२ कोरिन्‍थी 5:12 - थुलुङ राई

¹² आरे र्‍वाक्‍साका गुकु आथावो इनीमा ङादोडा आकीमा त्‍वाकु दुथाम डोक्‍पुतो ल्‍वा बोमु माल्‍तोकोम मेएँ, लावो गुकुडा गानी डोक्‍पु लिन्‍सिट्‌नी र्‍वाक्‍साका गानीलाई जो़पा थारी ग्‍वामु माल्‍तोकोम बु। मेम्‍साका न-गोडा बाट्‌पा ल्‍वाडा मेएँ, मिक्‍सीका ल्‍वासिक्‍पा ल्‍वाडा डोक्‍पु लिसिक्‍पा मु़चु़लाई गानी सि तुमु चाम्‍नी।

२ कोरिन्‍थी 5:12 Referans Kwoze

२ कोरिन्‍थी 3:1

हाम आथावो आकी त्‍वाकाङा त्‍वापलाई कोमु खाम्‍कु मा? हाम कोङ-कोङ मु़चु़मिमका होङङा गानीलाई डे गानीलामका डे छेबेट्‌पा सेलाखाजेम गुकु वाङमिमलाई रेम्‍बोमु बासी मा?

२ कोरिन्‍थी 1:14

ओम्‍लो गानी आकीमा दुथाम किचो़ कोङङा थेसिथेट्‌निम बु, लावो कोलेम गानी गुकुलाई जो़होमका थेसिथेन्‍किनी। ङाचो़ येशू योमिमिम नेम गुकु इनीमा दुथाम आकी दाप होर्सिमिम होङङा गानी वो आकीमा दुथाम इनीमा दाप होर्सी र्‍वाक्‍साका थो़र बेउतोम बु।

२ कोरिन्‍थी 10:18

हेङालोने त्‍वाका त्‍वाकु नङ कोक्‍पा मु़चु़लाई सु़का वो जो़पा मेमिम्‍डु़, लावो ङाचो़का नङ कोम्‍साप्‍मिमिम मु़चु़ङा जो़पा दु़म।

२ कोरिन्‍थी 12:11

गो आ त्‍वाकाङा त्‍वापलाई नेप्‍ची मान्‍थिम दु़म्‍बेत्तोम बु। गानीङा गोलाई आरेप्‍माम दु़म्‍बेट्‌ङिडिनी। गानी आमा नङ कोमु बासिक्‍पा बाइडा। हेङालोने गो हाम वो मेएँ लोवो “डोक्‍पु-डोक्‍पु थु़र्मामिम” डाम गो याक्‍के मेबुङु।

२ कोरिन्‍थी 10:12

त्‍वाकु नङ त्‍वाकाङा कोक्‍पा याङ मु़चु़मिमनुङ गुकु आकी त्‍वापलाई कोलेङा र्‍वाक्‍पा मिम्‍मु नुङ थो़म्‍मु सामाका मेफारु़। मेर्मिम उनी त्‍वाका बनेबेम्‍डिम थो़प्‍सी होम्‍साकाङा उनी त्‍वाका त्‍वापलाई छाम्‍साका जु़ल्‍मी मा त्‍वाकाङा त्‍वापलाई थो़प्‍मी माला मेर्मिम मु़चु़ नेप्‍ची मान्‍थिम दु़म्‍मी।

२ कोरिन्‍थी 10:8

ङाचो़का गुकुलाई ग्‍वाक्‍तिकिमिम ओराम साखाम गानीलाई पुयु़लुबेन्‍मु मेएँ, लावो जो़पा बोमु लागि सो़। ओराम साखामकु दुथाम गो छो़म डोक्‍पु लिसिङडो लोवो आमा क्रो़म मेलु़।

२ कोरिन्‍थी 6:4

मेम मेबेसाका, खोत्‍ले खारीडा गुकु आकी त्‍वापलाई माम्‍चु़नीकु डु़ल्‍चो़ र्‍वाक्‍साका रेम्‍बोकु। गुकु दु़खाडा, मेझापाडा नुङ खेमल्‍यामु वो मेझापा खारीडा वो गुकु छो़म इम्‍सिसाका बुकु।

२ कोरिन्‍थी 10:7

गानी ने इनी मिक्‍सीलामडा बाट्‌पा कोङङा रेम्‍नी। कोङनिम मु़चु़का गो ने ख्रीष्‍टकाम र्‍वाक्‍साका जो़होमका थो़रलु़डाम बु माला, गुकु वो गु होप्माम ङा ख्रीष्‍टकाम सो़ र्‍वाक्‍पा ल्वा गुका मिम्‍नु़।

फिलिप्‍पी 1:26

मेम्मा गो इनीमाडा आथावो रोङुलो आमा दुथाम गानी ख्रीष्‍ट येशूकु नङ हापा कोमु चापा दु़म्नी।