२ कोरिन्‍थी 5:13 - थुलुङ राई

¹³ गुकु आकीमा न मान्‍थिम बुकु माला माम्‍चु़नीकाम लागि न मान्‍थिम बुकु, मा गुकु आकीमा ननुङमा बुकु माला इनीमा लागि ननुङमा बुकु।

२ कोरिन्‍थी 5:13 Referans Kwoze

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

२ कोरिन्‍थी 12:6

गो डोक्‍पु लिसिमु मालु माला वो गो नेप्‍ची मान्‍थिम मेदु़म्‍ङु, हेङालोने गो आच्छाङाकाम ल्‍वा जेत्तोङा लेट्‌पु। लावो गो डोक्‍पु मेलिसिङु, मा गो हाम बेउ, हाम र्‍वाङु मेरामडाम वो डोक्‍पु सु़का वो गोलाई मेलु़मिनु़।

२ कोरिन्‍थी 11:1

गो किचो़ नेप्‍ची मान्‍थिम दु़म्साका र्‍वाङुलो गानी इम्‍नी र्‍वाक्‍पा आमा न बु। आच्‍छाङा गानी मेम्‍साका इम्‍सिट्‍नी।

रोमी 12:3

माम्‍चु़नीका ग्‍वाङ्‌डिमिम दिदामलामका गो गानीलाई र्‍वाक्‍तोङा बेउ, त्‍वापलाई डोक्‍पु मेमिम्सिट्‍नी लावो माम्‍चु़नीका गानी खोत्‍लेलाई ग्‍वाक्‍निमिम थो़र होम्‍साका इनी त्‍वाप हेप्‍माम बुनी मेराम होम्‍साका कोङङा मिम्‍सिट्‍नी।

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

१ थेसलोनिकी 1:5

हेङालोने गानीलाई गुकु थो़बेत्तोकोम जो़पा-सेला ने ल्‍वा कोङङा मेएँ। लावो ओराम ने यु़मनुङमा नुङ माम्‍चु़नी-पेललामका छो़म थो़रबिइमिम बाइडा। गानीनुङ गुकु बात्तोकोलो इनीमा लागि हेसाका बात्तोको मेराम गानी चनिमिम बु।

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

२ कोरिन्‍थी 7:12

कोङनिमका मेजो़पा खारी बु़डु़मका मा कोङनिमकु न नो़डामका गो मेराम सेलाखाजेम र्‍याक्‍तोम मेएँ, लावो गानी आकीमा दुथाम हाङकोम न सोनिमिम बु मेराम माम्चु़नीकु ङादोडा गानी इनी त्‍वाकाङा रेम्‍मु चाम्‍निनु़ र्‍वाक्‍साका र्‍याक्‍तोम।

मर्कूस 3:21

उनी नेमडामका ओराम थो़म्‍डिमा, येशूलाई माल्‍ला रोम्‍डी, हेङालोने मु़चु़मिमका “गुमी उनी न मान्‍थिम बुमी” र्‍वाम्‍डिम बाइडा।