो़पा-सेला दो़मु लागि ङा गुमीका गोलाई थु़र्ङिडिमिम बु। सो़म्‍दी बेङसाङनी, गो झ्‍यालखानडा चसिक्‍पा बुङु लोवो गो जेमु बासिक्‍पा होम्‍साका मेङिसाका जेमु चापुनु़।

२ कोरिन्‍थी 5:11

ङाचो़काम ङिम जु़ल्‍मु र्‍वाक्‍पा ल्‍वा गुकु चक्‍तोकोमका मु़चु़मिमलाई माम्‍चु़नीडा थो़र लु़बेन्‍मु माल्‍कु। आकीमा दुथाम माम्‍चु़नीका खोत्‍ले चमी, मा गानी वो आमा दुथाम जो़होमका चनिमिमङा बु र्‍वाक्‍पा आमा न बु।

यूहन्‍ना 20:21

येशूका आथावो र्‍वाम्‍डी, “न-गो भ्रसीनु़। पापका गोलाई थु़र्ङिडिमिम होम्‍साकाङा गो गानीलाई वो थु़र्निनी।”

२ कोरिन्‍थी 3:6

गुमीका गुकुलाई लाले सो़रख्रेप्‍सीकु डु़ल्‍चो़ दु़म्‍मु चापा दु़म्‍बेत्तिकिमिम बु। ओराम लाले सो़रख्रेप्‍सी ने र्‍याक्‍मा डु़म्‍लामिम मेएँ, लावो माम्‍चु़नी-पेललाम सो़। र्‍याक्‍मा डु़म्‍लाका सिमुलाम रेडु़, लावो माम्‍चु़नी-पेलका ने त्‍वारो़म ग्‍वाक्‍सामी।

लूका 10:16

येशूका उनी सीसिपामिमलाई र्‍वाम्‍डी, “उहेमका इनीमा ल्‍वा थो़सु़, मेरामका आमा ल्‍वा थो़सु़मिम होप्‍माम ङा सो़। उहेमका इनीमा ल्‍वा मेथो़सु़, मेरामका आमा ल्‍वा वो मेथो़सु़मिम होप्‍माम ङा सो़, मा उहेमका आमा ल्‍वा मेथो़सु़, मेरामका गोलाई थु़र्पा माम्‍चु़नीका र्‍वामिम वो मेथो़सु़मिम होप्‍माम ङा सो़।”

१ थेसलोनिकी 4:8

मेम्‍मिमका सु़का ओर्मिम सीसि मेद्‌वाकु़, मेरामका मु़चु़लाई मेएँ, माम्‍चु़नी-पेल ग्‍वाक्‍पा माम्‍चु़नीलाई मेद्‌वाकु़।

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

रोमी 5:10

गुइ माम्‍चु़नीकु स्‍वाक्‍चिमो मु़चु़ बाइडिलो ने उनीमा तारापाचो़ ख्रीष्‍ट सासेट्‌मिडिमा गुमीनुङ न-थो़म घ्रो़म्‍बेट्‌मिडिम बाइडा माला, आथा ने गुइ गुमीनुङ न-थो़म घ्रो़म्‍बेडिमका गुमीका ख्रीष्‍टकु त्‍वारो़मलाम आथावो गुइलाई सेल्‍सामी।

२ कोरिन्‍थी 12:10

मेम्‍मिमका मेचाप्‍सीमिमडा, डसिसिमिमडा, दु़खामिमडा, थो़मतेर्सीमिमडा, इम्‍मु मेझापा ल्‍वामिमडा ख्रीष्‍टकाम लागि गो गेर्सी द्‌वाङु। हेङालोने मेचापा दु़म्‍ङुलो गो सो नुङमा दु़म्‍ङु।

कलस्‍सी 1:20

माम्‍चु़नीका क्रूसडला ख्रीष्‍ट सासेन्‍सिम्‍डिम सिसिका न-थो़म घ्रो़म्‍बेसाका सुबुडाम नुङ पाह्रीलाम खोत्‍लेलाई ख्रीष्‍टलामका गुमीनुङ कोदेप बोमु वो द्‍वाम्डी।